Nonomho Te Keli Teke Risoi Mae Mak 8:23 - Buka Blahi Ka Cheke Holo

²³ Mae Jisas ne loku ka khamegna mae te dofu na, ne tathalei ne tei ke kosigna namono na. Aonu mana ne kmisu ka tathagna mae te dofu na. Mana ne habo lao ka mae te dofu na ne cheke eghu ka mana, “Ba, iagho tangomana teke fifilo gognaro na?”

Nonomho Te Keli Teke Risoi Mae Mak 8:23 ပူးပေါင်းရင်းမြစ်များ

Nonomho Te Keli Teke Risoi Mae Mak 7:33

Mae Jisas ne hata fadeleini mana ka nakhapru na mala au thedi. Mae Jisas ne lilisei geghesugnare ka khuligna mae te megli na. Aonu mana kmisu ka geghesugna na ne habo lao ka glapigna mae igne.

Nonomho Te Keli Teke Risoi Mae Mak 5:23

Mae Jaerus ne toreni fara mae Jisas, “Mae biꞌo, thugu gaꞌase iara na la namo lehehi. Ghosei mei mala habo khamemure mala ke keli fapulo nei karha eghu naꞌa.”

Mae Khuru 9:8

Mae Sol kegra haghe ka glose na ne tothora tathagna na, nu mana theome tangomana te fifilo na neu. Aonu mae teke tei balugna mae Sol re ne faloku khameni mana ne thoke Damaskas.

Profet Isaia 51:18

Nu theo kaisei naikno te au te mala loku ka khamemi ghotilo te mala batu ghami ghotilo na. Thono theo fara.

Thakle 3:18

Nu te chekeni iara ka ghotilo na, ghotilo mala foli gol ka iara, mala thofno dedei tutuani nomi. Eghuteuna ghotilo mala foli pohe vegha ka iara, mala pipichi nei mala theome mamajadi thinimi te soesole are. Eghuteuna ghotilo mala jaola foli meresin ka iara mala nhaꞌa lao ka tathami te dofu are, mala tangomana teke fifilo fakeli na.

Hibru 8:9

Nhaꞌa cheke igne theome jateula teke eni iara tifa ka mae ku'edi mare kau narane teke atha fajifladi iara ka namono Ijep ia eghu. Hatimare neke theome leghuni u nhaꞌa cheke teke eni iara tifa ka mare na. Naugna igne iara neke figri tagrudi.

Profet Jeremaea 31:32

Nhaꞌa cheke igne ginauna na theome jateula nhaꞌa cheke teke eni iara ka kuꞌedi mare tifa kani teke baubatudi teke jifla iara ka kantri Ijep. Uve, neuba iara ne namhadi fara jateula mae ihei te namhani khetogna na ia neu, mare neke huhughuni nhaꞌa cheke tuana.

Nonomho Te Keli Teke Risoi Mae Mak 8:24

Mana filo haghe ne cheke eghu, “Uve! Iara filodi naiknore, nu mare jateula gaju te nonolo tafri teura eghu.”

Nonomho Te Keli Teke Risoi Mae Mak 8:26

Mae Jisas ne cheke faheta eghu ka mana, “Doglo ke pulo ka sugamu na, nu iagho thosei ke pulo lamna namono ke toutonu ka naiknore teke fakarhi nigho iara na eghu.”

Mae Khuru 23:19

Aonu mae funei biꞌo na hatani mae majaghani na ne tei ka vido te nagou na. Mae funei biꞌo na ne ghusna eghu, “Unha te magnahaghei toutonuni iagho ka iara na?”