Nonomho Te Keli Teke Risoi Mae Mak 9:5 - Buka Blahi Ka Cheke Holo

⁵ Mae Pita ne cheke eghu ka mae Jisas, “Velepuhi, thono keli fara te au tahati agne na. Ghetilo na hohoro thilo grorofe agne, kaisei malamu iagho, kaisei malagna mae Moses, nei kaisei malagna mae Elija.”

Nonomho Te Keli Teke Risoi Mae Mak 9:5 ပူးပေါင်းရင်းမြစ်များ

Filipae 1:23

Thono ninhigrana ranghi ghau iara te vavahi ka phei nabrou igre. Iara magnahagheni fara te jifla kokoni u nauthoglu igne mala au balugna mae Kraes, naugna tuana ngala glepo ulu te magnahagheni iara na.

Matiu 23:7

Mare magnahaghedi naiknore te ghatho tahudi nei kilodi ‘Mae Velepuhi’ ke lamna glalaba. Gaoghatho te edi mare glepo te keli igre mala filo naiknore eghu kolho.

Nodi Khoje Hatimare Mae Jiu 84:10

Nogu God, jame te au kolho iara kaisei narane ka nou Sugablahi iagho na, tuana thofno keli fara salaꞌu jame te au iara nabagna kaisei thogha narane ka keha vido delei na. Neubane khogla kegra kolho iara ka grengathagna nou Sugablahi iagho na tuana keli fara salaꞌu jame te au iara ke lamnagna nodi suga iheire te gnognoro re.

Ululahu Jone 3:2

Uve kheraguro, gognaro na tahati goro thugna God, nu tahati theome laseni jateula unha teu thogheiro na. Nu tahati laseni kate thakle mei mae Kraes na, tahati ginauna na jateula mana. Naugna tahati ginauna na thofno filoni mana.

Matiu 17:4

Aonu mae Pita ne cheke eghu ka mae Jisas, “Lord, keli fara te au tahati agne na. Jame magnahaghei iagho na, iara na horo thilo grorofe agne, kaisei malamu iagho, kaisei malagna mae Moses nei kaisei malagna mae Elija.”

Matiu 23:8

“Nu te chekeni iara ka ghotilo na, thosei jateula mare eghu snakreni kaisei naikno mala kilo ghami ‘Mae Velepuhi’. Naugna ghotilo kafe thabusigna nei thabureghagna eghu ngala. Eghuteuna iara ngala nomi mae velepuhi ghotilo na.

Nonomho Te Keli Teke Risoi Mae Mak 9:4

Thilomare ne filo laodi mae Elija ghe mae Moses facheke neu balugna mae Jisas.

Nonomho Te Keli Teke Risoi Mae Mak 9:6

Mana theome laseni kaisei unhanga te mala chekeni na, naugna thilomare ne mhaghu nodi fara.

Luku 9:33

Kate namo jifla mae Moses ghe mae Elija na, mae Pita ne cheke eghu ka mae Jisas, “Velepuhi, thofno keli fara te au tahati agne na. Ghetilo na horo thilo grorofe agne, kaisei malamu iagho, kaisei malagna mae Moses, nei kaisei malagna mae Elija.” Mae Pita ne cheke eghu eigna mana theome laseni gaoghathogna unha te chekei na.

Jone 4:31

Ke leghugna teke pulo naꞌa ka namono Saeka na mae fanomhore ne cheke eghu ka mana, “Velepuhi, ima gheu!”