Nonomho Te Keli Teke Risoi Mae Mak 8:12 - Buka Blahi Ka Cheke Holo

¹² Mae Jisas ne phanga fabiꞌo ne cheke eghu, “Naugna unha si ghotilo te magnahaghei fagaglana gnea? Nu te chekeni iara ka ghotilo na, iara ginauna na theome eni kaisei fagaglana mala filoni ghotilo.”

Nonomho Te Keli Teke Risoi Mae Mak 8:12 ပူးပေါင်းရင်းမြစ်များ

Nonomho Te Keli Teke Risoi Mae Mak 7:34

Eghuteuna mae Jisas filo haghe kligna ne phanga fabiꞌo ne cheke eghu, “Efata!” Gaoghathogna na, “Ke thora silagho!”

Matiu 16:4

Icho idomi! Ghotilo naikno gognaro gre thono diꞌa fara puhimire. Ghotilo magnahaghei te filoni kaisei fagaglana. Nu iara ginauna na theome fakakhana kaisei fagaglana ka ghotilo. Nu kaisei fagaglana tangomana te filoni ghotilo ginauna fagaglana teke eni God ranghini mae profet Jona tifa ia.” Gnafa tuna, mana jifla kokodi mare ne tei nogna.

Luku 19:41

Kate mei namo te filo laoni Jerusalem, mae Jisas ne kokhoni nognadi naiknogna namono tuana ne tanhi.

Nonomho Te Keli Teke Risoi Mae Mak 9:19

Mae Jisas ne cheke eghu, “Tore, ghotilo naikno gre theome fatutuani ni God kolho! Niha fata au fabrahu iara balumi ghotilo sia? Iara hongo ghau fara ka ghotilo! Hata mei ka iara agne mae sitei na!”

Nonomho Te Keli Teke Risoi Mae Mak 6:6

Mae Jisas ne jaglo nogna fara te theome fatutuani naiknore. Ke leghugna igne mae Jisas ne tei ka keha namono te au ka nohi tuana ne farirhiudi naiknore.

Nonomho Te Keli Teke Risoi Mae Mak 3:5

Mae Jisas ne filo ka naiknore ne diꞌatagna fara, naugna mare ne maku fara pha'udire. Nu neuba ngau, mana ne kokhoni nognadi fara. Mana ne cheke eghu ka mae te lehe khamegna na, “Ngafa haghe khamemu ana.” Mana ngafa haghe khamegna na neke keli fapulo.

Profet Isaia 53:3

Naiknore tirodini mana neke cheke faparini mana. Kmana fata mana fodu ka diꞌa nagnafagna fara, neke au papara fabrahu kolho. Uve, theo kaisei naikno te magnahaghei filo ka mana na. Te filoni tahati na, mana jateula te fiti maera eghu kolho.

Matiu 12:38

Aonu, keha mae Farasi nei mae velepuhigna vetula nogna mae Moses teure ne mei cheke eghu ka mae Jisas, “Ghehati magnahaghe nigho iagho te eni kaisei gloku biꞌo te nolaghi. Igne fagaglana te mala laseni ghehati nolaghi teke mei funu ka God na.”

Nonomho Te Keli Teke Risoi Mae Mak 8:13

Mae Jisas jifla kokodi mae Farasire, ne saghe ka mola na neke kasa ka keha phile kholo na.