Nonomho Te Keli Teke Risoi Mae Mak 8:13 - Buka Blahi Ka Cheke Holo

¹³ Mae Jisas jifla kokodi mae Farasire, ne saghe ka mola na neke kasa ka keha phile kholo na.

Nonomho Te Keli Teke Risoi Mae Mak 8:13 ပူးပေါင်းရင်းမြစ်များ

Mae Khuru 18:6

Nu mae Jiure ne tirodi fatutuani di nogna farirhiu mae Pol. Eghuteuna mae Pol ne buebue ka nogna phoko na kaisei fagaglana God theome magnahaghedi naikno tuare, ne cheke eghu, “Te fate falehe ghami ghotilo God ginauna, tuana nomi puhi ghotilo themi, theome nogu najafra iara! Funu gognaro na iara ginauna na tei toutonuni u Nonomho te Keli igne ranghidi naikno te theome Jiu.”

Jone 12:36

Eghume, fatutuani ni si ghotilo naphae gne kani au ngau naphae gne balumi ghotilo, mala nogna naikno naphae ghotilo.” Ke leghugna te chekedi mana glepo igre mana jifla ne porudi mare.

Jone 8:21

Mae Jisas neke cheke eghu ka naiknore, “Iara ginau nake tei koko ghami ghotilo. Eghuteuna ke leghugu iara na, ghotilo ginauna hari ghau iara, nu ghotilo ginauna lehe baludi nakhibomi are. Ghotilo ginauna theome tangomana nate mei thoke ka namono aheva te tei iara na.”

Luku 8:37

Naiknodi Gerasa re kafe mhaghu nodi fara, naugna unha teke eni mae Jisas na ne toreni mana mala jifla tei delei. Aonu mae Jisas saghe ka mola na neke pulo Galili.

Matiu 15:14

Eghume thosei ghatho tahudi ghotilo mae Farasi gre. Mare mala batudi mae te iho gre, eghuteuna mare thedi na jateula mae dofu eghu. Laseniu ngala ghotilo cheke igne, naikno te dofu nu ke batuni keha naikno te dofu la teuna, phiamare ginauna na kafe tei snoꞌo ka khora.”

Matiu 7:6

“Thosei tusu lao glepo blahire ka naikno te diꞌare. Naugna mare jateula bukrei bosu te goigonidi glepo te blahi ra eghu, ba jateula bukrei khuma te mei kathi ghami ghotilo ra eghu kolho.”

Profet Hosia 9:12

Eghuteuna neubane au thumi ghotilo, nu iara ginauna na kafe falelehe thumi ghotilore. Ghotilo kokhoni ghami fara. Eigna kate tei koko ghami iara na, kmana nafnata puhi te diꞌa ginauna na thoke ghami ghotilo.

Profet Hosia 4:17

Ghotilo vahini te mala tarai ka mumuju na. Eghume, iara lisa lao ghami ghotilo mala leghudi nomi gaoghatho themire!

Profet Jeremaea 23:33

Lord ne cheke eghu ka mae profet Jeremaea, “Jame kaisei naikno ba kaisei mae profet ba kaisei mae pris mei ghusna eghu ka iagho, ‘Lord na au keha nogna cheke te tahu ba theo?’ Te eghu mana na, iagho cheke eghu ka mana, ‘Ghotilo pala tahu nogna Lord! Eghume, iara ginauna khi ghami ghotilo!’

Nodi Khoje Hatimare Mae Jiu 81:12

Eghume iara lisa laodi mala patu gama mare, mala eni mare unha te magnahagheni thedi na eghu.

Nonomho Te Keli Teke Risoi Mae Mak 8:12

Mae Jisas ne phanga fabiꞌo ne cheke eghu, “Naugna unha si ghotilo te magnahaghei fagaglana gnea? Nu te chekeni iara ka ghotilo na, iara ginauna na theome eni kaisei fagaglana mala filoni ghotilo.”

Nonomho Te Keli Teke Risoi Mae Mak 8:14

Ka narane tuana mae fanomhore ne ghatho iho ne theome hata naba gano, kaisei bret ngala te hata mare baludi ka mola na.

Mae Khuru 27:2

Ghehati saghe ka vaka teke mei funu ka namono Adramitiam te tarabana mala chara leghu namono te tei ka grathagna Provins Esia. Mae Aristakas, kaisei mae khiloau gna namono Tesalonika jare ka Provins Masidonia ne tei balumi ghehati.