Nonomho Te Keli Teke Risoi Mae Mak 8:38 - Buka Blahi Ka Cheke Holo

³⁸ Eghume iheire te tirodi ghau iara nei tirodini chekegu iara na ke uludi naikno te diꞌa kau nauthoglu igne, iara ginauna na tirogudi naikno te tirodi ghau iara tuare ka narane na teke pulo mei iara balu nogna nolaghi biꞌo mae Mama nei balu engel te blahi.”

Nonomho Te Keli Teke Risoi Mae Mak 8:38 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 1:16

Tutuani, iara theome mamajani te toutonuni u Nonomho te Keli na, naugna Nonomho te Keli na nogna nolaghi God mala fakarhidi gnafa iheire te fatutuani ni mana. Ulu lahu na mana fakarhidi naikno Jiu iheire te nomhini igne, eghuteuna ke leghu na mana jaola fakarhidi iheire te theome Jiu.

Ululahu Jone 2:23

Jame kaisei naikno te theome fatutuani ni Thugna na, mana theome fatutuani nila Mama. Naikno te fatutuani ni Thugna na, mana fatutuani nila Mama.

Jemes 4:4

Ghotilo te tei kokoni God na, ghotilo ginauna na jateula kaisei gaꞌase te tei kokoni khetogna na te mala au fodu balugna kaisei mae delei ngau ia eghu. Ghotilo theome lasenihi igne? Mae ihei te magnahagheni kolho glepo te diꞌa ka nauthoglu igne na, mae tuana nogna mae naoka God. Naugna mae ihei te magnahaghei leghuni kolho nogna gaoghatho naiknogna nauthoglu igne na, mana theome tangomana te leghuni gaoghathogna God na.

Luku 9:26

Mae ihei te mamaja ghau iara nei mamaja nila chekegu iara mae teke mei funu ka God na teuna, uve, iara ginauna jaola theome kiloni mana kate pulo mei iara balu nogu siasigla nei balu nogna nolaghi biꞌo mae Mama nei balu nodi nolaghi hatimare mae engel te blahi.

Fapea Timoti 1:8

Eghume iagho thosei mamaja te toutonu ka naiknore eigna noda Lord Jisas Kraes. Eghuteuna iagho jaola thosei mamaja ghau iara te au ka suga sosolo malagna Lord, eigna iara ne loku ranghini mana. Iagho thosei mhaghudi iheire nate para nigho eigna iagho te toutonuni u Nonomho te Keli. God ginauna tusu ranghi nigho nolaghi te mala eni iagho gloku tuana.

Matiu 26:64

Mae Jisas ne cheke eghu ka mana, “Uve, iara ngala! Nu te chekeni iara ka ghotilo na. Nauthuꞌu nauriha na ghotilo ginauna filo ghau iara mae teke mei funu ka God na gnokro fei nhetagna God mae te nolaghi tulao. Eghuteuna ghotilo ginauna filo ghau iara mei ke kligna grokho ka maloa na.”

Matiu 16:27

Tutuani fara, iara mae teke mei funu ka God na ginauna nake pulo mei ka nauthoglu igne balu nogna nolaghi biꞌo mae Mama. Eghuteuna, nogna engel mae Mama re ginauna mei balugu iara. Ka narane tuana iara ginauna tabadi naiknore eidi unha gloku teke edi mare.

Hibru 11:26

Mana magnahaghei te au papara malagna Mesia mae ihei God nate kuru mei kau nauthoglu igne. Mana ghathoni naꞌau papara igne ke keli gnai te snori ka dedei fateo gna Ijep. Naugna mana filo faꞌulu kau taba nate tusu ranghini God nathuꞌu nauriha na.

Hibru 11:16

Nu mare magnahagheni namonogna kligna na, kaisei namono te keli te uluni nauthoglu igne. Eghume God theome mamaja te kiloni mare nodi God, naugna mana neke kulu tarabanahi kaisei namono biꞌo maladi mare.

Fapea Timoti 1:12

Eghuteuna gognaro na iara au papara naugna iara ne toutonu eigna u Nonomho te Keli gne. Nu iara theome mamaja naugna iara laseni mae Jisas, mae ihei iara te fatutuani nihi. Iara laseni fara igne, mana tangomana te taji fakelini nogu gloku iara te mala toutonuni Nonomho te Keli igne ghilei thoke mei narane leghu lahu na.

Matiu 12:39

Eghuteuna mae Jisas ne cheke eghu ka mare, “Icho idomi! Puhimi ghotilo naikno gognaro gre thono diꞌa fara. Ghotilo toreni koba kaisei fagaglana, nu iara ginauna na theome fakakhana kaisei fagaglana funugna ka God ka ghotilo. Nu fagaglana tangomana nate filoni ghotilo na u fagaglana teke eni God ranghini mae profet Jona tifa ia kolho.

Jone 1:51

Mae Jisas ne cheke eghu ka mare, “Tutuani fara, te chekeni iara ka ghotilo na, ghotilo ginauna filoi maloa na thora. Eghuteuna ghotilo ginauna filodi nogna engel God re na haghe nei soru eghu ke klignagu iara, mae teke mei funu ka God na.”

Matiu 25:31

Aonu mae Jisas ne cheke eghu, “Ka narane na teke pulo mei iara na, iara na mei balu nogu nolaghi biꞌo. Nogu tothoghei engel iara re ginauna mei balugu iara. Eghuteuna iara mae King na ginauna gnokro ka sape nafnakno.

Matiu 24:30

“Ka narane tuana, fagaglana gna meigu iara na ginauna thakle mei ka maloa na. Eghuteuna naikno heva heva kau nauthoglu igne na kafe orio tanhi balu mhaghu. Eghuteuna mare ginauna filo ghau iara na soru mei ke kligna grokho balu nolaghi nei nafnakno te biꞌo.

Luku 19:26

Mae funei na ne cheke eghu ka mare, ‘Tutuani fara, nu mae ihei te loku fakeli ka unha te au ka mana na, nogna mae funei na ginauna nake tusu laoi keha ka mana. Nu ihei te theome loku fakeli ka unha te au tagna na, neubane katha glepo ikoi te au ka mana na, nogna mae funei na ginauna nake hata fadelei ka mana.

Matiu 13:41

Iara mae teke mei funu ka God na ginauna kuru fajifladi nogu engel re. Mare ginauna vavahi fadelei ka nogna naikno God igre iheire te eꞌei puhi te diꞌa ba te fariuriu batudi keha naiknore mala theome fatutuani ni God.

Profet Daniel 7:13

“Ka bongi te filoni iara mifi igne, iara ne filoni kaisei glepo te jateula naikno ka nauthoglu igne eghu. Mana ne soru mei funu kligna ne kegra ke kligna grokho, eghuteuna mana mei ne namo ka iara. Mare hata ne tei mae igne ka God mae ihei te au fabrahu funu tifa na.

Profet Daniel 7:10

Eghuteuna khaꞌaghi te jifla mei ka sape nafnakno igne loloro jateula khoꞌu eghu. Eghuteuna kmana thogha naikno te theome tangomana te kahadi re kegra ke ulugna Mana. Eghuteuna kehare tothora nodi bukare tarabana mala fate.

Diutronomi 33:2

“Lord mei funugna Sanai neke mei ka ghotilo. Mana mei ka ghotilo jateula naprai te haghe ka keha phile nohi Idom ra eghu. Eghuteuna siasiglagna na phae funu ka thogele Paran mei posa ka ghotilo. Nabotho thogha engel te mei balugna mana na, eghuteuna mana louloku kaisei khaꞌaghi biꞌo fei khame nhetagna.

Hibru 13:13

Eghume tahati mala tei ka mae Jisas mala au balugna mana ke kosi namono kate para ghita naiknore jateula teke eni mare ka mana ia eghu.

Fapea Timoti 1:16

Iara toreni Lord mala kokhonini mae Onesifora nei nogna tharakna. Mana neke togho ghau iara koba eghuteuna mana neke theome mamajani te au iara ka suga sosolo na.

Galesia 6:14

Nu iara theome fahaehaghedi nafnata glepo tuare. Iara ginauna tangomana te fahaehagheni kolho nogna gaju fafatha noda Lord Jisas Kraes. Naugna ka glehegna mana na, puhigna nauthoglu na theo nogna nolaghi te mala funei fruni ghau iara na. Iara tirogu leghuni fabrahu puhigna na.

Mae Khuru 5:41

Mae khurure ne jifla ka nodi suga mae mala fate re balu gleale'a naugna God lasedi mae igre nabadi te au papara eigna nanghagna mae Jisas.

Jone 12:34

Naiknore ne cheke eghu ka mana, “Tore! Na lehe sagho ia ghema? Ghehati te laseni ka vetula na mae Kraes na mala theome lehe sia, nu mana mala karha fabrahu! Naugna unha site chekeni iagho mae teke mei funugna ka God na na lehe teu gnea? Mae ihei si ‘Mae teke mei funugna ka God’ gnea?”

Jone 5:27

Eghuteuna mae Mama neke tusu ranghi ghau iara u nolaghi te mala fate na, naugna iara neke mei funu ka mana.

Jone 1:14

Eghume Chekegna God igne neke karha mei fei thini jateula tahati neku, neke au balumi ghehati. Ghehati neke filonihi u nogna nolaghi mana na. Nolaghi tuana neke tusu lao mae Mama ka mae thofno Thugna na. Eghuteuna mae Chekegna God igne fodu kau khokofakasai nei tutuani.

Nonomho Te Keli Teke Risoi Mae Mak 14:62

Mae Jisas ne cheke eghu ka mana, “Uve, iara ngala. Nu te chekeni iara ka ghotilo na. Nauthuꞌu nauriha na ghotilo ginauna filo ghau iara mae teke mei funu ka God na gnokro fei nhetagna God mae te nolaghi tulao. Eghuteuna ghotilo ginauna filo ghau iara na mei ke kligna grokho ka maloa.”

Matiu 16:4

Icho idomi! Ghotilo naikno gognaro gre thono diꞌa fara puhimire. Ghotilo magnahaghei te filoni kaisei fagaglana. Nu iara ginauna na theome fakakhana kaisei fagaglana ka ghotilo. Nu kaisei fagaglana tangomana te filoni ghotilo ginauna fagaglana teke eni God ranghini mae profet Jona tifa ia.” Gnafa tuna, mana jifla kokodi mare ne tei nogna.

Profet Sekaraea 14:5

Ghotilo ginau rikha tei salaꞌu ka glogu igne, glogu igne ghilei tei thoke ka namono Asal. Uve, ghotilo ginauna rikha faghose jateula kuꞌemi ghotilo teke rikha ka narane gna King Iusaea, mae ihei teke king gna Juda tifa. Aonu nogu Lord God iara ginauna mei balu nogna engel blahi.

Matiu 8:20

Mae Jisas ne cheke eghu ka mana, “Gauhare au nodi vido te mala thuru na eghuteuna nanghajire au nodi gnoku. Nu iara mae teke mei funu ka God na, theo kaisei namono te mala augu na.”

Matiu 16:28

“Tutuani fara te chekeni iara ka ghotilo na. Keha mae ka ghotilo au teu balugu iara gognaro igre, mare ginauna na theome leheu ghilei filo ghau iara mae teke mei funu ka God nate mei te mala funei frunidi nogu naiknore.”

Nonomho Te Keli Teke Risoi Mae Mak 8:37

Theo kaisei glepo naba te mala tusu lao mana teke mala foli fapulo nakarhagna na.

Nonomho Te Keli Teke Risoi Mae Mak 13:26

“Ke leghugna igne, mare ginauna filo ghau iara te soru mei ke kligna grokho balu nolaghi nei nafnakno te biꞌo.

Mae Khuru 10:22

Thilomare ne cheke eghu ka mana, “Uve, mae Konilias mae biꞌodi mae armi re ne kuru mei ghami ghetilo. Mana kaisei mae keli fara nei tarai koba ka God. Eghuteuna mae Jiure ghatho tahuni fara mana. U engel nogna God na neke cheke ka mana mala tore nigho mala tei ka sugagna mana na mala nu tangomana mana te nomhidi unha te chekedi iagho are eghu.”

Ululahu Tesalonika 2:19

Eigna ghotilo nomi grouronu, nomi gleale'a, nei nomi nafnakno. Uve, naugna eimi ghotilo, ghehati thofno gleale'a fara kate kegra fodu balugna Lord Jisas Kraes kate pulo mei mana na.

Ululahu Tesalonika 3:13

Ka nafnata puhi igne mana ginauna farhetadi nagnafami, eghuteuna ghotilo ginauna klino nei blahi ke ulugna God Kmada kate pulo mei noda Lord Jisas Kraes baludi nogna naikno blahi fateote'o.

Ululahu Jone 2:28

Uve thuguro, au fabrahu balugna mana. Te eni tahati igne na, tahati theome tangomana te mhaghu ka narane nate pulo mei mae Kraes. Tahati ginauna theome tangomana te poru ba mamaja kate mei mana na.

Thakle 14:10

God ginauna parani naikno tuana. Tutuani, naikno tuana ginauna mala ko'uni kapu waen te fodu ka diꞌatagna God na. Waen tuana thono raha fara eghuteuna God ginauna jaola rahani fara kate paradire. Eghuteuna naikno tuana ginauna au papara ka khaꞌaghi te brana fara nei ka thina te ngaja ke uludi hatimare mae engel nei ke ulugna Lam.