Nonomho Te Keli Teke Risoi Mae Mak 5:15 - Buka Blahi Ka Cheke Holo

¹⁵ Eghuteuna naiknore mei ka mae Jisas ne filoni mae ihei teke au kmana naitu tagna tifa na. Nu gognarona gaoghathogna mana na kela keli fapulo, eghuteuna mana pipichi gnokro kmu neu jare. Naiknore ne thono mhaghu fara.

Nonomho Te Keli Teke Risoi Mae Mak 5:15 ပူးပေါင်းရင်းမြစ်များ

Kolose 1:13

God neke hata fadelei ghitahi ka nogna nolaghi mae Satan, eghuteuna lisei ghita ke parigna nogna nolaghi Thugna God, mae ihei mana te namhani fara.

Fapea Timoti 1:7

Eigna Tharunga te Blahi teke tusu mei God ka tahati igne theome mala mhaghudi tahati keha naiknore, nu mala heta tahati nei mala namhadi eghu tahati, nei mala tangomana tahati te sagheleghu ghita theda.

Luku 8:27

Kate longa mae Jisas na, kaisei mae te au naitu na mei ne thafoni mana. Funu tifa te ghilei mei thokei narane igne mae tuana theo kaisei pohe ka thinigna na, nei mana jaola theome au snoto lamna suga. Nu mana au fabrahu kau gluma te mala lilisei thinidi naikno te lehere.

Nonomho Te Keli Teke Risoi Mae Mak 5:9

Aonu mae Jisas ne ghusnani mana, “Ihei nanghamu na?” Mana ne cheke eghu ka mae Jisas, “Iara nanghagu na, ‘Mae Thara’ naugna ghehati kmana fara!”

Luku 10:39

Mafa au kaisei greghagna, nanghagna na Meri. Eghuteuna Meri mei ne gnokro rhegna mae Jisas mala fanomho kate farirhiu mana na.

Ululahu Samuel 16:4

Aonu mae Samuel ne leghuni unha te chekeni Lord ka mana igne. Kate posa mana ka namono na, hatimare mae biꞌogna namono na filoni mae Samuel ne mhaghu nodi fara. Mare mei ne ghusna eghu ka mana, “Iagho mei ka pharikeli?”

Nodi Khoje Hatimare Mae Jiu 14:5

Nu ka narane tuana, naikno te diꞌa igre ginauna mhaghu nodi fara. Naugna God na au baludi naikno te leghuni mana re.

Thoutonu Eigna Mae Job 13:11

Nogna nolaghi biꞌo mana igne ghotilo ginauna fififri fara, eghuteuna ghotilo ginauna mhaghu nomi fara tagna.

Ululahu Kronikols 15:13

Tifeiro na ghotilo mae Livaet gre neke theome pala neke mei Bokis Blahi igne, naugna igne Lord neke para ghita tahati. Tahati neke theome ghusnani eigna thofno puhigna te mala palagna Bokis Blahi igne.”

Nonomho Te Keli Teke Risoi Mae Mak 5:18

Kate saghe mae Jisas ka mola na te mala tei teuna mae teke au naitu tagna tifa na mei ne cheke eghu ka mae Jisas, “Ghema, iara magnahaghei tei balumu iagho!”

Nonomho Te Keli Teke Risoi Mae Mak 5:16

Keha naikno au teu jare teke filoni unha lepo teke eni mae Jisas na. Mare ne toutonu ka keha naiknore eigna unha teke eni ka mae teke au naitu tagna tifa na, eghuteuna mare jaola toutonu eidi bosure.

Nonomho Te Keli Teke Risoi Mae Mak 5:4

Kmana fata mare fariuriu haru ghahegna nei khamegna teu mana re ka phukri, nu leuleghu fata na mana kukusu kolho phukri nei chen te au ka ghahegnare. Theo kaisei mae nheta nabagna te famuanani mana na.

Matiu 12:29

“Jateula tuana eghu theome tangomana kaisei naikno te ruma ka nogna suga mae te nheta na te blau nogna glepore. Mana na kulu haru famaku ghu mae te nheta na ame tangomana nga mana te ruma ka suga na te blau nogna famane glepore.

Matiu 4:24

Thoutonu eigna mae Jisas na ne tei tongana heva heva ka Provins Siria, eghuteuna mare hata ne mei ka mana naikno te gnafa te fogra re. Naikno igre au tadi soasopai khabru. Keha au naitu, keha snosnogho, nei keha lehe ghahedi nei khamedi teure. Tutuani, mae Jisas ne kafe fakarhadi.

Matiu 9:33

Kate brue fajifla mae Jisas naitu teke au ka mana na, mana neke funu facheke. Naiknore filoni igne ne jaglo nodi fara ne cheke eghu, “Icho idomi! Theo kaisei glepo teke filoni tahati jateula igne teku agne Israel tifa na! Igne ngala kaisei glepo ululahu te filoni tahati na!”

Ululahu Kronikols 13:12

Eghuteuna mae Devet ne mhaghuni Lord, ne cheke eghu, “Faꞌunha eghu ame tangomana nga iara te hata te mei Bokis Blahi igne te mala au balugu na?”

Matiu 26:53

Tutuani fara iagho lasenihi igne. Iara tangomana te toreni mae Mama te mala kuru mei kmana thogha engel te mala togho ghau iara na.

Nonomho Te Keli Teke Risoi Mae Mak 5:14

Naikno teke ohodi bosure ne rikha. Mare ne tei ka namono biꞌo nei ka keha namono te au falithuini namono biꞌo tuana ne toutonu eigna igne. Aonu naiknore mei ne filoni unha teke eni mae Jisas jare na.