Nonomho Te Keli Teke Risoi Mae Mak 4:5 - Buka Blahi Ka Cheke Holo

⁵ Keha sisire ne soru ka glose te theome thuta, naugna ne au ke kligna thina biꞌo. Sisi igre ghosei ne kotu jare naugna glose na ne theome tei pari.

Nonomho Te Keli Teke Risoi Mae Mak 4:5 ပူးပေါင်းရင်းမြစ်များ

Profet Esikiel 36:26

Iara ginauna tuthughu nakarhami ghotilo te thona are mala ke majaghani fapulo. Eghuteuna iara ginauna tusu ari gaoghatho majaghani ka ghotilo, mala tarai kolho ghotilo ka iara. Iara ginauna hata fadelei gaoghatho te diꞌare te batu ghami te patu gama ghotilo are, eghuteuna iara ginauna tusu ari gaoghatho te keli ka ghotilo mala tangomana ghotilo te leghu ghau iara na.

Luku 8:13

Eghuteuna sisi te soru ka glose te saesape ka thina igne, eidi iheire te nomhini cheke na eghuteuna hata balu gleale'a. Nu ruma lamna ka gaoghathodire kolho. Mare fatutuani katha vido kmoꞌei kolho, eghuteuna kate thoke mei vido te ninhigrana igre, mare ginauna na lisa lao kolho gobigna lepore.

Luku 8:6

Eghuteuna, kehare ne soru ke kligna glose te saesape ka thina. Sisi igre ne sublo haghe, nu ghosei ne lehe, naugna glose na ne moja fara.

Profet Emos 6:12

Hose na theome tangomana te chari ke kligna phegu, eghuteuna naikno na theome tangomana te joꞌu gano lamna thongna. Nu ghotilo tughu puhi te doglo na ka puhi fameomekro, eghuteuna tughu puhi te famane na mala ke jaola ke tughu ka glepo te raha mala ke diꞌa fara salaꞌui.

Profet Esikiel 11:19

Iara ginauna nake tuthughu nakarhadi mare re mala ke naikno keli, eghuteuna tusu lao gaoghatho majaghani ka mare, mala tarai ka iara kolho. Eghuteuna iara ginauna hata koko gaoghatho te diꞌa fateote'o te patugama fara mare gre, eghuteuna tusu lao famane gaoghatho te keli ka mare, mala tangomana mare teke leghu ghau iara na.

Matiu 13:20

Eghuteuna sisi te sukha ka glose te au ke kligna thina biꞌo igre eidi iheire te nomhini cheke na, eghuteuna ghosei hata balu gleale'a.

Profet Hosia 10:12

Iara cheke ka ghotilo naiknomi Israel nei Juda mala lilisei ghotilo puhi te diꞌa te edi ghotilore. Eghuteuna ghotilo mala ke leghuni puhi te doglo na mala tarai tutuani ka iara jateula mae ihei te loku ka nagare majaghani te joꞌu gano te karha nei ure teu ra eghu. Gognarogne nomi narane ghotilo mala ke pulo mei ka iara nomi Lord nei nomi God eghuteuna mana ginauna fablahi ghami.

Nonomho Te Keli Teke Risoi Mae Mak 4:4

Kate toatofa tafri mana sisire, keha sisire ne khoko soru ka nabrou na. Nanghajire mei ne ghamu fateo sisire.

Nonomho Te Keli Teke Risoi Mae Mak 4:6

Nu kate brana naprai na sisire ne kafe brango. Sisire ne lehe naugna glathidire ne theome soru pari.