Nonomho Te Keli Teke Risoi Mae Mak 9:23 - Buka Blahi Ka Cheke Holo

²³ Mae Jisas ne cheke eghu ka mana, “Uve, te toreni iagho ka iara na, glahula me tangomana iara te togho nigho na. Te chekeni iara ka iagho na. Mae ihei te fatutuani ni God na, gobigna lepore tangomana ngala ka mana.”

Nonomho Te Keli Teke Risoi Mae Mak 9:23 ပူးပေါင်းရင်းမြစ်များ

Jone 11:40

Mae Jisas ne cheke eghu ka naꞌa, “Mafa, kela ghatho ihoni sagho teke cheke ranghi nigho iara ia? Te fatutuani ghau iara iagho na, iagho tangomana te filoni fagaglana gna nogna nolaghi biꞌo God na.”

Hibru 11:6

Mae ihei te theome fatutuani ka God na, God ginauna na theome keli tagna ka mana. Naugna mae ihei te magnahaghei mei namo ka God na, mana kulu fatutuani ni God te karha nei jaola fatutuani ni God ginauna na tabadi naikno te hironi mana na.

Nonomho Te Keli Teke Risoi Mae Mak 11:23

Uve, tutuani fara, te chekeni iara ka ghotilo na. Jame kaisei mae ka ghotilo theome ghatho peapea nu fatutuani ni unha te chekeni na teuna, mana tangomana te cheke eghu ka thogele igne, ‘Kegra haghe tei krofu ka thongna gno.’ Glepo tuana ginauna na leghuni ngala unha te chekeni iagho na.

Matiu 17:20

Mae Jisas ne cheke eghu ka mare, “Ghotilo theome tangomana ghami te brue teini naitu na, naugna nomi fatutuani ghotilo na theome naba. Tutuani fara te chekeni iara ka ghotilo na, neubane ikoi fara jateula sisi gaju mastad neu nomi fatutuani ghotilo na, ghotilo na tangomana te cheke eghu ka thogele igne, ‘Jifla agne mala tei jare.’ Teu ghotilo na, thogele tuana ginauna thugha tei. Eghume ginauna theo kaisei glepo nate ninhigrana ranghi ghami ghotilo na.

Fapea Kronikols 20:20

Hamerane boibongi ka keha narane na, hatimare mae soldia ne tarabana mala tei ka namono nagou rhegna namono Tekoa. Eghuteuna kate tei mare na, King Jehosafat ne cheke eghu ka mare, “Ghotilo maemi Juda nei Jerusalem, fanomho fakeli ghotilo ia! Fatutuani ka Lord, noda God, eghuteuna mana ginauna farheta ghami ghotilo. Ghotilo fatutuanidi nodi cheke nogna mae profet manara, eghuteuna ghotilo ginauna tangomana te uludi mae naoka re.”

Luku 17:6

Mae Jisas ne cheke eghu ka mare, “Neubane ikoi fara nomi fatutuani ka God na ne jateula sisi gaju mastad neu, ghotilo tangomana te cheke eghu ka gaju biꞌo na, ‘Krathu balu glathimu tei kegra ka thongna gno’ teu ghotilo na, gaju biꞌo tuana ginauna leghuni unha te chekeni ghotilo na.

Mae Khuru 14:9

Mae igne gnokro fanomho neu ka mae Pol. Mae Pol ne filo lao ka mana ne glanini mae igne mana fatutuani ni God te tangomana te mala fakelini na.

Nonomho Te Keli Teke Risoi Mae Mak 9:22

Nu kmana fata na naitu gne koko soruni mana ke lamna khaꞌaghi, nei ke lamna khoꞌu eghu, mala lehe mana. Jame te tangomana iagho na, kokhoni ghami nei togho ghami eghu.”

Nonomho Te Keli Teke Risoi Mae Mak 9:24

Kmagna mae sitei na ne eha eghu fabiꞌo, “Uve, iara fatutuani nu theome naba kolho eghu. Togho ghau mala biꞌo iara nogu fatutuani na!”

Matiu 14:29

Mae Jisas ne cheke eghu ka mae Pita, “Mei!” Mae Pita jifla ka mola na ne funu nonolo ke tagru kholo na ne tei ka mae Jisas.