Nonomho Te Keli Teke Risoi Mae Mak 6:3 - Buka Blahi Ka Cheke Holo

³ Tahati laseni mae kapenta igne, mana thugna Meri kolho. Eghuteuna mae tahigna mana re mae Jemes, mae Josep, mae Judas nei mae Simon. Eghuteuna, greghagnare kafe au teu ngala igre. Mana kaisei mae kolho, mana neke theome mei funu ka God.” Aonu naiknore ne filo faparini kolho mana.

Nonomho Te Keli Teke Risoi Mae Mak 6:3 ပူးပေါင်းရင်းမြစ်များ

Matiu 12:46

Kate facheke teu mae Jisas ka naiknore, idogna nei thabusigna teu mana re ne posa mei kegra neu kosi. Mare magnahaghei te mei cheke ka mana.

Jone 6:42

Mare ne cheke eghu fari thedi, “Mae igne mae Jisas kolho. Tahati kafe lasedi kmagna nei idogna teure. Mana thugna mae Josep kolho. Naugna unha site chekeni mana ‘Iara neke mei funu kligna’ teu gnea?”

Letas Teke Rioriso Mae Jud 1:1

Iara mae Jud tahigna mae Jemes nei nogna mae gloku Jisas Kraes. Uve kheraguro, iara rioriso ari letas igne ka ghotilo naikno te gnafa God teke kilo ghami. God Kmada namha ghami ghotilo, nei mae Jisas Kraes jaola reireghi fakeli ghami ghotilo.

Galesia 1:19

Nu ka narane igre iara neke theome filodi keha mae khurure kaisei mae Jemes tahigna Lord kolho teke filoni iara na.

Matiu 11:6

Eghume, ihei te maku fabrahu ka iara nogna fatutuani na, mana ginauna gleale'a fara.”

Mae Khuru 1:13

Kate thoke Jerusalem na, mare doglo ne tei kau chogho ke kligna kaisei suga te mala kapru teu mare. Eghuteuna jare mae Pita, mae Jone, mae Jemes, mae Aduru, mae Filip, mae Tomas, mae Batolomiu, mae Matiu, mae Jemes thugna mae Alfius, mae Simon mae te kiloi Silote, nei Judas thugna mae Jemes.

Nonomho Te Keli Teke Risoi Mae Mak 15:40

Keha gaꞌase langau kegra filo mei neu delei. Baludi Meri gna Makidala nei Salome nei Meri idodi mae Joses ghe mae tahigna Jemes.

Ululahu Korin 1:23

Nu tahati toutonu eigna Kraes kolho, mae ihei teke lehe ke kligna gaju fafatha. Hatimare mae Jiu theome magnahaghei nomhini u thoutonu igne, eghuteuna ka hatimare mae te theome Jiure u thoutonu igne theo nafugna kolho.

Jone 14:22

Aonu, mae Judas (theome mae Judas Iskariot), ne nomhidi cheke igre ne cheke eghu ka mae Jisas, “Lord, naugna unha site magnahaghei fatakle nigho themu kolho ka ghehati, nu theome ka naikno te leghuni puhigna nauthoglu gne teu gnea?”

Luku 7:23

Eghume, ihei te maku fabrahu ka iara nogna fatutuani na, mana ginauna na gleale'a fara.”

Luku 2:34

Eghuteuna mae Simion ne fablahidi retilo ne cheke eghu ka Meri, “U sua igne God neke vahini mala fakarhidi kmana naiknodi Israel te au ka nakhibo, nei mana na theome fakarhidi kmana naiknodi Israel iheire te fahaehaghedi thedi. Naugna mana ginauna na kaisei fagaglana te mei vuhagna ka God. Kmana naikno tirodini mana.

Profet Isaia 49:7

Lord, God te Blahi mae ihei te fakarhini Israel. Mana cheke ka ihei te tirodini fara naiknore nei nogna mae gloku mae ihei te mala funei fruni. Lord ne cheke eghu, “Hatimare mae king ginauna filo nigho eghuteuna kegra haghe mala fafnakno nigho. Mae biꞌore ginauna jaola pogho soru mala kilo fnakno nigho. Glepo igre ginauna thoke mei, naugna Lord nodi God te Blahi mae Israel igne, theome huhughuni nogna nhaꞌa cheke na, eghuteuna mana vahi nighohi te mala nogna mae gloku na.”

Ululahu Pita 2:4

Noda Lord Jisas na thina karha. God neke vahini mana mala glepo ulu tulao ka tathagna God na. Neubane eghu ngau, naiknogna nauthoglu igne theome magnahagheni mana. Nu ghotilo mei ka mana.

Ululahu Korin 9:4

naugna iara kaisei mae khuru, tutuani iara tangomana te toredi naiknore te mala togho ghau ka gano ba khoꞌu jame te magnahagheni iara na.

Nonomho Te Keli Teke Risoi Mae Mak 3:18

Mae Aduru, mae Filip, mae Batolomiu, mae Matiu, mae Tomas, mae Jemes thugna mae Alfius, mae Tadius, mae Simon mae ihei ka tothoghei te magnahaghei fajifladi mae Rom,

Mae Khuru 12:17

Aonu mae Pita ne eni kaisei fagaglana mala famane fanomho mare, eghuteuna mana ne toutonu eigna unha te eni God ranghini mana te hata fajiflani kau suga sosolo na. Aonu gnafa teuna, mana ne cheke ka mare mala toutonu eigna igne ranghini mae Jemes nei keha naikno khiloau re. Eghuteuna, ke leghugna igne mae Pita ne jifla kokodi naikno khiloau te au teu jare re neke tei ka kaisei namono delei.

Luku 8:20

Aonu naiknore ne cheke eghu ka mae Jisas, “Idomu nei thabusimu teu iagho re kegrau kosi. Mare magnahaghei te mei filo nigho iagho.”