Nonomho Te Keli Teke Risoi Mae Mak 6:24 - Buka Blahi Ka Cheke Holo

²⁴ Ka vido tuana sua gaꞌase na jifla ne tei ghusna eghu ka idogna na, “Unha nate toreni iara ginau ka mae king na?” Idogna na ne cheke eghu ka naꞌa, “Iara magnahaghe nigho iagho te toreni pha'ugna Jone Apublahi.”

Nonomho Te Keli Teke Risoi Mae Mak 6:24 ပူးပေါင်းရင်းမြစ်များ

Thoutonu Eigna Mae Job 31:31

Nogu mae gloku iara igre lasenihi te leuleghu fata na mare te gnafa na ghamu fakeli ka nogu suga tapuale iara na.

Nodi Khoje Hatimare Mae Jiu 37:14

Mae te diꞌare na korho fajifla nodi naflahi mala magra re nei na kulu lolho nodi phalohore eghu mala fadi falehedi naikno te kuma nei au kokhonidi teure, nei mala goigonidi eghu naikno te edi puhi te kelire.

Nodi Khoje Hatimare Mae Jiu 37:12

Mae te diꞌa na gaoghatho mala eni puhi te diꞌa na ranghini mae te doglo na, nei diꞌatagna eghu ka mana.

Nodi Khoje Hatimare Mae Jiu 27:2

Kate mei namo mae te diꞌa puhidire te farirhiu falehe ghau iara na, mare ginauna tothokei uka pari.

Matiu 14:8

Aonu Herodias ne cheke ka thugna gaꞌase na unha te mala toreni ka King Herod. Thugna Herodias igne ne cheke eghu ka mae Herod, “Iara magnahagheni pha'ugna mae Jone Apublahi kau tapera ao gognaro la.”

Matiu 3:1

Ka narane au teu mae Jisas ka namono Nasaret igre, mae Jone Apublahi mei ne toutonuni Nonomho te Keli na ka namono nagou na ka Provins Judia.

Nonomho Te Keli Teke Risoi Mae Mak 6:23

Mana ne baubahu ka sua gaꞌase na ne cheke eghu ka naꞌa, “Unha te toreni iagho ka iara na, neubane thofno vidogna gobigna lepo te reireghini iara na, iara na tusu ari ka iagho.”

Nonomho Te Keli Teke Risoi Mae Mak 6:25

Sua gaꞌase na ghosei neke pulo ka mae king ne cheke eghu ka mana, “Iara magnahaghe nigho iagho te tusu mei ka iara pha'ugna Jone Apublahi ana kau tapera gognaro la!”

Fapea Samuel 13:5

Aonu mae Jonadab ne cheke eghu ka mae Amnon, “Fogra chaghi sagho tei thuru ka nou sape na. Eghuteuna kate mei te filo nigho mae kmamu na, iagho ginauna cheke eghu ka mana, ‘Chekeni greghagu Tama mala hata ghegu gano mei. Iara magnahagheni Tama te mei tarabana gano agne mala filoni iara. Eghuteuna naꞌa thegna nate faghamu ghau iara na.’ ”