Naba 10:12 - Buka Blahi Ka Cheke Holo

¹² eghuteuna naikno Israel re ne funu jifla kokoni namono nagou Sanai na. Gromno igne mei ne snoto jare Paran.

Naba 10:12 ပူးပေါင်းရင်းမြစ်များ

Naba 12:16

Ke leghugna tuana, mare ne jifla kokoni vido Haserot na ne tei au ka namono nagou Paran.

Jenesis 21:21

Kate au teu mana ka namono nagou Paran gne, idogna mana na ne tei hata kaisei khetogna mana ka namono Ijep.

Diutronomi 1:1

Buka igne au cheke teke cheke mae Moses ka naiknodi Israel ka teke au teu mare ka namono nagou Moab, ka glogu Khoꞌu biꞌo Jordan, rhegna namono Suf nei fari hoteidi namono Paran, Tofel, Laban, Haserot, nei Disahab. Tifa na mare neke posa ka nohi Moab, mae Moses neke uluni King Sihon kokhologna mae Amoa jare Hesbon, eghuteuna neke uluni King Og maegna Besan nei phei nogna namono mana Astarot ghe Edrei. Ihei te jifla ka Thogele Horeb, keha nanghagna na Thogele Sanai, tei posa Kades Banea, mana tangomana te nolo nabagna nabotho kaisei narane. Neuba, mae Moses ne chekeni cheke igne ke leghudi phiatutu finogha teke jifla mare Ijep igre. Ka narane ulu lahugna fabotho kaisei nhigragna finogha tuana, eghuteuna mare aunga neku ka nohi Moab ke maghati ka keha Khoꞌu biꞌo Jordan, mae Moses neke cheke eigna vetula nogna nhaꞌa cheke Lord.

Naba 13:26

Aonu mare neke pulo namono Kades ka namono nagou Paran te au mae Moses ghe mae Eron baludi naikno te gnafa Israel. Aonu mare ne cheke fajifla gobi lepo teke tei filodi thedire, nei jaola fakakhana nure grep te pala te mei thedire.

Naba 9:5

Aonu ka namono nagou jare Sanai, ka grafigna fa nabotho fati narane ka nhigra ulu lahu na, naiknore ne edi gobigna lepo teke cheke Lord ka mae Moses re.

Naba 1:1

Ka fapea finogha ke leghugna te jifla Ijep, Lord neke cheke ka mae Moses ke lamnagna Suga Thapuale te Blahi na ka namono nagou Sanai. Ka narane ululahu ka fapea nhigra ka finogha tuana, Lord neke cheke eghu ka mae Moses,

Profet Habaku 3:3

God te Blahi, iagho neke jifla mei funu ka namono nagou Idom, nei ka thogele Paran. Nou nolaghi iagho na jateula naprai eghu thafru ka vido te gnafa ka maloa kligna. Eghuteuna naikno te gnafa ka nauthoglu igne filoni nou nolaghi biꞌo iagho igne ne cheke fakeli nigho.

Ululahu Samuel 25:1

Kate lehe profet Samuel na, naiknogna Israel na ne kafe mei ne tanhi ka mana. Gnafa teuna, mare ne giugiluni mana Rama ka nogna namono na. Ke leghugna igne, mae Devet ne tei Paran ka namono nagou na.

Diutronomi 33:2

“Lord mei funugna Sanai neke mei ka ghotilo. Mana mei ka ghotilo jateula naprai te haghe ka keha phile nohi Idom ra eghu. Eghuteuna siasiglagna na phae funu ka thogele Paran mei posa ka ghotilo. Nabotho thogha engel te mei balugna mana na, eghuteuna mana louloku kaisei khaꞌaghi biꞌo fei khame nhetagna.

Diutronomi 1:19

Mae Moses ne cheke eghu, “Lord, noda God tahati na neke cheke ka tahati mala jifla Thogele Sanai, eghuteuna tei salaꞌu ka namono nagou biꞌo te thono diꞌa fara, mala tei posa ka nodi thogele kokhologna mae Amoa. Eghume tahati la eni igne la mei thoke agne Kades Banea.

Naba 9:1

Ke leghugna teke jifla mare Ijep ka ululahu nhigra gna fapea finogha na, Lord neke cheke eghu ka mae Moses ka namono nagou Sanai,

Eksodas 13:20

Naiknodi Israel gre ne jifla Sukot ne tei thoke ka namono Etam rhegna namono nagou na.

Naba 9:17

Eghuteuna leghu fata kate haghe koba nogna gromno Lord igne funu ka suga thapuale na, naikno te gnafa Israel gre ne funu tei. Eghuteuna kate soru gromno igne te au kmu kaisei vido na, naiknodi Israel gre jaola ne au ka vido tuana.

Naba 10:33

Kate jifla kokoni mare Thogele Sanai na, mare ne nolo nabagna thilo narane. Nu mare ne kulu pala ne tei nogna Bokis Blahi Nhaꞌa Cheke Lord na, mala tangomana Lord te falalase namono te mala au mare tagna na.

Ululahu Kings 11:18

Mare jifla ka nohi Midian ne tei ka namono nagou Paran, eghuteuna keha maedi Paran jaola ne toghodi mare. Aonu mare jifla ne tei Ijep mala tei filoni king gna Ijep. King ne snakre lao keha vido glose nei kaisei suga biꞌo neu ka mae Hadad, eghuteuna mana jaola ne toghoni mana ka gano na leghu narane.

Naba 2:34

Mare ne edi gobigna lepo teke cheke Lord ka mae Moses re ne fakegra haghe nodi suga thapuale baludi nodi flagi re, eghuteuna leuleghu fata kate tei ka keha vido re mare mala nolo leghudi nodi vike nei tharakna teu thedire.

Diutronomi 1:7

Ghotilo jifla tei au ka nodi namono kokhologna mae Amoa ka thogele nei ka glogu Khoꞌu biꞌo Jordan, nei ka nodi namono kokhologna Kenan, nei ka namono nagou ke mata Kenan. Namono igne tei posa ke mosu Thongna Mediterenian, eghuteuna ke raru na tei posa ka Thogele Lebanon, eghuteuna ke mosu na tei posa ka Khoꞌu biꞌo Iufretis.