Nonomho Te Keli Teke Risoi Mae Mak 9:24 - Buka Blahi Ka Cheke Holo

²⁴ Kmagna mae sitei na ne eha eghu fabiꞌo, “Uve, iara fatutuani nu theome naba kolho eghu. Togho ghau mala biꞌo iara nogu fatutuani na!”

Nonomho Te Keli Teke Risoi Mae Mak 9:24 ပူးပေါင်းရင်းမြစ်များ

Luku 17:5

Hatimare mae khurure ne cheke eghu ka mae Jisas, “Lord, farerhetadi nomi fatutuani gre.”

Hibru 12:2

Fifilo kolho ka mae Jisas. Mana neke fatutuani ni God, eghuteuna kate eni igne mana neke batu ghita ka nabrou te mala fatutuani ni God na nei mana jaola toghoni noda fatutuani na ghilei thoke ka narane leghu lahu na. Mana neke lehe ka gaju fafatha na. Nu mana neke theome ghathoni u mamaja eigna u glehe papara ke kligna gaju fafatha igne, naugna mana tangomana te filoni thofno gleale'a ofoni teu mana. Eghuteuna mana gognaro gnokro fei nhetagna God mala funei fruni balugna mana.

Efesus 2:8

Ka narane teke fatutuani ghotilo na, God neke fakarhi ghami. Ghotilo theome tangomana te fahaehaghe ghami themi neke hatini thofno nakarha na naugna gloku teke edi themire teuna. Theo. Ghotilo neke hatini thofno nakarha igne ka nogna khokofakasai God.

Fapea Tesalonika 1:11

Naugna igne, ghehati tarai koba eimi ghotilo, nei toreni noda God mala togho ghami nei nabami te au ka nakarha te keli teke kilo ghamihi mana. Eghuteuna ghehati jaola toreni God ka nogna nolaghi mala togho ghami ghotilo mala leghudi gaoghathomi nei loku fahui gloku teke edi ghotilo naugna te fatutuani ni God.

Fapea Tesalonika 1:3

Ghehati cheke fakelini God leghu rane eimi ghotilo kheraguro. Nabami ghehati te eni igne, naugna nomi fatutuani ghotilo na bruara fara. Eghuteuna namha te sopa au ka ghotilo te gnafa na jaola bruara.

Filipae 1:29

Tutuani fara, God la tusu arihi ka ghotilo u nafnakno te mala loku ranghini nei fatutuani ni mae Kraes nei au papara malagna mana teuna.

Nodi Khoje Hatimare Mae Jiu 126:5

Iheire te diꞌanagnafa balu taitanhi kate jo'u sisi teu ka nagare na, mare ginauna glealeꞌa fara ka vido te pulei posa gna mare gano na.

Fapea Korin 2:4

Tutuani fara, kate riorisoni letas tifa ia, iara neke diꞌanagnafa fara balu tanhi fabiꞌo kolho. Eghuteuna iara neke theome risoni letas tuana mala diꞌanagnafa ghotilo neku, nu mala laseni ghotilo hui te thofno namha ghami fara iara na kolho.

Hibru 5:7

Kate au nga tekeu mae Jisas ka nauthoglu gne mana neke tarai balu tanhi fabiꞌo ka God Kmagna mae ihei tangomana te mala toghoni mana te mala theome lehe na. God neke nomhini nogna tharai mana na, naugna mae Jisas neke loku leghuni nagnafagna God na nei ghatho tahuni eghu mana.

Mae Khuru 10:31

ne cheke eghu, ‘Ghema Konilias, God na la nomhidihi nou tharai iagho ra nei la filodihi unha teke edi iagho te mala toghodi naikno te kuma ra.

Profet Jeremaea 14:17

“Jeremaea, iagho na cheke eghu ka naiknore: “ ‘Iara ginauna tanhi bongi narane. Eghuteuna kholodi phei tathagu iara gre ginauna oro soru ka tathagu nei foflogu teu iara gre. Naugna mae naoka gre thono goigonidi fara nogu naikno iara re.

Fapea Timoti 1:4

Gognaro na iara magnahaghei fara te ari filo nigho mala ke keli gaoghathogu na, eigna iara neke ghatho fapuloni teke tanhi ghau iagho ia.

Luku 7:44

Mae Jisas figri lao ka naikno biꞌo na ne cheke eghu ka mae Simon, “Filoni sagho naikno biꞌo igne! Iara mei ruma ka sugamu iagho gne, eghuteuna iagho theome famei khoꞌu mala titihi iara ghahegu gre. Eghuteuna thau igne ne titihi ghahegu gre kau kholo di phei tathagnare, nei famomoja kau khaklagna thegna re.

Luku 7:38

Naꞌa kegra ke leghugna mae Jisas ne tanhi neu. Naꞌa ne fabobothu ka kholo tathagnare phei ghahegna mae Jisas re. Eghuteuna naꞌa tuturupuku soru ne famomoja ka khaklagna thegna te brahure ne gnangho fabrahu. Jaola naꞌa totofa kholo te sisiri keligna na ke klignadi.

Nodi Khoje Hatimare Mae Jiu 39:12

“Lord, fanomho fakeli ka nogu tharai gre, mala mei togho ghau. Eigna iara gne jateula teke edi mae kmagu tifara eghu au katha vido kmo'ei kolho balumu iagho ka nauthoglu igne.

Fapea Kings 20:5

Lord ne cheke ranghini profet mala tei ka king mala cheke eghu ka mana, “King Hesekaea, Lord nogna God mae kuꞌemu King Devet na ne cheke eghu: Iara la nomhinihi nou tharai iagho ia, eghuteuna iara filoni te tanhi nei diꞌanagnafa teu iagho ia. Iara ginauna nake fakeli fapulo nigho, eghuteuna ka fatilo narane ke leghugna gognarogne iagho tangomana te tei ka Sugablahi na.

Fapea Samuel 16:12

Jau Lord na lasedihi puhi te diꞌa te au ka iara igre, eghuteuna mana ginauna edi glepo te keli ka iara mala ke tughu fapulo puhi te cheke fadiꞌa ghau iara mana igre.”

Hibru 12:17

Ghotilo laseni igne, ke leghugna mae Isak te fablahini mae Jekop na, mae Iso magnahagheni mae kmagna na te fablahini. Nu neuba ne tanhi fabiꞌo mana ka mae kmagna na mala fablahini neu, mae kmagna na ne tirognani mana. Eghuteuna mae Iso theome tangomana te filoni kaisei puhi te mala tughu najafra teke eni mana na.

Mae Khuru 10:19

Kate hironi nga teu ngala mae Pita u gaoghathogna u mifi tuana na, u Tharunga te Blahi na ne cheke eghu ka mana, “Ghema Pita, thilo mae are mei hiro iagho.

Nonomho Te Keli Teke Risoi Mae Mak 9:23

Mae Jisas ne cheke eghu ka mana, “Uve, te toreni iagho ka iara na, glahula me tangomana iara te togho nigho na. Te chekeni iara ka iagho na. Mae ihei te fatutuani ni God na, gobigna lepore tangomana ngala ka mana.”

Nonomho Te Keli Teke Risoi Mae Mak 9:25

Mae Jisas ne filodi naiknore ne kafe thugha mei jare mala filoni unha te eni mae Jisas na. Aonu mae Jisas ne cheke eghu ka naitu na, “Iagho naitu te fameglini nei faꞌiho chekeni teu mae sitei igne, jifla mei ka mana. Eghuteuna, thosei ke ruma ka mana eghu!”