Nonomho Te Keli Teke Risoi Mae Mak 6:15 - Buka Blahi Ka Cheke Holo

¹⁵ Keha naiknore ne cheke eghu, “Mae igne mae Elija.” Kehare ne cheke eghu, “Mae igne kaisei mae ka hatimare mae profet tifa ra.”

Nonomho Te Keli Teke Risoi Mae Mak 6:15 ပူးပေါင်းရင်းမြစ်များ

Matiu 21:11

Naiknore ne cheke eghu, “Jisas, profet gna Nasaret ka nohi Galili.”

Nonomho Te Keli Teke Risoi Mae Mak 8:28

Mare ne cheke eghu ka mana, “Keha naiknore te chekei na, iagho mae Jone Apublahi, keha naiknore te chekei na, iagho mae profet Elija, eghuteuna keha naiknore te chekei na iagho kaisei mae profet ka mae tifa ra.”

Matiu 16:14

Mare ne cheke eghu ka mana, “Keha naiknore te chekei na iagho mae Jone Apublahi, eghuteuna keha naiknore te chekei na iagho mae profet Elija. Keha naiknore te chekeni na iagho mae profet Jeremaea, ba kaisei mae ka hatimare mae profet di tifa ra.”

Profet Malakai 4:5

“Nogu narane biꞌo iara na ginauna mei, eghuteuna naiknore ginauna mhaghu nodi fififri fara kate thokei meigna narane igne. Nu ulu lahu na iara na kuru meini mae profet Elija ka ghotilo ame thoke mei nga narane te mala fatedi naiknore.

Jone 9:17

Hatimare mae Farasi gre neke fapea ghusna eghu ka mae teke dofu na, “Iagho te chekeni na mae igne ngala te fakelini dofumu na eghu, unha eghu iagho gaoghathomu themu na eigna mae igne?” Mana ne cheke eghu ka mare, “Iara gaoghathogu na mae igne kaisei mae profet.”

Jone 7:40

Keha naiknore nomhidi glepo te chekedi mae Jisas igre ne cheke eghu, “Tutuani fara, mae igne ngala thofno mae profet biꞌo te ofoni tahati na.”

Jone 6:14

Kate filoni u kofubobhoi te eni mae Jisas igne naiknore ne cheke eghu, “Tutuani fara, igne ngala mae profet biꞌo mala mei ka nauthoglu gne teku ka nodi grioriso hatimare mae profet tifa ra!”

Jone 1:25

mare ne ghusna eghu ka mae Jone, “Jame iagho te theome mae Kraes nei theome mae Elija nei theome mae profet teuna. Naugna unha iagho te faꞌapublahi naikno gnea?”

Jone 1:21

Mare neke ghusna eghu ka mana, “Eghume mae ihei eghu sagho? Ba, iagho mae Elija?” Mana ne cheke eghu ka mare, “Theo, iara theome mae Elija.” Hatimare neke ghusna fapuloi ka mana, “Ba, iagho mae profet te ofoni teu ghehati gne?” Mae Jone ne cheke eghu ka mare, “Theo, iara theome mae profet tuana.”

Luku 9:19

Mae fanomhore ne cheke eghu ka mana, “Kehare te chekei na, iagho mae Jone Apublahi. Kehare te chekei na, iagho mae profet Elija. Eghuteuna kehare te chekei na, iagho kaisei mae ka hatimare mae profet di tifa ra kela karha fapulo.”

Luku 9:8

Eghuteuna keha naiknore ne cheke eghu, “Mae profet Elija ia kela pulo mei.” Eghuteuna, keha naiknore te chekei na, “Kaisei mae ka hatimare mae profet tifa ra kela karha fapulo.”

Luku 7:39

Kate filoni igne, mae Simon ne au gaoghathogna ne cheke eghu, “Jame thofno mae profet mae igne na, mana jame laseni puhigna thau te haboni mana igne. Naugna naꞌa kaisei naikno gnognoro fara!”

Luku 7:16

Iheire teke au tekeu jare ka vido tuana ne kafe jaglo nodi fara, ne kilo fnaknoni God. Mare ne cheke eghu, “Kaisei mae profet biꞌo la thakle mei farihoteida tahati! God na la mei mala toghodi nogna naiknore!”

Luku 1:17

Mana ginauna mala kulu tei ke ulugna Lord, eghu ka nogna nanheta nei nolaghi eghu God na mana jateula ngau mae profet Elija eghu. Mana mala loku fodudi mae kmadire ka mae thudire. Mana mala ke hata fapulodi iheire teke tutufu kau nabrou gaoghatho te doglo. Jaola, mana mala kulu tarabana naiknore malagna God.”

Nonomho Te Keli Teke Risoi Mae Mak 6:16

Kate nomhidi mae Herod thoutonu igre, mana ne cheke eghu, “Mae Jone Apublahi teke kusu iara pha'ugna na tifa ia kela karha fapulo!”