Nonomho Te Keli Teke Risoi Mae Mak 8:15 - Buka Blahi Ka Cheke Holo

¹⁵ Mae Jisas ne kulu cheke faheta eghu ranghidi nogna mae fanomhore, “Fiofilo ghami ghotilo ia ka nodi isi hatimare mae Farasi nei nogna isi mae King Herod ana eghu.”

Nonomho Te Keli Teke Risoi Mae Mak 8:15 ပူးပေါင်းရင်းမြစ်များ

Matiu 16:6

“Filo fakeli ghami ghotilo ia ka nodi isi hatimare mae Farasi nei hatimare mae Sadiusi igre.”

Nonomho Te Keli Teke Risoi Mae Mak 12:13

Ke leghugna igne, mae biꞌodi mae Jiu gre ne kuru meidi keha mae Farasi nei keha mae te leghuni mae King Herod eghu, ne mei ka mae Jisas. Mare magnahaghei te saosagroni mae Jisas mala cheke fajafra mana.

Levitikas 2:11

“Flaoa ka famane wit atha te mei ghotilo ka iara igne mala theome au isi tagna. Ghotilo theome tangomana te lilisei isi ba jurukuli ka gano te gahu ghotilo igne jateula thufa blahi eghu ka iara.

Proveb 19:27

Thuguo, te tirou fanomho iagho ka nogu farirhiu iara igre na, iagho ginauna leghudi puhidi mae te diꞌa re.

Ululahu Timoti 6:13

Ke ulugna God mae ihei teke tusu lao karha ka gobigna lepo fateote'o nei ke ulugna mae Jisas Kraes mae ihei teke theome mhaghu teke cheke thakleni nogna fatutuani biꞌo na ke ulugna mae Pontius Paelat, iara gognaro na cheke faheta ka iagho.

Matiu 14:1

Ka narane te King Herod Antipas ka Provins Galili, mana nomhidi kmana thoutonu eigna mae Jisas.

Fapea Timoti 2:14

Chekedi koba glepo igre. Iagho cheke faheta tadi ke ulugna God mala thosei magradi cheke te theo nafudi kolho igre. Nafnata puhi te magradi cheke igre thono diꞌa fara, naugna fadidiꞌa kolho nakarhadi naikno te fanomho ka magra tuare.

Ululahu Timoti 5:21

Iara cheke faheta ka iagho ke ulugna God nei Jisas Kraes nei hatimare mae engel te blahi, iagho mala famane leghudi cheke igre. Eghuteuna kate leghudi cheke igre, iagho thosei filo ka tatha me vahini kolho mae ihei te magnahagheni themu na.

Luku 12:15

Mae Jisas tudu ne cheke eghu, “Fiofilo fakeli ghami ka kmana nafnata khiri te magnahaghedi ghotilo igre. Naugna thofno nakarhagna naikno na theome leghudi kolho glepo kmana te khotodi mana re.”

Ululahu Kronikols 28:20

Aonu King Devet neke cheke eghu ka mae Solomon, “Iagho thosei mhaghu, kegra heta mala eni gloku igne, naugna Lord nogu God iara na au balumu iagho. Mana ginauna togho nigho nei mana ginauna au fabrahu balumu iagho kate loku fahui iagho Sugablahi igne.

Matiu 14:3

Filo si ghotilo, tifa na mae Filip tahigna mae Herod neke tolaghi ka Herodias. Mae Herod magnahagheni Herodias neke tolaghi ka naꞌa. Aonu mae Jone Apublahi ne cheke fabrahu ka mae Herod. Mae Jone neke eni igne ka mana naugna thono blahi fara ka nodi vetula mae Jiu te tolaghi ka khetogna mae tahigna na kate karha nga teu mana na. Herodias ne diꞌatagna fara ka mae Jone, ne magnahaghei koko laoni mae Jone ka suga sosolo. Aonu mae Herod hatani mae Jone ne koko laoni mana ka suga sosolo. Mana magnahaghei te faleheni mae Jone, nu mana mhaghu te faleheni mae Jone na, naugna hatimare mae Jiu laseni mae Jone gne kaisei nogna mae profet God.

Matiu 14:6

Kau narane ghatho fapulo teke karhagna mae Herod, thugna gaꞌase Herodias mei ne ragi ke ulugna mae Herod nei hatimare mae nogna tothoghei nafnaknore kau gaghamu na. Mae Herod ne thofno gleale'a fara ka naꞌa.

Nonomho Te Keli Teke Risoi Mae Mak 8:14

Ka narane tuana mae fanomhore ne ghatho iho ne theome hata naba gano, kaisei bret ngala te hata mare baludi ka mola na.

Nonomho Te Keli Teke Risoi Mae Mak 8:16

Hatimare ne nomhini cheke mana igne ne cheke eghu fari thedi, “Mana chekeni igne naugna tahati ne theome hata keha bret.”