Nonomho Te Keli Teke Risoi Mae Mak 7:7 - Buka Blahi Ka Cheke Holo

⁷ Pogho soru te edi mare ka iara igre theo nafudi, naugna mare farirhiudi naiknore mala leghudi kolho nodi vetula teke hohoro haghe thedire.’ ”

Nonomho Te Keli Teke Risoi Mae Mak 7:7 ပူးပေါင်းရင်းမြစ်များ

Profet Isaia 29:13

Lord ne cheke eghu ka iara, “Naikno igre fafnakno ghau iara ka cheke, nu gaoghathodire thono khaba fara ka iara. Puhidi mare te mala fafnakno ghau iara na leghuni kolho nogna vetula naikno na.

Matiu 15:9

Pogho soru te edi mare ka iara igre theo nafudi, naugna mare farirhiudi naiknore mala leghudi kolho nodi vetula teke horo haghe thedire.’ ”

Jemes 1:26

Mae ihei la naikno khiloau hi thegna teu ka gaoghathogna na nu theome saghe leghu fakelini nogna cheke na teuna, mana chaghini kolho thegna nei nogna fatutuani mana na theo nafudi kolho.

Kolose 2:22

Vetula igre chekedi kolho glepo te edi tahatire nu gnafa teura kolho. Naugna naikno kolho te edi haghedi te farirhiu vetula igre.

Matiu 6:7

Kate tarai na, ghotilo thosei tarai jateula mae bongihehe te chekedi nafnata cheke te theo nafudi kolho ra eghu. Kate tarai brahu na ame nomhidi nga God eghu mare gaoghathodire.

Taetus 3:9

Nu thosei au baludi iagho naikno te chekedi gobigna lepo te fameomekro ba te magra eidi susurei teke funu tifa teke mei, ba naikno te fapoaphola, ba magra eigna u gaoghathogna nogna vetula mae Moses. Eghume u glepo te edi mare tuare theome glepo mala toghoni kaisei naikno.

Thakle 22:18

Iara mae Jone cheke faheta ka ghotilo te nomhidi chekegna God te au ke lamnagna buka igne. Tutuani jame ihei teke lisei lao keha cheke baludi cheke tela auhi ka buka na igre, God ginauna nake lisei lao keha papara ka mana tela kulu chekenihi ka buka igne.

Ululahu Samuel 12:21

Ghotilo thosei tufru soru ka mumujudi god te chaichaghi are. Naugna god tuare theo nafudi kolho! Eghuteuna reꞌe theome tangomana te togho ghami nei fakarhi ghami teu ghotilo na!

Diutronomi 12:32

“Eghume, ghotilo mala edi gobigna lepo tela chekedihi iara ka ghotilo ra. Ghotilo thosei ke nhaꞌa lao keha chekei, eghuteuna ghotilo thosei ke hata koko kaisei cheke tagna.”

Jemes 2:20

Ghotilo thono iho fara! Te fatutuani ni kolho ghotilo God nu theome eni ghotilo kaisei glepo te keli ranghini ihei teuna, u nafnata fatutuani tuana theome tutuani kolho.

Profet Malakai 3:14

“Ghotilo neke cheke eghu, ‘Tahati tore koba ka God eghuteuna God na theome togho ghita tahati, eghume mala unha site leghuni tahati chekegna mana gnea? Ka tathagna Lord mae ihei te au nolaghi fateoteꞌo igne diꞌanagnafa eidi nakhibodare, nu mana theome togho ghita ngala eghu. Eghume diꞌanagnafa te edi tahati igre theo nafudi kolho.

Ululahu Korin 15:14

Eghuteuna jame teke theome karha fapulo Kraes kau glehe na, unha te toutonuni ghehati ka ghotilo na theo nafugna kolho, eghuteuna ghotilo theome tangomana te fatutuani ni na.

Ululahu Korin 15:58

Eghume kheraguro, naugna igne ghotilo kegra heta ka nomi fatutuani na nei thosei snakreni kaisei glepo mala ngali tafri ghami. Ghotilo mala rugusi fabrahu ka nogna gloku Lord na. Naugna ghotilo lasenihi nomi gloku ranghini Lord na theome tangomana te fiti luvu kolho.