Nonomho Te Keli Teke Risoi Mae Mak 8:31 - Buka Blahi Ka Cheke Holo

³¹ Aonu mae Jisas ne funu farirhiudi nogna mae fanomhore ne cheke eghu ka mare, “Iara mae teke mei funu ka God na, mare ginauna na para ghau fara iara. Ginauna hatimare mae pris ulu, nei hatimare mae velepuhigna vetula nogna mae Moses, nei mae biꞌodi hatimare mae Jiu langau eghu na tirodi ghau iara. Mare ginauna na eꞌei puhi mala falehe ghau iara. Nu ka fatilo narane na God nake fakarha fapulo ghau iara kau glehe.”

Nonomho Te Keli Teke Risoi Mae Mak 8:31 ပူးပေါင်းရင်းမြစ်များ

Mae Khuru 7:35

“Mae Moses gne, naiknodi Israel gre neke tirodinihi mana tifa na ne cheke eghu, ‘Tore! Mae ihei si teke vahi nigho te mala funei fruni ghami nei fate ghami teu ghehati na ia?’ Nu mae Moses igne la God teke kuru teini te mala funei frunidi nei fakarhidi teu mare na. Mae Moses ne tangomana te eni gloku igne ka nogna tothogho engel teke filoni mana ka gaju ikoi teke gnubra na.

Jone 2:19

Mae Jisas ne cheke eghu ka mare, “Jame paꞌe soru ghotilo Sugablahi igne na, iara ginauna ke babana fapulo ka fatilo narane na.”

Luku 24:26

Unha te chekeni mare na mae Kraes gne mala kulu au papara ka gobigna lepo igre ame hata nga nolaghi biꞌo te siasigla na eghu.”

Luku 17:25

Nu ulu lahu na hatimare mae biꞌo nei mae pris ulu nei mae velepuhigna vetula nogna mae Moses eghu re ginauna na para ghau iara, eghuteuna naikno gognaro gre ginauna tirodi ghau iara.

Nonomho Te Keli Teke Risoi Mae Mak 12:10

Ghotilo neke iu'ijunihi grioriso te blahi te cheke eghu ia: “ ‘U thina teke tirodini mae iheire te horo suga na, kela kegra haghe kaisei thina ulu fara ka suga na.

Matiu 21:42

Mae Jisas ne cheke eghu ka mare, “Uve, ghotilo iu'ijunihi igne kau grioriso te blahi ia, “ ‘Thina teke tirodini mae iheire te horo suga na, kela kegra haghe kaisei thina ulu fara ka suga na. Glepo igne Lord teke eni gnana, thofno keli fara ka tahati filogna na.’

Matiu 12:40

Mae Jona neke au ka thi'agna sasa te biꞌo fara na thilo narane nei thilo bongi. Eghuteuna ginauna na jateula tuana eghu iara mae teke mei funu ka God na ginauna au ke lamna glose thilo narane nei thilo bongi eghu.

Profet Hosia 6:2

Katha vido kmoꞌei kolho mana ginauna tangomana na teke fakeli fapulo ghita na. Eghuteuna tahati ginauna nake au balugna mana fabrahu.

Ululahu Korin 15:4

Eghuteuna mare neke giugiluni mana, eghuteuna God neke fakarha fapuloni mana ka fatilo narane na, jateula te chekeni teu ka grioriso te blahi ia.

Luku 24:44

Mana ne cheke eghu ka mare, “Glepo te edi ka iara igre, iara neke kulu chekedihi ka ghotilo ka teke au nga tekeu iara balumi ghotilo ia. Iara neke rurutha fakelihi ka ghotilo eidi unha teke rioriso eigu iara ka nogna vetula mae Moses, nei ka nodi buka hatimare mae profet, nei ka buka Sam teu igre. Tutuani fara teke chekeni iara ka ghotilo na, gobigna lepo igre la tutuani fara.”

Profet Jona 1:17

Lord kuruni kaisei sasa biꞌo ne mei tomno soruni mae Jona, eghuteuna mana au lamna ka thiꞌagna sasa igne thilo narane nei thilo bongi.

Profet Isaia 53:3

Naiknore tirodini mana neke cheke faparini mana. Kmana fata mana fodu ka diꞌa nagnafagna fara, neke au papara fabrahu kolho. Uve, theo kaisei naikno te magnahaghei filo ka mana na. Te filoni tahati na, mana jateula te fiti maera eghu kolho.

Nodi Khoje Hatimare Mae Jiu 118:22

U thina teke tirodini mae iheire te horo suga na, kela kegra haghe kaisei thina ulu fara ka suga na.

Ululahu Samuel 10:19

Iara nomi God ghotilo eigna iara neke fakarhi ghami ka puhi biꞌo nei ka narane te ninhigrana. Nu gognarona, ghotilo theome magnahaghei ghau iara, eghuteuna ghotilo magnahagheni fara kaisei king. Eghume, ghotilo mala fofota vikemi nei tharaknami teu gre mala mei ka iara, mala vahini iara nomi king ghotilo na.”

Ululahu Samuel 8:7

Nu Lord ne cheke eghu ka mana, “Iagho leghuni kolho unha te ghathoni mare na. Mare theome thodo nigho iagho, nu mare thodo ghau iara. Mare theome magnahaghei ghau iara te mala nodi king mare na.

Jone 12:48

Mae ihei te theome keli tagna ka iara, nei tirogna fanomho ka chekegu iara na teuna, kaisei glepo nate fateni mana na. Cheke te farirhiu iara igre na fateni mana kau narane leghu lahu na.

Matiu 27:63

Mare ne cheke eghu ka mana, “Mae biꞌo, ghehati kela ghathoni teke cheke eghu mae te chaichaghi ia kani karha tekeu mana ia, ‘Iara ginauna nake karha fapulo ka fatilo narane na.’