Nonomho Te Keli Teke Risoi Mae Mak 6:31 - Buka Blahi Ka Cheke Holo

³¹ Kmana naikno ne mei nei ke tei neu ka mana. Mae Jisas nei mae fanomhore ne theo kaisei vido narane te snagla te mala ima na. Aonu mana ne cheke eghu ka mae fanomhore, “Tahati gne na jifla tei ka kaisei vido te nagou mala ke gnafa katha vido.”

Nonomho Te Keli Teke Risoi Mae Mak 6:31 ပူးပေါင်းရင်းမြစ်များ

Nonomho Te Keli Teke Risoi Mae Mak 3:20

Mae Jisas neke pulo mei ka nogna suga na. Ka vido tuana kmana naikno fara ne khapru mei ka mana. Aonu mae Jisas baludi nogna mae fanomhore ne theo kaisei vido narane te snagla te mala ima na.

Nonomho Te Keli Teke Risoi Mae Mak 1:45

Nu mae igne tei ne toutonu tafri eigna thoutonu igne ka naikno te kmanare. Naugna igne mae Jisas ne theome tei tafri ka keha namonore. Mana tei ne au ka vido aheva te theome tangomana kaisei naikno te au tagna na. Neuba, naiknore mei ka mana funudi heva heva ka namono te kmanare.

Jone 6:1

Kaisei fata ke leghugna igne mae Jisas ne kasa baludi nogna mae fanomhore ka keha phile Kholo Galili te kiloni jaola Kholo Taebirias.

Nonomho Te Keli Teke Risoi Mae Mak 3:7

Aonu, mae Jisas jifla baludi nogna mae fanomhore ne tei ka Kholo Galili. Eghuteuna kmana naikno ne tei balugna mana. Naikno igre neke mei funudi Galili, Judia, Jerusalem, Idumia nei ka namono te au ka keha phile Kho'u Jordan, nei funudi ka nohi Taea nei Saedon. Naikno igre mei ka mae Jisas naugna mare nomhidihi thoutonu eidi gobigna lepo teke edi mana re.

Matiu 14:13

Kate nomhini mae Jisas glehegna mae Jone Apublahi na, mana saghe ka mola na ne tei au thegna sopa lamna namono nagou. Kate nomhini naiknore te jifla te tei mae Jisas ka mola na, mare jifla ka namonodire ne liu mata ne tei ke leghugna mana.