Nonomho Te Keli Teke Risoi Mae Mak 6:56 - Buka Blahi Ka Cheke Holo

⁵⁶ Mae Jisas ne tei ka namono biꞌo, namono ikodi nei mata eghu te au ka nohi tuana. Eghuteuna aheva te tei mana na naiknore hata ne mei ka mana naikno te fogra re ne lilisei farihotei glalaba. Mare toreni mae Jisas mala snakredi habo kolho ka khukrudi nogna pohere, mala ke keli fapulo nodi. Aonu naikno te gnafa teke habo ka nogna pohe mana re neke keli fapulo.

Nonomho Te Keli Teke Risoi Mae Mak 6:56 ပူးပေါင်းရင်းမြစ်များ

Matiu 9:20

Kate tei mare na, kaisei naikno biꞌo te dadara fabrahu nabagna nabotho phei finogha na mei ke leghugna mae Jisas, ne mei habo ka nogna khukru pohe mana na.

Luku 6:19

Naiknore ne magnahaghei te mei te kafe haboni mae Jisas, naugna mare filoni nogna nolaghi God na au ka mana ne jifla mei ka mana ne kafe fakelidi.

Nonomho Te Keli Teke Risoi Mae Mak 3:10

Mana neke fakelidi kmana naikno te fogra. Naugna igne naikno te fogra igre ne kafe thugha mei ka mana mala haboni mana.

Mae Khuru 5:15

Kate filodi kofubobhoi teke edi mae khurure, naiknore ne pala ne mei ka sape nei ka khifra ka nabrou mala ogho mei naungogna mae Pita na ke klignadi naikno te fogra re.

Mae Khuru 4:12

Mae Jisas ngala te tangomana te mala fakarhi ghita na. Naugna God neke theome kuru meini kaisei nangha delei ka nauthoglu gne te mala fakarhi ghita na.”

Mae Khuru 4:9

Gineia ghotilo neke ghusna ghami ghepa mae Jone eigna glepo te keli teke eni ghepa ka mae teke lehe ghahegna na igne, nei faꞌunha neu neke kelinga mana teuna.

Luku 22:51

Mae Jisas ne cheke eghu ka mana, “Ghema, kelihi!” Mae Jisas habo lao ka khuligna mae gloku igne neke keli fapulo.

Luku 8:44

Eghuteuna naꞌa ne mei ke leghugna mae Jisas ne habo ka nogna khukru pohe mana na. Ka vido tuana dadara na ghosei ne noto.

Fapea Kings 13:21

Kaisei fata, keha naiknodi Israel pala kaisei thini mala tei giugilu. Eghuteuna mare ne filoni kaisei tothoghei soldia gna Moab ne mei, aonu mare ne koko sukha thini igne ka beku gna profet Elisa na ne rikha nodi. Nu kate tei te loku fodu thini igne ka nhubra gna mae Elisa gre, thini igne neke karha fapulo ne kegra haghe!

Diutronomi 22:12

“Ghotilo mala susuki fodu keha gnarho kmoꞌei mala fagegefe ka fati khukrududi nomi pohere.”

Naba 15:37

Lord neke cheke eghu ka mae Moses,

Matiu 14:36

Mare toreni mae Jisas mala snakredi mala habo kolho ka khukrudi nogna pohere, mala ke keli fapulo nodi. Aonu naikno te gnafa teke habo ka nogna pohe mana re neke keli fapulo.

Nonomho Te Keli Teke Risoi Mae Mak 6:55

Aonu naiknore chari ne tei chekedi keha naikno te au heva heva ka nohi tuana eigna mae Jisas. Naiknore nomhini mae Jisas te au teu jare na ne pala ne mei naikno te fogra re balu nodi sape ka vido aheva te tei mae Jisas na.