Nonomho Te Keli Teke Risoi Mae Mak 9:48 - Buka Blahi Ka Cheke Holo

⁴⁸ Jare Gehena na siosilodire theome lehe, nei khaꞌaghi gna na theome lehe.

Nonomho Te Keli Teke Risoi Mae Mak 9:48 ပူးပေါင်းရင်းမြစ်များ

Profet Isaia 66:24

Ka narane te jifla mare agne Jerusalem teke figri ka namono na, mare ginauna filodi thinidi iheire teke figri tagru ghau iara tifa ra la lehehi. Mogo te ghamu ka thinidi naikno te lehe igre ginauna theome lehe, eghuteuna khaꞌaghi te gnhubra thinidi naikno te lehe igre ginauna theome lehe. Eghuteuna naiknore ginauna tirodi fara te filo lao ka thinidi naikno te lehe te siri te boto igre.” Igne chekegna Lord na.

Matiu 25:41

“Iara ginauna cheke eghu ka naikno te diꞌa te au fei mairigure, ‘Tei nomi delei! Naugna te chekeni God na ghotilo ginauna mala tei au ka fate! Ghotilo ginauna tei au ke lamna khaꞌaghi te karha fabrahu na. Khaꞌaghi tuana neke kulu tarabana God malagna mae Satan nei nogna tothoghei engel.

Matiu 3:12

Mana ginauna fatedi naikno te gnafare. Tutuani, mana ginauna vavahi iheire te doglore ka iheire te theome doglore. Jateula mae ihei te fofota gano te kelire ka gano te diꞌara eghu. Te kelire mala lilisei ka nogna suga na. Te diꞌare mala koko lao ka khaꞌaghi te karha fabrahu na.”

Nonomho Te Keli Teke Risoi Mae Mak 9:49

Tutuani, God farirhiudi nogna naiknore ka puhigna naꞌau papara ka nauthoglu igne. Nu iheire te tirodini mana na, God ginauna paradi mare ka khaꞌaghi te theo ka huigna.

Luku 3:17

Mana ginauna fatedi naikno te gnafare. Tutuani, mana ginauna vavahi iheire te doglore ka iheire te theome doglore. Jateula mae ihei te fota gano te keli ka gano te diꞌara eghu. Te kelire mala lilisei ka nogna suga na. Te diꞌare mala koko lao ka khaꞌaghi te karha fabrahu na.”