Nonomho Te Keli Teke Risoi Mae Mak 5:34 - Buka Blahi Ka Cheke Holo

³⁴ Mae Jisas ne cheke eghu ka naꞌa, “Naikno biꞌo, iagho kela keli fapulo naugna iagho ne fatutuani. Iagho tangomana te tei na, eghuteuna thosei nanga nou naugna iagho ginauna nake theome au papara.”

Nonomho Te Keli Teke Risoi Mae Mak 5:34 ပူးပေါင်းရင်းမြစ်များ

Luku 8:48

Mae Jisas ne cheke eghu ka naꞌa, “Naikno biꞌo, iagho kela keli fapulo naugna iagho ne fatutuani. Iagho tangomana te tei na, eghuteuna thosei nanga nou eghu.”

Matiu 9:22

Nu mae Jisas figri lao ne cheke eghu ka naꞌa, “Naikno biꞌo, thosei nanga nou! Iagho kela keli fapulo naugna iagho ne fatutuani.” Funu ka vido narane tuana naꞌa ghosei neke keli fapulo nogna.

Luku 18:42

Mae Jisas ne cheke eghu ka mana, “Ke fifilo silagho. Nou fatutuani iagho na teke fakeli nigho na.”

Luku 7:50

Mae Jisas ne cheke eghu ka naikno biꞌo na, “Iagho fatutuani ghau iara. Naugna igne iara ne fakarha nigho ka nakhibo. Jifla tei kau pharikeli.”

Nonomho Te Keli Teke Risoi Mae Mak 5:29

Kate habo naꞌa ka nogna phoko mae Jisas na dadara na ghosei ne noto. Eghuteuna naꞌa ghosei ne laseni khabru teke au ka naꞌa na kela keli fapulohi.

Mae Khuru 14:9

Mae igne gnokro fanomho neu ka mae Pol. Mae Pol ne filo lao ka mana ne glanini mae igne mana fatutuani ni God te tangomana te mala fakelini na.

Luku 17:19

Aonu, gnafa teuna mae Jisas ne cheke eghu ka mana, “Kegra haghe tei nou. Iagho kela keli fapulo naugna iagho ne fatutuani ghau iara.”

Nonomho Te Keli Teke Risoi Mae Mak 10:52

Aonu, mae Jisas ne cheke eghu ka mana, “Keliu ngala, tei sagho, naugna nou fatutuani iagho na teke fakeli nigho na.” Ka vido tuana mana ghosei ne fifilo fakeli ne tei ke leghugna mae Jisas ka nabrou na.

Matiu 9:2

Keha naiknore pala ne mei ka mana kaisei mae te blughu ka sape na. Kate laseni mae Jisas nodi fatutuani mare na, mana ne cheke eghu ka mae te blughu na, “Ghema kheraguo, thosei nanga nou, iara la hata fadeleihi nakhibomure.”

Fapea Kings 5:19

Aonu mae Elisa ne cheke eghu ka mana, “Tei sagho, thosei nanga nou.” Aonu mae Naman jifla ne tei. Nu mana theome tei fakhaba ngau,

Ululahu Samuel 1:17

Aonu mae Eli ne cheke eghu ka Hana, “Iara toreni noda God tahati maeda Israel mala tusu ranghi nigho unha te toreni iagho na.”

Ululahu Samuel 20:42

Aonu mae Jonatan ne cheke eghu ka mae Devet, “Tei sagho, thosei diꞌanagnafa, naugna tapa nhaꞌa chekehi ke ulugna Lord. Mana ginauna na fiofilo ghita baludi vikedare, tahati te gnafa na mala tajini fabrahu nhaꞌa cheke igne.” Aonu mae Devet jifla ka vido igne ne tei, eghuteuna mae Jonatan figri neke pulo ka namono na.

Eklesiasti 9:7

Eghume, iagho tangomana te gleale'a fara kate ghamu fakeli nei koꞌu waen teu kate karha nga teu iagho ka nauthoglu igne. Naugna igne te thofno doglo ka tathagna God na.

Nonomho Te Keli Teke Risoi Mae Mak 3:10

Mana neke fakelidi kmana naikno te fogra. Naugna igne naikno te fogra igre ne kafe thugha mei ka mana mala haboni mana.

Nonomho Te Keli Teke Risoi Mae Mak 5:33

Naikno biꞌo na laseni te kela keli fapulo na. Eghuteuna naꞌa mei ne tuturupuku ke ulugna mae Jisas. Naꞌa mhaghu fara balu fififri. Aonu naꞌa ne toutonudi ka mana unha teke eni ka naꞌa na.

Mae Khuru 15:33

Ke leghugna te au jare Antiok keha narane, naikno khiloau re ne kubaedi ka pharikeli mae Judas ghe mae Silas. Eghuteuna phiamare neke pulo Jerusalem ka naikno teke kuru teidi re.

Mae Khuru 16:36

Aonu mae greireghi gna suga sosolo na ne cheke eghu ka mae Pol, “Mae mala fate re te chekeni na, ghopa mae Silas tangomana te jifla na. Ghopa gognaro tangomana te jifla ka pharikeli.”

Jemes 2:16

Eghuteuna kaisei mae ka ghotilo na cheke eghu ka mana, “Kubae ghema! God fablahi nigho. Tei sagho mala hiro gheu gano nei nou pohe eghu themu mala totoku branau.” Nu ghotilo theome toghoni kolho mana kaisei glepo! Ba, unha eghu ghotilo gaoghathomi na, chekemi ghotilo re ngala nate toghoni mana re? Theo!

Levitikas 14:48

“Nu jame pris tei fifilo ka suga igne, eghuteuna mana filoni thona igne neke theome ke jifla mei ke leghugna narane teke lilisei plasta majaghani na, mana mala chekeni suga tuana klino ka tathagu iara na, naugna thona tuia la gnafahi.