Nonomho Te Keli Teke Risoi Mae Mak 9:15 - Buka Blahi Ka Cheke Holo

¹⁵ Nu kate filoni mae Jisas na naiknore ne rhana nodi fara ne chari ne mei ne ludeni mana.

Nonomho Te Keli Teke Risoi Mae Mak 9:15 ပူးပေါင်းရင်းမြစ်များ

Eksodas 34:30

Kate filoni Eron nei naiknodi Israel teu igre tathagna nei foflogna teu mana te siasigla fara na, mare ne mhaghu nodi fara te mei namo ka mana.

Nonomho Te Keli Teke Risoi Mae Mak 9:16

Mae Jisas ne ghusna eghu ka mare, “Unha site fari fapholai ghotilo gnea?”

Nonomho Te Keli Teke Risoi Mae Mak 9:25

Mae Jisas ne filodi naiknore ne kafe thugha mei jare mala filoni unha te eni mae Jisas na. Aonu mae Jisas ne cheke eghu ka naitu na, “Iagho naitu te fameglini nei faꞌiho chekeni teu mae sitei igne, jifla mei ka mana. Eghuteuna, thosei ke ruma ka mana eghu!”

Nonomho Te Keli Teke Risoi Mae Mak 14:33

Nu mana ne hata balugna mae Pita, mae Jemes nei mae Jone. Aonu mae Jisas ne funu diꞌanagnafa fara, eghuteuna gaoghathogna mana na ne thono romno fara.

Nonomho Te Keli Teke Risoi Mae Mak 16:5

Rehati ruma ka gluma na ne filoni kaisei mae majaghani te fahaghe phoko vegha gnokro neu ka gluma na. Mana gnokro neu fei nhetadi reꞌe. Rehati filoni mana ne mhaghu nodi fara.

Nonomho Te Keli Teke Risoi Mae Mak 16:6

Mae majaghani igne ne cheke eghu ka reꞌe, “Thosei mhaghu. Iara lase ghami ghotilo, ghotilo mei hironi mae Jisas gna Nasaret, mae ihei teke tupijuruni mare kau gaju fafatha ia. Mana theome au agne, mana na kela karha fapulohi. Mei si ghotilo agne mala filoni vido aheva mare teke liliseini mana na.