Nonomho Te Keli Teke Risoi Mae Mak 7:21 - Buka Blahi Ka Cheke Holo

²¹ Naugna glepo te diꞌa igre jifla mei funu lamna ka nagnafagna naikno na: gaoghatho te diꞌa, mhala, blau, falehe naikno, tolaghi pedo,

Nonomho Te Keli Teke Risoi Mae Mak 7:21 ပူးပေါင်းရင်းမြစ်များ

Profet Jeremaea 17:9

Ihei te lase fakelini gaoghathogna naikno na? Gaoghathogna naikno na jateula kaisei fogra biꞌo te theome tangomana kaisei naikno teke famafoni ra eghu. Thiꞌagna naikno na fodu ka chaichaghi. Ihei te lase fakelini nagnafagna naikno na?

Matiu 15:19

Naugna igre glepo te jifla mei ka nagnafagna mana re, gaoghatho te diꞌa, falehe naikno, tolaghi pedo, mhala, blau, chaichaghi, vuavuha cheke nei buiburini ihei.

Mae Khuru 8:22

Eghume, kulu tughu nagnafa ghu sagho! Koko puhi diꞌa te edi iagho are. Eghuteuna tarai ka Lord. Mana jame tangomana te hata fadelei gaoghatho te diꞌa tuana ka iagho.

Profet Esikiel 38:10

“Lord God neke cheke eghu: Kate thoke mei narane tuana, kaisei gaoghatho te diꞌa ginauna mei ka iagho, eghuteuna iagho ginauna na eni kaisei gaoghatho te thono diꞌa fara.

Matiu 9:4

Aonu, mae Jisas ne lasedi nagnafadi mare re ne cheke eghu, “Naugna unha site au mei ka nagnafami ghotilo re nafnata gaoghatho te diꞌa tuana ia?

Profet Jeremaea 4:14

Ghotilo naiknomi Jerusalem, niha nau ame tughu nakarha nga eghu si ghotilo ia? Koko si ghotilo puhimi te diꞌare mala ke au klino, eghuteuna God ginauna na fakarhi ghami ghotilo.

Jemes 2:4

Te eghu ghotilo na, ghotilo jafra fara, naugna ghotilo ne vahini mae ihei te dedei na nei mae ihei te kuma na neu ka gaoghathomi themi te diꞌare.

Proveb 4:23

Saghe leghu fakelini nagnafamu na, eigna nakarhamu iagho na jifla mei jare.

Luku 16:15

Mae Jisas ne cheke eghu ka mare, “Ghotilo magnahaghedi naiknore te ghatho tahu ghami themi te doglo ke ulugna God. Nu God na thofno laseni unha te au ka nagnafami ghotilo re. Tutuani, glepo te ulu ka naiknore theo nafudi kolho ka God.”

Profet Isaia 59:7

Leuleghu fata na, ghotilo magnahaghei fara te ghosei te eni puhi te diꞌa na. Eghuteuna ghotilo diꞌatami faleheni ihei te theome eni kaisei puhi te diꞌa na. Gaoghathomi ghotilo igre thofno diꞌa fabrahu, eghuteuna puhi te mala goigonidi nakarhadi keha naiknore igne jateula nomi nabrou biꞌo eghu ghotilo.

Nodi Khoje Hatimare Mae Jiu 53:3

Nu theo fara. Mare la snivihi ka nabrou te keli na. Mare kaisei nanaba ngala la kafe diꞌa fara tutuani. Theo kaisei naikno te eni puhi te keli na. Theo fara.

Nodi Khoje Hatimare Mae Jiu 14:3

Nu theo fara. Mare la snivihi ka nabrou te keli na. Mare kaisei nanaba ngala la kafe diꞌa fara tutuani. Theo kaisei naikno te eni puhi te keli na. Theo fara.

Letas Teke Riso Tei Mae Pol Ka Khiloau Rom 7:8

Eghuteuna nakhibo na au nogna nabrou ka cheke te au ka vetula na igre na batu ghau iara ka nafnata gaoghatho te diꞌa te mala mamagna na. Jame te theo vetula na, u gaoghatho te mala eni nakhibo na theome au ka iara.

Mae Khuru 5:4

Tutuani, ame fofoli nga iagho teku na, u vido glose igne neke kulu nou ngala iagho. Eghuteuna neubane fofoli fahuihi iagho vido glose tuana, sileni tuare nou iagho kolho. Naugna unha site ghathoni iagho nafnata puhi te diꞌa ignea, ghema? Iagho theome chaghini naikno na kolho, nu iagho chaghini God!”

Proveb 15:25

Lord ginauna roꞌeni nogna suga mae ihei te nheta nei te fafnaknoni nanghagna thegna na. Nu mana ginauna toghoni naikno biꞌo tela lehehi khetogna na.

Nodi Khoje Hatimare Mae Jiu 14:1

Naikno te fameomekro na cheke eghu ka nagnafagna na, “Jare na theo kaisei God kolho.” Mae igne kaisei mae gnognoro fara kolho, mana ngala kaisei mae te mala eni u puhi te diꞌa na. Theo kaisei naikno te tangomana te mala eni unha puhi te keli na.

Thoutonu Eigna Mae Job 25:4

Ihei gne te doglo kolho te theo nakhibogna ka tathagna God na? Theo kaisei naikno te karha mei ka nauthoglu igne te klino ka tathagna God na.

Thoutonu Eigna Mae Job 14:4

Ba, mae ihei gne te tangomana te filoni mae ihei te klino ka tathagna God na? Theo kolho!

Jenesis 8:21

Lord ne gnanghini u fafara te famane sisiri keligna igne ne keli tagna fara ne cheke eghu, “Iara ginauna nake theome goigoni u nauthoglu igne ke tughugna puhi diꞌa teke edi naikno igre neuba iara kulu lasedihi naikno igre neke diꞌa neke mei ngala funu suadi. Nu iara ginauna nake theome goigonidi gobigna lepo te karha ka nauthoglu na igre jateula te eni iara gognaro gne eghu.

Jenesis 6:5

Lord ne filodi puhidi naikno gna nauthoglu gne ne thono diꞌa fara. Eghuteuna mare ghathodi fabrahu kolho glepo te diꞌa re.

Letas Teke Riso Tei Mae Pol Ka Khiloau Rom 7:5

Nu kani leghudi teku kolho tahati puhida theda te diꞌa fara tifa ra, tahati neke thofno magnahaghei te leghuni koba unha te blahi fara ka u vetula na. Eghume, tahati neke snakre lao ghita theda kolho ka puhi te diꞌa nabagna te mala lehe na.

Nodi Khoje Hatimare Mae Jiu 53:1

Naikno te fameomekro na cheke eghu ka nagnafagna na, “Jare na theo kaisei God kolho.” Mae igne kaisei mae gnognoro fara kolho, mana ngala kaisei mae te mala eni u puhi te diꞌa na. Theo kaisei naikno te tangomana te mala eni unha puhi te keli na.

Taetus 3:3

Naugna tifa na tahati neke theome ghaoghatho fakeli, jateula naikno te theome fatutuani ni Kraes ra neku. Tutuani, tahati neke huhughu koba. Nu keha naiknore chaichaghi ghita koba mala loku jafra tahati. Tahati tifa na neke loku ranghini kolho unha te magnahaghei fara u thinida theda na. Tahati neke edi fabrahu ngala unha glepo te diꞌa nei goghotu teure. Naiknore neke theome magnahaghei ghita fara nu tahati jaola ngau neke theome magnahaghedi fara keha naiknore.

Nodi Khoje Hatimare Mae Jiu 119:36

Togho ghau iara sagho mala sasaꞌa iara te leghudi nou farirhiu iagho re, ke kelignai te magnahaghei glepo kmana iara na.

Profet Isaia 59:13

Ghehati figri tagru nigho nei ghatho iho nigho, nei theome magnahaghei te leghu nigho. Ghehati tei koko nighohi, eigna igne ghehati filo faparidi nei paradi eghu koba keha naiknore. Gaoghathomi fateote'o nei chekemi fateote'o teu igre thofno chaichaghi fara kolho.

Profet Jeremaea 16:12

Nu ghotilo thofno salaꞌudi fara kuꞌemi tifa ra kate edi ghotilo thua nafnata puhi te diꞌare. Ghotilo te gnafa na kafe maku fara nagnafamire, eghuteuna puhimi ghotilore thofno diꞌa fara salaꞌui, eghuteuna theome leghu ghau iara.

Nonomho Te Keli Teke Risoi Mae Mak 7:20

Aonu mana tudu lao ne cheke eghu phugra cheke igne, “Unha te jifla mei ka naikno na te mala fathonani mana na.

Nonomho Te Keli Teke Risoi Mae Mak 7:22

mamagna, gloku te diꞌa, saosagro, gnognoro, goghotu, cheke faparini ihei, fahaehaghe nei fanoinoli.

Kolose 3:5

Eghume, kafe nhaꞌa fadelei ka nagnafamire puhigna nauthoglu te diꞌa igre, tulao: puhi gnognoro, puhi diꞌa te gnafa, puhi te sneka ka gaoghatho te diꞌa, nei puhi magnahaghei glepo te diꞌa. Eghuteuna ghotilo jaola nhaꞌa fadelei ka nagnafamire puhi te mamagnadi nodi glepo keha naikno gre, naugna puhi igne jateula te tufru soruni eghu mumuju.