Nonomho Te Keli Teke Risoi Mae Mak 7:5 - Buka Blahi Ka Cheke Holo

⁵ Hatimare mae Farasi nei mae velepuhigna vetula nogna mae Moses eghu ne ghusna eghu ka mae Jisas, “Nou mae fanomho iagho gre theome leghudi vetula teke tusu mei ka tahati mae ke biꞌoda tifa ra. Nou mae fanomho iagho gre ghamu ghedi ganore ka khamedi te theome gae re. Naugna unha site eni mare ignea?”

Nonomho Te Keli Teke Risoi Mae Mak 7:5 ပူးပေါင်းရင်းမြစ်များ

Fapea Tesalonika 3:6

Uve kheraguro, ka nanghagna mae Jisas Kraes noda Lord, ghehati magnahaghei cheke faheta ka ghotilo. Thosei fofodu ka naikno khiloau te tirodi loku are. Naikno te tirodi loku are theome leghudi farirhiu teke tusu ari ghehati ka ghotilo ra.

Mae Khuru 21:21

Mae Jiu igre mare nomhidi nou farirhiu iagho ra. Iagho cheke ranghidi mae Jiu te au baludi mae te theome Jiu ka keha namono delei are mala thosei vahe mae sua nalha'ure nei jaola mala thosei leghudi noda kastom tahati gre. Uve, mare la nomhidihi nou cheke iagho te mala lilisei mare nogna vetula mae Moses na.

Galesia 1:14

Eghuteuna iara heta fara mala leghu fakelini nodi kastom hatimare mae biꞌomi Jiu tifa ra. Ka puhi igne iara loku heta fara uludi kmana mae kheragu te majaghani ra.

Mae Khuru 21:24

Hata tei fati mae igre balumu ka Sugablahi gno mala eni unha te mala gae na ke ulugna God. Eghuteuna iagho tei baludi mala foli glepo te mala ghoighori pha'u leghuni noda kastom na ke leghugna u nhaꞌa cheke igne. Ka puhi igne naikno te gnafare ginauna na laseni unha teke nomhini mare eimu iagho na theome tutuani. Mare ginauna na filo glani nigho te loku famaku fara nogna vetula mae Moses na ka nakarhamu themu na.

Matiu 15:2

“Naugna unha si nou mae fanomho iagho gre te theome leghuni nodi farirhiu mae kuꞌeda tifa ra? Mare ne theome kulu titihi fakeli khamedire ne ghamu nga.”

Letas Teke Riso Tei Mae Pol Ka Khiloau Rom 4:12

Eghuteuna mae Ebraham gne jaola kuꞌeda tahati mae Jiu te tohi fagaglana gre nei jaola te fatutuani ni God. Tutuani fara, tahati fatutuani ni God mala fadoglo ghita jateula mae kuꞌeda Ebraham teke fatutuani funu ka narane teke theome tohi fagaglana teku na.

Fapea Tesalonika 3:11

Ghehati chekeni igne, naugna ghehati nomhidi keha naikno ka ghotilo tirodi loku fara. Mare theome eni kaisei unhanga. Nu mare farugusidi thedi ka nakarhadi keha naiknore.

Nonomho Te Keli Teke Risoi Mae Mak 7:8

Mae Jisas jaola neke cheke eghu ka mare, “Filo si ghotilo, ghotilo gognarona la theome leghudihi nogna vetula God re. Ghotilo gognarona leghudi kolho nodi farirhiu naiknore.”

Nonomho Te Keli Teke Risoi Mae Mak 7:9

Aonu mae Jisas ne cheke eghu, “Ghotilo laseni fara puhi te mala tuthughu nogna vetula God na, mala leghudi kolho nomi puhi farirhiu themire.

Nonomho Te Keli Teke Risoi Mae Mak 7:13

Eghume ghotilo farirhiudi naiknore mala leghudi kolho nomi puhi themire, eghuteuna chekegna God na jateula glepo tharu maei eghu kolho ka ghotilo. Kmana nafnata puhi jateula igre eghu te edi koba ghotilo re.”