Nonomho Te Keli Teke Risoi Mae Mak 9:41 - Buka Blahi Ka Cheke Holo

⁴¹ Tutuani fara te chekeni iara ka ghotilo na, ihei te tufa kaisei kapu khoꞌu ka ghotilo naugna ghotilo te nogu mae gloku iara na, God ginauna na tabani mana.”

Nonomho Te Keli Teke Risoi Mae Mak 9:41 ပူးပေါင်းရင်းမြစ်များ

Matiu 10:42

Tutuani fara, te chekeni iara ka ghotilo na. Ihei te tufa kaisei glepo ikoi te jateula kaisei kapu khoꞌu teu ka kaisei nogu mae fanomho iara te theome biꞌo ka tathadi naiknore igne, God ginauna tabani mana.”

Matiu 25:40

“Iara mae King ginauna cheke eghu ranghidi, ‘Tutuani fara, te chekeni iara na. Kate eni ghotilo ranghini kaisei nogu naikno iara te au pari lahu ka igre, ghotilo jateula te eni ranghi ghau la iara eghu!’

Fapea Korin 10:7

Ghotilo mala filoni unha te ulu! Ihei te chekeni ne nogna Kraes teuna, mana mala ke ghaoghathoni, eigna ghehati jateula mana eghu nogna Kraes.

Ululahu Korin 15:23

Nu naikno te gnafare ginauna karha fapulo kate thoke mei nogna narane na. Kraes na neke kulu karha fapulo ka naikno te gnafare. Eghuteuna kate pulo mei Kraes na, nogna naikno mana re ginauna jaola karha fapulo.

Letas Teke Riso Tei Mae Pol Ka Khiloau Rom 14:15

Jame kaisei kherami ka khiloau gne theome gleꞌani gano te ima ghotilo na, tuana gaoghathogna na ghotilo theome leghuni puhi mala fari namhai na. Kraes neke lehe mala fakarhini naikno tuana, eghume ghotilo mala theome neneini mana ka glepo te imani ghotilo na.

Letas Teke Riso Tei Mae Pol Ka Khiloau Rom 8:9

Nu gognaro na ghotilo theome mala leghudi puhimi themi te diꞌare. Theo. Ghotilo mala leghuni Tharunga te Blahi, naugna Tharunga gna God na auhi ke lamnami ghotilo. Nu jame kaisei mae te theo Tharunga gna God tagna na, mana theome nogna Kraes.

Galesia 5:24

Naikno te leghuni mae Jisas Kraes re mare neke tupijuruni hi puhi te diꞌa fateo te magnahagheni naiknogna nauthoglu gne baludi gaoghatho te diꞌa fateo te magnahaghei eni unha te diꞌa.

Galesia 3:29

Ghotilo nogna Kraes, eghume ghotilo jaola goro thugna mae Ebraham. Eghuteuna ghotilo ginauna na hata unha teke nhaꞌa chekeni God ka mae Ebraham tifa ia.

Ululahu Korin 3:23

Eghuteuna ghotilo nogna Kraes, eghuteuna Kraes na nogna God.

Nonomho Te Keli Teke Risoi Mae Mak 4:10

Kate au sopa teu mae Jisas na, keha naikno teke nomhidi nogna cheke mana igre, mare ne mei baludi nabotho phei mae fanomho gre, ne ghusna ka mana gaoghathodi cheke naba igre.