Nonomho Te Keli Teke Risoi Mae Mak 4:6 - Buka Blahi Ka Cheke Holo

⁶ Nu kate brana naprai na sisire ne kafe brango. Sisire ne lehe naugna glathidire ne theome soru pari.

Nonomho Te Keli Teke Risoi Mae Mak 4:6 ပူးပေါင်းရင်းမြစ်များ

Jemes 1:11

Kate haghe naprai na, ginauna na brana e brana. Eghuteuna gaju tuare ginauna na brango ka nabrana gna naprai na, aonu chechenge gaju teke famane khuakhuda tuare ginauna na ghoꞌe khoko soru lehe. Na jateula tuana eghu mae ihei te dedei na. Kate loku teuna mana ginauna lehe kokodi nogna dedeire.

Thakle 7:16

Mare ginauna theome tangomana te rofo nei theome tangomana te roi koꞌu. Eghuteuna nabranagna naprai na nei nabranadi keha glepore eghu ginauna theome tangomana nate goigonidi mare na.

Letas Teke Rioriso Mae Jud 1:12

Kate ei famane gaghamu ghotilo fagaglana gna nomi namha biꞌo na eghuteuna te mei mare me ima fodu balumi ghotilo teuna, mare famamaja ghami ghotilo fara ka puhidi te diꞌare. Ka vido tuare mare ghathodi thedi kolho. Naikno tuare jateula khoveo te pala te mei nuri ia eghu kolho, nu theo kaisei nakhete te mei na. Eghuteuna mare jateula gaju te theome ure kate thoke mei nhigra dira eghu kolho. Eghume mae glokure ginauna na rathu koko naikno tuare mala koko lao ka khaꞌaghi. Mae velepuhi chaichaghi igre jateula gaju tela botohi ia eghu.

Fapea Tesalonika 2:10

Mana ginauna edi kmana nafnata muamugna te diꞌa mala chaghidi iheire mala lehe theome hatani u thofno nakarha na. Mare ginauna lehe naugna mare ne tirodi namhani nei leghuni cheke te tutuani eigna Lord, mae ihei te tangomana te fakarhidi.

Kolose 2:7

Ghotilo kaisei balugna Kraes jateula kaisei gaju ba suga te kegra maku ke kligna glose. Eghuteuna nomi fatutuani ghotilo ka mae Kraes na mala e heta fakeli, jateula mare teke farirhiu ghami ghotilo. Eghuteuna leuleghu fata na ghotilo mala cheke fakelini mana.

Efesus 3:17

Uve, iara toreni Kraes mala au mana ka nagnafamire, eigna ghotilo fatutuani ni mana. Iara jaola toreni mana eigna gobigna lepo te edi ghotilo re thofno jifla mei ka nomi namha te biꞌo ranghini God nei naikno te gnafa, mala ghotilo nei nogna naikno te gnafa God re au glalase te mala lase fakelini nogna namha Kraes te biꞌo fara nei brahu fara nei haghe fara nei mamhara fara.

Profet Jona 4:8

Eghuteuna kate haghe naprai na, God ne eni nuri te brana fara na ne ghaghafa mei ke maghati. Eghuteuna naprai na ne brana soru ka phaꞌugna mae Jona na ne glaꞌe soru mana. Aonu, mana ne cheke eghu, “Mala unha site karha teu iara gnea? Iara nabagu na mala lehe kolho!”

Profet Isaia 25:4

Lord, leuleghu fata kate thoke mei puhi biꞌo na, naikno te kuma baludi iheire te theo nodi nolaghi igre, ginauna rikha mei ka iagho mala poru. Iagho jateula vido keli mala poru eghu ka narane te thoke mei saeklon na, eghuteuna iagho jateula vido mala jemnu eghu kate brana naprai na, naugna iheire te paradi keha naikno igre, jateula nakhete biꞌo balu fila te soru mei ka nauthoglu ra eghu,

Famane Khoje 1:6

Thosei filo fapari ghau iara naugna guligu iara gne ne pipito. Guligu iara gne nhogri, naugna thabusigu iara re diꞌatadi ka iara eghume mare huhuru ghau iara mala loku ka nagare grep ke lamna naprai te brana. Naugna igne te theome tangomana iara te reireghi fakelini thinigu thegu gne!

Matiu 13:6

Nu kate brana naprai na sisire ne kafe brango ne kafe lehe, naugna glathidire ne theome soru pari.

Nonomho Te Keli Teke Risoi Mae Mak 4:5

Keha sisire ne soru ka glose te theome thuta, naugna ne au ke kligna thina biꞌo. Sisi igre ghosei ne kotu jare naugna glose na ne theome tei pari.

Nonomho Te Keli Teke Risoi Mae Mak 4:7

Keha sisire ne khoko soru ka vido aheva te au kmana glathi buburu te fachuchuru. Glathidi buburu te fachuchuru igre ne kafe gri haghe ne thafru sophore. Sophore ne theome kotu ne theo sisidi.