Naba 10:30 - Buka Blahi Ka Cheke Holo

³⁰ Nu mae Hobab ne cheke eghu, “Theo, iara ginauna au kolho ka nogu vido gne baludi thabuknagu thegu gre.”

Naba 10:30 ပူးပေါင်းရင်းမြစ်များ

Hibru 11:13

Naikno te gnafa tifa igre fatutuani ni God neke ghilei lehe. Kate au ka nauthoglu igne, mare neke theome hata gobigna lepo God teke nhaꞌa cheke ranghidi. Mare jateula te kegra teu delei te filo lao eghu kolho, eghuteuna mare gleꞌani unha nate thoke mei ginauna. Mare ne cheke eghu, “Ghehati jateula mae phosa eghu kolho kau nauthoglu igne.”

Hibru 11:8

Mae Ebraham neke fatutuani ni God, eigna igne mana ne leghuni God kate kiloni mana mala jifla kokoni nogna namono na mala tei ka keha namono delei, ka vido aheva God nate tusu ranghini mana. Mana jifla ne tei neuba ne theome laseni aheva nate tei na.

Fapea Korin 5:16

Eghume gognaro na ghehati theome fateni kaisei naikno leghuni nogna gaoghatho naiknogna nauthoglu gne. Tifa na ghehati neke fateni Kraes leghuni nogna gaoghatho naikno na, naugna ghehati gaoghathomi na ne khogla naikno kolho mana eghu. Nu gognaro na ghehati theome eni tuana.

Luku 14:26

“Ihei te mei ka iara te magnahaghei nogu mae fanomho iara teunu, namhani fara kmagna, idogna, khetogna, thugna, thabusigna, greghagna ba thegna ke tulaogu iarai teuna, mana theome nabagna te nogu mae fanomho iara na.

Matiu 21:29

Mae thugna na ne cheke eghu, ‘Mama, iara na theome tei.’ Nu ke leghu, mana tughu nagnafa neke tei.

Nodi Khoje Hatimare Mae Jiu 45:10

Iagho sua gaꞌase te magnahaghei tolaghi ka king teu ia, fanomho fakeli ka unha nate chekeni iara gne nei ghathoni eghu. Iagho na theome fanomho ka nodi farirhiu kheramu nei vikemu te au teu ka namonodire.

Jenesis 31:30

Iara lase nigho iagho magnahaghei te jifla koko ghau iara mala ke pulo ka namono aheva teke karhamu na teuna. Nu naugna unha sagho te rikha balumu nogu mumujura te mala reireghi gna nogu suga ia?”

Jenesis 12:1

Lord ne cheke eghu ka mae Ebram, “Ghema Ebram, jifla kokodi namonomu, kheramu, nei vikedi mae kmamu teu iagho igre mala tei ka kaisei namono aheva iara nate fatakle arini tamu na.

Matiu 21:28

Mae Jisas ne toutonuni kaisei cheke naba eidi phei mae thabusigna. Mana ne cheke eghu ka mare, “Cheke meini ghotilo ka iara gaoghathogna cheke naba igne. Kaisei mae au phei thugna nalhaꞌu. Aonu, mana tei ne cheke eghu ka mae thugna ulu lahu na, ‘Thuguo, gognarona iagho tei mala loku ka nogu nagare iara ia.’

Eksodas 18:27

Ke leghugna igne, mae Moses ne kubaeni mae nanghogna na, eghuteuna mae Jetro neke pulo ka nogna kantri na.

Jajis 1:16

Vikegna nanghogna naꞌa Moses te vikegna Kein igne, mare ne tei baludi vikegna mae Juda. Mare ne kafe jifla ka namono Jeriko te kiloi namono thubo igne, eghuteuna mare ne tei ne au ke mata namono nagou rhegna namono Arad baludi naiknodi jare re.