Nonomho Te Keli Teke Risoi Mae Mak 7:24 - Buka Blahi Ka Cheke Holo

²⁴ Ke leghugna igne mae Jisas jifla jare ne tei ka nohi rhegna namono biꞌo Taea. Mana tei ne ruma ka kaisei suga, eghuteuna mana theome magnahaghei kaisei naikno te laseni aheva te au teu mana na. Nu ne eghu ba ngau, mana theome tangomana te poru na.

Nonomho Te Keli Teke Risoi Mae Mak 7:24 ပူးပေါင်းရင်းမြစ်များ

Matiu 11:21

Mana ne cheke eghu, “Puhi biꞌo ka ghotilo naiknomi ka namono Koresin! Puhi biꞌo ka ghotilo naiknomi ka namono Betsaeda! Naugna ghotilo ne tiromi leghuni chekegna God. Kofubobhoi te edi iara ka ghotilo ra, jame edi ka namonodi mae bongihehe Taea ghe Sidon gre meuna, mare jame gnokrohi pari balu pohe thapa nei ghiha nakrofuhi eghu ka thinidire, fagaglana gna tela tughu nagnafahi nei koko nakhibohi teuna.

Profet Esikiel 28:2

“Maegna ka nauthoglu. Cheke ranghini mae funei gna Taea iara Lord God te cheke igne: Iagho kaisei mae fahaehaghe fara cheke eghui, ‘Iara jateula kaisei god eghu, eghuteuna iara gnokro ka chea ka nogu nolaghi, aheva thongna te faligoho ghau iara. “ ‘Nu neuba iagho ne cheke eghu, iara jateula kaisei god eghu sia neu, iagho kaisei maemu ka nauthoglu igne kolho, eghuteuna iagho theome kaisei god.

Ululahu Timoti 5:25

Jateula tuana eghu gloku te kelire e bligi fara te mala filodire. Nu neubane theome bligi ngau te mala filodire, theome tangomana te poru fabrahu na.

Matiu 9:28

Kate ruma mae Jisas ka suga na, phei mae te dofu igre ne ruma balugna mana. Mae Jisas ne ghusnadi phiamare, “Phei mae, ghopa fatutuani ghau iara te tangomana mala fakelidi tathamire?” Phiamare ne cheke eghu ka mana, “Uve, mae funei!”

Jenesis 10:15

Mae Kenan neke au phei mae thugna nalhaꞌu, mae Saidon ghe mae Het. Mana jaola neke kuꞌedi mae Jebus, mae Amora, mae Gagas, mae Hivi, mae Arka, mae Sini, mae Arvat, mae Semar, nei mae Hamat. Vikegna mae Kenan gre ne fnota ne sopagna tei tafri.

Nonomho Te Keli Teke Risoi Mae Mak 2:1

Keha narane ke leghugna igne mae Jisas neke pulo Kapanam, naiknore nomhini mana au teu ka nogna suga na.

Profet Isaia 42:2

Mana ginauna na theome eha fabiꞌo leghu nabrou ke lamna namono.

Profet Isaia 23:12

Lord ne cheke eghu, “Ghotilo naiknomi Saedon ra! Tifa na ghotilo neke glealeꞌa nomi fara, nu nomi narane te keli ghotilo tura la gnafahi. Gognarona ghotilo au ke parigna nodi nolaghi nomi naoka ghotilo are. “Eghuteuna jame te magnahaghei rikha ghotilo na, neubane tei posa ghotilo Saepras, nu ghotilo ginauna theome au fakeli kolho.”

Jenesis 49:13

“Iagho mae Sebulun nei vikemu ra mala au ke tongna, eghuteuna nou glilihi iagho re ginauna na au nhofi te keli te mala longa te sobo vaka na. Fofota di nou vido glose teu iagho re ginauna na tei posa Sidon.

Jenesis 10:19

Namonodi naikno te au Kenan gre e funu Saedon tei posa Gerara nei Gasa. Eghuteuna tei posa Sodom, Gomora, Adma nei Seboim ghilei tei posa Lasa.

Nonomho Te Keli Teke Risoi Mae Mak 7:23

Glepo te diꞌa igre kafe jifla mei funudi ka nagnafagna naikno na. Glepo igre te mala fathonani mana na.”

Nonomho Te Keli Teke Risoi Mae Mak 7:25

Nu naikno biꞌo igne ne nomhini te au teu mae Jisas jare na. Thugna gaꞌase naꞌa na au kaisei naitu tagna. Aonu naikno biꞌo na ghosei ne mei ke ulugna mae Jisas ne tuturupuku soru ke ulugna mana.

Nonomho Te Keli Teke Risoi Mae Mak 7:31

Mae Jisas jifla ka nohi Taea, eghuteuna sala'u Saedon ne thoke ka Kholo Galili, ka nohi Dikapolis.