Nonomho Te Keli Teke Risoi Mae Mak 9:19 - Buka Blahi Ka Cheke Holo

¹⁹ Mae Jisas ne cheke eghu, “Tore, ghotilo naikno gre theome fatutuani ni God kolho! Niha fata au fabrahu iara balumi ghotilo sia? Iara hongo ghau fara ka ghotilo! Hata mei ka iara agne mae sitei na!”

Nonomho Te Keli Teke Risoi Mae Mak 9:19 ပူးပေါင်းရင်းမြစ်များ

Naba 14:11

Lord ne cheke eghu ka mae Moses, “Niha fata thodo ghau iara si naikno grea? Neubane edi iara kmana khofubobhoi ka tathadi mare re, mare theome ke rouronu kolho ka iara.

Jone 20:27

Aonu mae Jisas ne cheke eghu ka mae Tomas, “Habo mei khamemu are agne ka khamegu iara gre mala filodi. Eghuteuna habo mei khamemu ana agne ka gagarogu iara gne. Thosei ghatho peapea, fatutuani sagho!”

Nonomho Te Keli Teke Risoi Mae Mak 16:14

Ke leghu na mae Jisas mei ne thakle ka nabotho kaisei mae fanomhore, ka vido te ima teu mare na. Mana mei ne cheke faheta ka mare, naugna mare ne theome biꞌo nodi fatutuani na. Mare ne maku fara nagnafadire ne theome fatutuanidi iheire teke filoni mana ke leghugna teke karha fapulo mana ka glehe na.

Naba 14:27

“Niha fata buiburi ghau iara si naikno te diꞌa igrea? Tutuani, iara nomhidi nodi cheke mare te buiburi ghau iara igre.

Luku 24:25

Ke leghugna igne mae Jisas ne cheke eghu ka phiamare, “Tore, ghopa gne ihou kolho signe. Ghopa gne theome faghose fatutuanidi kolho gobigna lepo teke chekedi hatimare mae profet ra!

Luku 9:41

Mae Jisas ne cheke eghu, “Tore, ghotilo naikno igre theome fatutuani ni God kolho! Puhimi ghotilo re thono kafe jafra fara! Niha fata au fabrahu iara balumi sia? Iara hongo ghau fara ka ghotilo!” Mana ne cheke eghu ka mae igne, “Hata mei mae thumu na ka iara agne!”

Matiu 17:17

Mae Jisas ne cheke eghu, “Tore, ghotilo naikno gre theome fatutuani ni God kolho! Puhimi ghotilo re thono kafe jafra fara! Niha fata au fabrahu iara balumi ghotilo sia? Iara hongo ghau fara ka ghotilo! Hata mei ka iara agne mae sitei na!”

Diutronomi 32:20

“Lord neke cheke eghu ka ghotilo, ‘Gognarona iara poru ka ghotilo. Aonu iara ginauna na filoni unha nate goigoni ghami ghotilo na, naugna ghotilo ne phaꞌu boto fara, eghuteuna ghotilo sua theome ghatho tahu ghau iara.

Naba 14:22

Theo kaisei naikno ka mare te ginau tei ka vido Kenan na. Mare filodihi nogu nolaghi nei khofubobhoi teke edi iara Ijep nei ka namono nagou teure. Nu neubane eghu ngau mare theome ke leghu ghau iara kolho nei mare fariuriu ghau iara nabotho fata.

Jone 12:27

Mae Jisas ne cheke eghu, “Gognaro na iara thono diꞌanagnafagu fara eigna glepo nate mei ginauna. Na cheke faꞌunha eghu iara ka mae Mama? Iara na cheke eghu, ‘Mama, thosei snakre mei ke klignagu iara glepo te biꞌo igne na eghu’? Theo. Naugna igne ngala teke meini iara ka nauthoglu igne na mala ruma ke lamnagna glepo te ninhigrana igne.

Nodi Khoje Hatimare Mae Jiu 78:22

Naugna mare ne theome rouronu ni mana, nei theome fatutuani ni mana eghu nate fakarhidire.

Nonomho Te Keli Teke Risoi Mae Mak 9:18

Naitu na mei faheta ka mana eghuteuna khoko soruni mana pari ka glose na. Mae thugu iara na soru khuokucho ka foflogna na balu fakroekroe khe'i nei maku fara thinigna na eghu. Iara neke toredi nou mae fanomho iagho gre mala brueni naitu na, nu mare ne theome tangomana kolho te eni na neku!”

Nonomho Te Keli Teke Risoi Mae Mak 9:20

Mae fanomhore hata ne mei mae sitei na ka mae Jisas. Kate filoni mae Jisas na, naitu na ne koko soruni mae sitei na pari ne raraja ne pili tafri pari. Kmana khuokucho ne jifla mei ka foflogna na.