Nonomho Te Keli Teke Risoi Mae Mak 9:12 - Buka Blahi Ka Cheke Holo

¹² Mae Jisas ne cheke eghu ka thilomare, “Tutuani fara, mae Elija gne mala kulu mei mala kulu tarabanau gobigna lepore. Naugna unha si grioriso te blahi gne te chekeni na mae teke mei funu ka God gne ginauna mare na parani nei filo fadiꞌani eghu teu gnea?

Nonomho Te Keli Teke Risoi Mae Mak 9:12 ပူးပေါင်းရင်းမြစ်များ

Profet Isaia 50:6

Kate mei mare te purini thagrugu iara na, iara ke figri lao bakoguna mala tungnu mare gremohogure. Iara theome lhotidi tathagu nei foflogu teure, mala kmisudi mare.

Profet Isaia 52:14

Tifa na naiknore neke fakokhoanani mana, eghuteuna tathagna nei foflogna teure neke thofno diꞌa fara neke theome jateula naikno neku filogna na. Eghuteuna naiknore neke jaglo nodi fara kate filoni mana na.

Luku 23:11

Aonu mae Herod baludi nogna mae soldiare ne funu maꞌeni mae Jisas cheke faparini mana. Mare ne fapoko lao kaisei phoko te khuakhuda ka mana, mala jateula mae king eghu mana. Aonu mare ne kuru teini mana ka mae Paelat.

Profet Isaia 49:7

Lord, God te Blahi mae ihei te fakarhini Israel. Mana cheke ka ihei te tirodini fara naiknore nei nogna mae gloku mae ihei te mala funei fruni. Lord ne cheke eghu, “Hatimare mae king ginauna filo nigho eghuteuna kegra haghe mala fafnakno nigho. Mae biꞌore ginauna jaola pogho soru mala kilo fnakno nigho. Glepo igre ginauna thoke mei, naugna Lord nodi God te Blahi mae Israel igne, theome huhughuni nogna nhaꞌa cheke na, eghuteuna mana vahi nighohi te mala nogna mae gloku na.”

Profet Sekaraea 13:7

Lord mae ihei te au nolaghi fateote'o igne, mana ne cheke eghu, “Nogu naflahi mala magra iara! Iagho tarabana mala magra ka kheragu iara mae ihei te reireghi nogu sipu iara gre. Iagho faleheni mana, eghuteuna sipu igre ginauna tei tafri. Iara ginauna jaola magra ka nogu sipu ikodi iara gre.

Luku 1:76

Mae Sekaraea ne cheke eghu ka mae Jone, “Iagho mae thugu iara, mare ginauna na kilo nigho kaisei mae profet nogna God te au kligna. Iagho ginauna mala kulu tei ke ulugna Lord, mala tarabana nabrougna mana.

Profet Malakai 4:6

Mae profet gne ginauna loku fodudi kmadi nei thudi teure mala au ka pharikeli. Te theo ghotilo na iara ginauna tibri ghami ghotilo.”

Luku 23:39

Kaisei mae ka phia mae glalama igre ne cheke fadiꞌa eghu ka mae Jisas. “Ba, iagho mae Kraes sia? Fakarha nigho themu nei fakarhi ghamila ghepa eghu!”

Matiu 26:24

Iara mae teke mei funu ka God na ginauna lehe jateula te chekeni ka grioriso te blahi ia eghu. Nu kokhonini fara mae ihei nate snakre lao ghau iara ka khamedi nogu naoka iara re. Nabagna na mae tuana jame neke theome karha ngala, naugna mana naꞌau papara fara!”

Matiu 16:21

Funu ka narane tuana te haghe na mae Jisas ne funu cheke eghu ka nogna mae fanomhore, “Iara na tei Jerusalem. Hatimare mae biꞌodi mae Jiu nei hatimare mae pris ulu nei hatimare mae velepuhigna vetula nogna mae Moses mare ginauna na para ghau nei eꞌei puhi mala falehe ghau iara. Eghuteuna ka fatilo narane na God nake fakarha fapulo ghau iara kau glehe.”

Profet Sekaraea 11:13

Lord ne cheke eghu ka iara, “Iagho koko tei sileni igne ka mae te mala horo suspen ka glose ana.” Aonu iara hata tolufulu silva te taba ikoi kolho, eghuteuna koko tei sileni igne ka ihei te loku lamna ka nogna Sugablahi Lord.

Nodi Khoje Hatimare Mae Jiu 74:22

God, mei sagho mala cheke fajifladi eidi unha te edi iagho re doglou kolho. Ghathodi sagho iheire te theome fatutuani nigho gre, mare maꞌe nigho leuleghu narane funu hamerane ghilei posa fei grafi.

Nonomho Te Keli Teke Risoi Mae Mak 9:13

Tutuani fara, te chekeni iara ka ghotilo na. Mae Elija gne la meihi, eghuteuna naiknore na edi kmana glepo te diꞌa ranghini mana leghudi nodi puhi thedire, jateula ngau te chekeni teu kau grioriso te blahi te mala eni ka mana na.”

Nonomho Te Keli Teke Risoi Mae Mak 9:31

Naugna mana neke farirhiudi nogna mae fanomhore ne cheke eghu ka mare, “Iara mae teke mei funu ka God gne ginauna mare na snakre lao ghau iara ka khamedi naiknore mala falehe ghau iara. Nu ka fatilo narane na iara ginauna nake kegra fapulo kau karha.”

Nonomho Te Keli Teke Risoi Mae Mak 10:33

Mana ne cheke eghu ka mare, “Famane fanomho fakeli ghotilo ia. Tahati na haghe Jerusalem, eghuteuna ka namono tuana mare ginauna na snakre lao ghau iara mae teke mei funu ka God gne ka khamedi hatimare mae pris ulu nei hatimare mae velepuhigna vetula nogna mae Moses. Mare ginauna fate falehe ghau iara. Eghuteuna mare ginauna snakre lao ghau iara ka khamedi hatimare mae te theome Jiure.

Mae Khuru 1:6

Kate kafe khapru teu mae khurure balugna mae Jisas na, mare ne ghusna eghu ka mana, “Ba, Lord, gognaro iagho nake tusu fapulo u nolaghi na ka mae Israel gre mala reireghidi mare thedi kau nauthoglu igne sia?”

Mae Khuru 4:11

Eghuteuna u grioriso te blahi na ne cheke eghu eigna mae Jisas, “ ‘U thina teke tiromi ni ghotilo mae iheire te hohoro suga na, kela kegra haghe kaisei thina ulu fara ka suga na.’