Naba 10:10 - Buka Blahi Ka Cheke Holo

¹⁰ Eghuteuna kate gleale'a ghotilo na, ghotilo ginauna eni gaghamhu khafa nei keha gaghamhu are, eghuteuna ghotilo jaola mala ifu phei nifu are ke klignadi glepo te fafara te knoro nei fafara fagaglana gna te au fakeli ghotilo balugu iara na. Naoglagna nifu gne mala ke ghathoni ghotilo eigna iara te nomi Lord God ghotilo na.”

Naba 10:10 ပူးပေါင်းရင်းမြစ်များ

Nodi Khoje Hatimare Mae Jiu 81:3

Kau gaghamu khafa nei kau gaghamu glaba rane teu igre tahati kufli mala fufunu tharai na.

Ululahu Tesalonika 4:16

Lord thegna ginauna mei funu kligna. Tahati ginauna nomhini kaisei neha biꞌo balu naoglagna kaisei mae funeidi engel nei balu naogla khufli nogna God. Eghuteuna naikno khiloau teke lehe ra ginauna kulu kegra mala thafoni Lord.

Nehemaea 12:35

Ke leghudi mae igre, keha mae pris te ifu trampet ne tei ke leghu. Kaisei ka mae igre mae Sekaraea, thugna mae Jonatan. Mae Jonatan, thugna mae Semaea, thugna mae Matanaea, thugna mae Mikaea, thugna mae Sakua, nei thugna mae Asaf.

Esra 3:10

Kate fufunu lilisei mare thina biꞌo ka khotogna nogna Sugablahi Lord igne, hatimare mae pris ne fahaghe nodi phoko blahi re, aonu mare hata trampet ne tei khegra ka nodi vido re. Aonu mare ne tarabana mala kilo fnaknoni Lord, leghuni unha teke chekeni mae Devet king gna Israel ka naiknore tifa.

Fapea Kronikols 29:28

Aonu iheire te gnafa te au ka vido igne ne pogho soru ka Lord, eghuteuna mae te au ka kwaea igre ne koje, eghuteuna hatimare mae pris ne kufli. Mare ne eghu ne ghilei thokei vido narane tela kronohi fafara na.

Fapea Kronikols 29:26

Aonu mae Livaet igre mare ne tarabana baludi glepo te mala edi khoje teke tusu lao King Devet ka mare tifa igre. Eghuteuna mae pris re jaola ne tarabana nodi khufli re.

Naba 10:9

Kate tei ghotilo te magradi nomi mae naoka te magnahaghei goigoni ghami ghotilo are, ghotilo ginauna ifu faghose thilo fata. Eghuteuna kate nomhini iara Lord nomi God ghotilo gne, iara ginauna togho ghami, nei fakarha ghami ka nomi mae naoka ghotilo are.

Mae Khuru 10:4

Mae Konilias ne mhaghu fara ne filo tutu ka engel ne cheke eghu, “Unha sia Lord?” Engel ne cheke eghu ka mana, “God la nomhidihi nou tharai iagho ra, nei jaola filodihi unha te edi iagho te mala toghodi naikno te kuma ra.

Matiu 11:28

“Ghotilo te babaꞌo ka nanhiꞌo te tahu ra mei ka iara mala gnafa, iara ginauna hata fadelei nanhiꞌo te tahu tuana ka ghotilo.

Nodi Khoje Hatimare Mae Jiu 89:15

Iheire te koje kilo fnakno nigho iagho gre ngala te glealeꞌa nodi na, naugna iagho ne keli fara ranghidi, nei kaisei phile baludi.

Fapea Kronikols 7:6

Ka narane tuana hatimare mae pris ne kegra haghe ka nodi vido na ne kufli ka glepo te kiloi trampet. Ka keha phile na hatimare mae Livaet, mare kegra haghe ka nodi vido na ne koje ka gita nei ifu ka glepo teke edi mae King Devet re. Mare ne koje eghu, “Lord na ghatho tahu ghita fabrahu!” Naiknore ne kafe kegra haghe.

Ululahu Kronikols 16:42

Mae Heman ghe mae Jedutun phia mae igre mala fiofilodi mae iheire te kufli nei lalahu babuban, nei keha nafnata khoje te mala cheke fakelini God. Eghuteuna mae ka vikegna mae Jedutun igre mare reireghini grengathagna vido blahi igne.

Ululahu Kronikols 15:28

Aonu naiknodi Israel te gnafa igre hata ne haghe Jerusalem nogna Bokis Nhaꞌa Cheke Lord na, mare ne eha fabiꞌo ne glealeꞌa fara. Eghuteuna mare kufli nei lalahu babuban nei lalahu thua nafnata gita.

Josua 4:7

Tahati ginauna cheke eghu ranghidi, ‘Igne tuthuana eigna narane teke pala mae pris nogna Bokis Blahi Nhaꞌa Cheke Lord na teke kasa ka Khoꞌu biꞌo Jordan igne, eghuteuna khoꞌu biꞌo igne neke krango. Thina igre ginauna au fabrahu ka vido igne, eghuteuna iheire nate karha mei ke leghuda tahati re ginauna ghathoni fabrahu unha teke eni ka tahati ka vido igne.’ ”

Naba 29:1

Lord ne cheke eghu, “Leuleghu finogha, ka narane ululahu gna fafitu nhigra na, tuana kaisei narane blahi tulao mala mei khapru ghotilo mala kilo fnakno ghau iara. Eghuteuna ka narane tuana na, ghotilo mala thosei loku, naugna narane tuana kaisei narane biꞌo mala ifu trampet.

Levitikas 23:24

“Cheke ka naiknodi Israel, leuleghu finogha, ka fafitu nhigra ka narane ulu lahu gna nhigra tuana, ghotilo mala tathaji kaisei narane mala thofno gnafa kolho. Kate nomhini ghotilo naogla gna trampet te taitanhi fabiꞌo na, igne fagaglana gna narane biꞌo na, ghotilo te gnafa na mala kafe mei mala kilo fnakno ghau iara.

Eksodas 28:29

“Kate mei Eron ke ulugu iara Lord lamna ka Chogho Blahi na, mana mala babaꞌo ka babango gna na paos te au nanghadi nabotho phei vikegna Israel igne, mala tangomana iara te ghatho ghami ghotilo fabrahu na.

Thakle 22:17

Tharunga te Blahi ghe khetogna Lam na, repa ne cheke eghu, “Mei sagho!” Naikno te gnafa te nomhini cheke igne mala jaola cheke eghu, “Mei sagho!” Iheire te magnahaghei hatani u karha te theo ka gnafagna na, ghotilo mei mala koꞌu kolho ka khoꞌu te tusu mei karha igne.

Ululahu Tesalonika 4:18

Eghume fari totoghoi ka cheke igre.

Profet Isaia 27:13

Eghuteuna ka narane igne, kaisei mae ginauna kufli mala kafe kilodi vikeda teke hata teke tei mae naoka teke tei au Asiria nei Ijep, mala ke mei mala pogho soruni Lord ka Thogele Blahi Jerusalem.

Nodi Khoje Hatimare Mae Jiu 150:3

Tahati kilo fnaknoni mana ka nifu. Uve, tahati kilo fnaknoni mana ka soasopai nafnata gita.

Eksodas 30:16

Iagho atha sileni igne ka mare mala reireghi gna Suga Tapuale te Blahi te mala thafoni God. Sileni igne mala laseni naiknodi Israel te mala ghathoni mare te mala foli fajifla nakarhadi re ka tathagna Lord.”

Naba 28:11

Lord ne cheke eghu, “Ka narane ululahudi leghu nhigra re, ghotilo ginauna gahu fafara malagu iara. Ghotilo ginauna fafara phei buluka majaghani, kaisei sipu nalhaꞌugna nei fitu sipu nalhaꞌudi te kaisei finoghadi te theo thubu ka thinidire are eghu.

Ululahu Samuel 20:5

Aonu mae Devet ne cheke eghu, “Nathuꞌu na gaghamu gna u khafa ia. U narane te mala ghamu iara balugna king. Nu jame theome keli te au iara ka gaghamu na teu iagho gaoghathomu na, iara ginauna tei poru ka nagare gno ghilei grafi nauriha.

Fapea Kings 4:23

Nu mae khetogna na ne cheke eghu ka naꞌa, “Naugna unha sagho te magnahaghei tei ngala gognaro gnea? Theome narane Sabat, nei theome narane khafa la ngau eghu.” Naikno biꞌo igne ne cheke eghu, “Thosei nanga nou. Keliu kolho!”

Josua 6:4

Fitu mae pris te hata khufli igre ginauna tei ke uludi hatimare pris te pala nogu Bokis Blahi Nhaꞌa Cheke iara igne. Ka fafitu narane te tei faligohoni ghotilo namono igne fitu fata, mae pris te hata khufli igre ginauna kufli.

Nodi Khoje Hatimare Mae Jiu 81:4

U vetula teke tusu mei God ka tahati vikegna Israel igne ngala u vetula te mala leghuni tahati na.