Nonomho Te Keli Teke Risoi Mae Mak 8:34 - Buka Blahi Ka Cheke Holo

³⁴ Ke leghugna igne mae Jisas ne kilodi naiknore baludi nogna mae fanomhore ne cheke eghu ka mare, “Mae ihei te magnahaghei mei ke leghugu iara na, mana thosei ghathoni kolho thegna, nu mana sasaꞌa leghu ghau iara mala lehe ka gaju fafatha.

Nonomho Te Keli Teke Risoi Mae Mak 8:34 ပူးပေါင်းရင်းမြစ်များ

Matiu 10:38

Ihei te magnahaghei leghu ghau iara teu nu theome pala nogna gaju fafatha na, na eghunu lehe nogna teuna, mana theome nabagna te kiloni nogu mae fanomho iara.

Jone 10:27

Naikno te leghudi nogu cheke iara igre jateula ngau sipu te laseni naoglagna mae greireghi sipu ia eghu. Iara lasedi reꞌe nei reꞌe kafe leghu ghau iara.

Ululahu Kings 14:8

Ulu lahu na, iara neke hata fadelei ka vikegna king Devet nolaghi te mala funei frunidi naiknore neke tusu ari ka iagho. Nu iagho theome jateula nogu mae gloku iara mae Devet mae ihei teke thofno leghu ghau iara fabrahu ia eghu. Mana neke leghudi nogu cheke iara re, eghuteuna edi gobigna lepo te doglo ka tathagu iara na.

Galesia 5:24

Naikno te leghuni mae Jisas Kraes re mare neke tupijuruni hi puhi te diꞌa fateo te magnahagheni naiknogna nauthoglu gne baludi gaoghatho te diꞌa fateo te magnahaghei eni unha te diꞌa.

Galesia 2:20

Faꞌunha? Eigna iara jateula tela lehehi eghu balugna mae Kraes ke kligna gaju fafatha. Neubane eghu ngau, iara karhau ngala naugna mae Kraes te au ke lamnagu iara. Iara fatutuani ni mae ihei teke namha ghau iara nei lehe tughu ghau iara.

Ululahu Jone 3:16

Ka igne te laseni tahati eigna u namha na: Mae Jisas neke lisa soru nakarhagna na malada tahati. Eghume tahati jaola nabada te lisa soru nakarhadare maladi kherada fofodu!

Naba 14:24

Nu mae Caleb nogu mae gloku iara te leghu ghau nei kaisei gaoghatho ngau thegna teuna ngala te ginau tathalei te tei iara ka vido teke kulu tei filo thegna na. Eghuteuna thugna mana re te ginau khotogna vido tuana.

Matiu 16:24

Ke leghugna igne mae Jisas ne cheke eghu ka nogna mae fanomhore, “Mae ihei te magnahaghei mei ke leghugu iara na, mana thosei ghathoni kolho nakarhagna thegna na, nu mana sasaꞌa mala pala nogna gaju fafatha na, eghuteuna mei leghu ghau iara.

Filipae 3:10

Eghume unha te magnahagheni iara gognaro na, iara magnahaghei te lase fakelini mae Kraes nei u nolaghi teke karha fapulo mana kau glehe ia. Iara magnahaghei jateula mana eghu narane teke au papara nei lehe teku mana.

Letas Teke Riso Tei Mae Pol Ka Khiloau Rom 8:17

Eghuteuna naugna te goro thugna God tahati na, tahati ginauna hatini glepo malada tahati teku God na. God ginauna na jaola tusu ranghi ghita glepo igre teke tusu ranghini kherada Jisas Kraes. Naugna tahati au papara jateula Kraes jaola teke au papara, tahati ginauna jaola hatini u thofno nakarha teke hatahi Kraes te ulu tulao igne.

Luku 9:23

Mae Jisas ne cheke eghu ka mare gnafa, “Mae ihei te magnahaghei mei balugu iara na, mana thosei ghathoni thegna kolho, nu mana sasaꞌa mala lehe ka gaju fafatha, nei mala leghu ghau iara leghu narane.

Kolose 3:5

Eghume, kafe nhaꞌa fadelei ka nagnafamire puhigna nauthoglu te diꞌa igre, tulao: puhi gnognoro, puhi diꞌa te gnafa, puhi te sneka ka gaoghatho te diꞌa, nei puhi magnahaghei glepo te diꞌa. Eghuteuna ghotilo jaola nhaꞌa fadelei ka nagnafamire puhi te mamagnadi nodi glepo keha naikno gre, naugna puhi igne jateula te tufru soruni eghu mumuju.

Filipae 3:7

Tifa na glepo te chekedi iara igre neke kafe keli ngala ka iara. Nu gognaro na glepo tuare theo kaisei nafudi ka gaoghathogu iara na, naugna gognaro na iara fatutuani ni kolho mae Jisas Kraes.

Ululahu Pita 4:1

Kani au teku ka nauthoglu igne, mae Kraes neke au papara ka thinigna thegna. Ghotilo jame jaola au nafnata gaoghatho te au ka mana igne mala kegra heta. Naugna ihei te au papara na, mana ginauna theome tangomana te leghuni puhigna nakhibo na.

Galesia 6:14

Nu iara theome fahaehaghedi nafnata glepo tuare. Iara ginauna tangomana te fahaehagheni kolho nogna gaju fafatha noda Lord Jisas Kraes. Naugna ka glehegna mana na, puhigna nauthoglu na theo nogna nolaghi te mala funei fruni ghau iara na. Iara tirogu leghuni fabrahu puhigna na.

Ululahu Korin 15:31

Tutuani fara kheraguro, iara au papara malagna Kraes leuleghu narane. Nu iara jaola gleale'a ka ghotilo kate ghathoni te kaisei tahati balugna Kraes na.

Letas Teke Riso Tei Mae Pol Ka Khiloau Rom 6:6

Tahati laseni fara igne. Nakarhada tifa na tahati jateula te tupijuru eghu balugna Kraes ke kligna gaju fafatha, mala tangomana God te roꞌeni nogna nolaghi nakhibo teke au ka nakarhada tifa na. Ka puhi igne nakhibo na theo kaisei nogna nolaghi te mala funei fruni ghita na.

Luku 14:33

Ghotilo jateula tuana eghu mala kulu ghatho fakeli eigna puhi te mala leghu ghau iara na. Naugna mae ihei te tirogna lisa fadelei nogna gobigna lepore te mala leghu ghau iara na, mana theome tangomana te kaisei nogu mae fanomho iara na.”

Fapea Pita 1:14

Naugna iara laseni nakarhagu ka nauthoglu gne theome au raugha. Noda Lord Jisas Kraes neke chekeni igne ka iara.

Ululahu Pita 4:13

Nu ghotilo gleale'a nomi kolho kate au papara ka puhi igne, naugna mae Kraes na jaola neke au papara. Eghuteuna ghotilo ginauna jaola na gleale'a fara kate filoni mae Kraes te thakle mei balu nolaghi nei nafnakno.

Taetus 2:12

God neke namha ghita tahati mala hatini tahati u karha tuana mala theome tangomana tahati te mamagnadi puhi te diꞌare nei leghudi u puhidi naikno te theome laseni God re. Nu God magnahaghei ghita tahati te mala reireghi fakeli ghita theda kau nauthoglu igne. Mana jaola magnahaghei ghita te edi unha glepo te keli tagnadi mana kau narane te ofoni teu tahati balu grouronu biꞌo ka meigna noda mae Fakarhai Jisas Kraes. Mana ngala mae noda God te biꞌo tahati na, mana ginauna na thakle mei balu siasigla.

Kolose 1:24

Gognaro na iara keli tagu fara neubane au papara, naugna naꞌau papara te eni iara igne mala togho ghami ghotilo. Tifa na mae Kraes neke papara fara mala toghoni khiloau, thinigna mana na. Eghuteuna, iara jaola au papara ka thinigu na mala fakhaputu nogna gloku mae Kraes te theome gnafa nga teu.

Mae Khuru 14:22

Phiamare ne toutonu ranghidi naikno khiloaudi thilo namono tuare mala rhetau nodi fatutuani na. Mae Pol ghe mae Banabas ne cheke eghu, “Ghotilo hetau ngala nomi fatutuani na ka mae Jisas. Naugna tahati naikno te leghuni mae Jisas gre mala ruma ke lamnadi thuagna naꞌau papara gre ame tangomana nga tahati te hatini u thofno karha te funei frunini God na eghu.”

Luku 18:22

Kate nomhini igne mae Jisas ne cheke eghu ka mana, “Nu kaisei glepo na iagho theome eni ngau. Iagho tei fofoli fateo nou gobigna lepo are mala hata sileni tufa ka naikno te kumare. Te eghu iagho na, iagho ginauna au nou dedei keli fara te au teu kligna. Aonu iagho tangomana te mei te leghu ghau iara na eghu.”

Luku 13:24

“Fariuriu fara mala ruma ka grengatha te gobro na mala tei ka nabrougna kligna na. Naugna te chekeni iara ka ghotilo na, kmana naikno ginauna fariuriu ruma jare, nu mare ginauna theome tangomana.

Matiu 27:32

Ka nabrou na, mare mei ne thafoni kaisei mae nanghagna na mae Simon, maegna ka namono biꞌo Saerini. Mae soldia igre ne huhuruni mana mala pala nogna gaju fafatha mae Jisas na.

Thakle 2:10

Ghotilo thosei mhaghuni kaisei glepo neubane para ghami mare. Filo si ghotilo! Satan ginauna fariuriu ghami ghotilo mala laseni te thofno leghuni mana kate lilisei ka suga sosolo keha naikno ka tothoghei ghotilo gne. Eghuteuna ghotilo ginauna au papara jare nabagna nabotho narane. Nu ghotilo mala fatutuani ghau iara ngala, neuba mare falelehe ghami ghotilo. Eghuteuna naugna te eni iagho igne, iara ginauna tusu ari nakarha te theo huigna na ka ghotilo, jateula mare te tusu lao taba biꞌo ka mae ihei te uluni fangenghele ia eghu.

Hibru 13:13

Eghume tahati mala tei ka mae Jisas mala au balugna mana ke kosi namono kate para ghita naiknore jateula teke eni mare ka mana ia eghu.

Fapea Tesalonika 3:11

Ghehati chekeni igne, naugna ghehati nomhidi keha naikno ka ghotilo tirodi loku fara. Mare theome eni kaisei unhanga. Nu mare farugusidi thedi ka nakarhadi keha naiknore.

Ululahu Korin 9:19

Neuba, iara kaisei mae snagla, eghuteuna theo kaisei naikno te funei fruni ghau na, iara lisa lao ghau thegu mala kaisei mae sneka ranghidi naikno te gnafa. Iara eni igne mala toghodi naikno kmanare mala fatutuani ni Kraes.

Ululahu Korin 8:13

Eghume jame te fadidiꞌa iara nogna fatutuani mae kheragu fofodu na ka gano te ima iara teke fafara ka mumuju na, iara ginauna thosei ke ima gano teke fafara ka mumuju na.

Jone 19:17

Jisas pala nogna gaju fafatha thegna na ne jifla ka namono biꞌo na ne tei ka thogele te kiloi “Khorongosa”, ka cheke Hibru na “Golgota”.

Luku 20:45

Kate kafe fanomho teu naiknore, mae Jisas ne cheke eghu ka nogna mae fanomhore,

Nonomho Te Keli Teke Risoi Mae Mak 10:21

Mae Jisas filo tutu ka mana balu namha ne cheke eghu, “Nu kaisei glepo na iagho theome eni ngau. Iagho tei fofoli fateo nou gobigna lepo are mala hata sileni tufa ka naikno te kumare. Te eghu iagho na, iagho ginauna au nou dedei keli fara te au teu kligna. Aonu iagho tangomana te mei te leghu ghau iara na.”

Nonomho Te Keli Teke Risoi Mae Mak 7:14

Mae Jisas ne kilo meidi naiknore ka thegna, ne cheke eghu ranghidi, “Kafe fanomho fakeli ka iara ghotilo ia mala laseni unha te chekeni iara gne.