Nonomho Te Keli Teke Risoi Mae Mak 7:22 - Buka Blahi Ka Cheke Holo

²² mamagna, gloku te diꞌa, saosagro, gnognoro, goghotu, cheke faparini ihei, fahaehaghe nei fanoinoli.

Nonomho Te Keli Teke Risoi Mae Mak 7:22 ပူးပေါင်းရင်းမြစ်များ

Matiu 20:15

Iara tangomana te eni unha iara te magnahaghei ka nogu sileni thegu re. Ba iagho goghotu naugna te keli iara ranghidi naikno tuare sia?’ ”

Ululahu Pita 5:5

Jateula tuana eghu ghotilo mae majaghani ra, nhaꞌa soru ghami themi ke paridi goro mae biꞌo are. Uve, ghotilo huju fapulo ghami themi ka puhi au faleghu mala fari totoghoi. Naugna grioriso te blahi na cheke eghu, “God theome magnahagheni mae ihei te fahaehaghe na, nu tusu lao khokofakasai ranghini ihei te au faleghu.”

Ululahu Pita 2:15

Naugna God magnahaghe ghami ghotilo te leghuni koba puhi te doglo na, eghuteuna ghotilo tangomana te fakmudi iheire te cheke fadiꞌa eimi ghotilo. Tutuani fara, mae igre theome laseni u nabrou te doglo na.

Fapea Korin 10:5

Eghuteuna ghehati tangomana te tapla sorudi thua nafnata cheke fahaehaghe te edi naiknore eigna thofno glalase nogna God. Ghehati fariuriu mala tuthughu gaoghathodi naiknore, mala thofno leghuni Kraes.

Matiu 6:23

Eghuteuna te diꞌa fara iagho tathamure, thinimu iagho na ginauna romno fara. Eghume te theo kaisei naphae ke lamnamu iagho nu romno kolho teuna, iagho ginauna na romno fara.

Eklesiasti 7:25

Eghume, iara neke fariuriu fara mala lasedi gaoghatho te keli nei mala hata thua nafnata glalase. Eghuteuna iara neke loku heta mala lasedi thofno gaoghathodi thua nafnata puhi te diꞌa nei puhi te fameomekro teu igre.

Proveb 28:22

Mae te loku famaku nogna glepore, mana tangomana te loku heta fara te mala ghosei te dedei na, mana theome laseni nate thono kuma fara ginauna.

Proveb 27:22

Neuba iagho ne parani fara naikno te fameomekro na, iagho theome tangomana te koko puhigna mae te fameomekro na.

Proveb 24:9

Mae ihei te theome autagna gaoghatho te keli na, mana tangomana te ghaoghatho eigna te mala eni puhi te diꞌa na. Naiknore tirodini mae igne.

Proveb 23:6

Thosei ghamu ka sugagna ihei te ghamu nhoto ghegna ganore. Thosei khiridi ghegna gano te keli manare.

Proveb 22:15

Gaoghatho fameomekro na fodu ka thiꞌagna sua na, nu te keli na puphuri ngala mala gnafa nafnata gaoghatho te fameomekro tuana.

Proveb 12:23

Mae ihei te au tagna gaoghatho te keli na, theome ghosei chekeni unha te au ka nagnafagna na. Nu mae te fameomekro na edi thua nafnata cheke te theo nafudi.

Nodi Khoje Hatimare Mae Jiu 10:4

Mae te diꞌa igne mana tirogna ghatho tahuni God. Mana ne lalasehi thegna neu ne cheke eghu, “God na theome tangomana te lasedi nei nangadi teu puhi najafra teke edi iara re.”

Fapea Kronikols 32:31

Kate nomhini king gna Babilonia thoutonu eigna God te eni fagaglana igne Juda na, mana ne kurudi keha nogna mae biꞌo mala tei hironi gaoghathogna fagaglana igne. Nu ka narane tuare, God magnahaghei te fariuriuni King Hesekaea mala hironi gaoghathogna unha teke eni mana na, aonu mana ne snakreni Hesekaea mala leghuni gaoghathogna thegna na.

Diutronomi 28:56

Kate mei naokare te goigoni ni nomi namono ghotilo na, neuba kaisei famane gaꞌase te thono dedei fara te au ka suga gna na, nu ka narane tuana, naꞌa ginauna kokhoni ni fara ka grofo. Eghume naꞌa ginauna ghamu thugna teke karhala na, eghuteuna naꞌa ginauna jaola ghamu glepo te jifla mei ka nathuthuru gna sua teke karha la. Eghuteuna naꞌa pophoru mala ghamu, mala theome tangomana naꞌa te tufa kaisei ghegna nafnahi ka khetogna te namhani fara na, ba ka keha thugna re.

Diutronomi 28:54

Eghuteuna neuba kaisei mae te keli te thofno ke keli fara puhigna na, nu ka narane tuana, mana ginauna diꞌa nagnafagna fara ka grofo, aonu mana ginauna aknu falehe kaisei thugna mala ghamu nafnahigna na. Nu mana ginauna na theome tangomana te tufa kaisei nafnahi ka mae kheragna na, ba ka khetogna te namhani fara mana na, ba ka keha thugna te karha teure.

Diutronomi 15:9

Ghotilo thosei au gaoghatho te diꞌa nei tiromi te tusu lao kaoni ka ihei nga eghu naugna fafitu finogha te mala ghiha koko kaoni na la namohi. Ghotilo thosei snakreni gaoghatho ghamu nhoto tuana mala tiromi toghoni kherami te au ka puhi biꞌo na. Naugna jame te theome toghoni ghotilo mana na, mana ginauna tanhi lao ka Lord, eghuteuna Lord ginauna ghathoni te ghotilo nabami te au papara eigna igne.

Nodi Khoje Hatimare Mae Jiu 119:36

Togho ghau iara sagho mala sasaꞌa iara te leghudi nou farirhiu iagho re, ke kelignai te magnahaghei glepo kmana iara na.

Profet Isaia 59:7

Leuleghu fata na, ghotilo magnahaghei fara te ghosei te eni puhi te diꞌa na. Eghuteuna ghotilo diꞌatami faleheni ihei te theome eni kaisei puhi te diꞌa na. Gaoghathomi ghotilo igre thofno diꞌa fabrahu, eghuteuna puhi te mala goigonidi nakarhadi keha naiknore igne jateula nomi nabrou biꞌo eghu ghotilo.

Profet Isaia 59:13

Ghehati figri tagru nigho nei ghatho iho nigho, nei theome magnahaghei te leghu nigho. Ghehati tei koko nighohi, eigna igne ghehati filo faparidi nei paradi eghu koba keha naiknore. Gaoghathomi fateote'o nei chekemi fateote'o teu igre thofno chaichaghi fara kolho.

Profet Jeremaea 17:9

Ihei te lase fakelini gaoghathogna naikno na? Gaoghathogna naikno na jateula kaisei fogra biꞌo te theome tangomana kaisei naikno teke famafoni ra eghu. Thiꞌagna naikno na fodu ka chaichaghi. Ihei te lase fakelini nagnafagna naikno na?

Nonomho Te Keli Teke Risoi Mae Mak 7:21

Naugna glepo te diꞌa igre jifla mei funu lamna ka nagnafagna naikno na: gaoghatho te diꞌa, mhala, blau, falehe naikno, tolaghi pedo,

Nonomho Te Keli Teke Risoi Mae Mak 7:23

Glepo te diꞌa igre kafe jifla mei funudi ka nagnafagna naikno na. Glepo igre te mala fathonani mana na.”