Nonomho Te Keli Teke Risoi Mae Mak 4:39 - Buka Blahi Ka Cheke Holo

³⁹ Mae Jisas kegra haghe ne cheke faheta eghu kau nuri blahi nei galo teure, “Megeu nei muana eghu!” Nuri na ne snoto, eghuteuna kholo na ne beata fara.

Nonomho Te Keli Teke Risoi Mae Mak 4:39 ပူးပေါင်းရင်းမြစ်များ

Nodi Khoje Hatimare Mae Jiu 107:29

Mana neke cheke ranghini nuri na mala snoto, nei thongna na ne muana.

Nodi Khoje Hatimare Mae Jiu 89:9

U thongna biꞌo na au nolaghi biꞌo fara, nu iagho themu ngala te batuni nei saghe leghuni teuna. Ka vido te galo biꞌo na, iagho ngala te tangomana te fabeatani na.

Nodi Khoje Hatimare Mae Jiu 65:7

Iagho ngala te tangomana te fabeatadi u nhorora te maraghata gre. Eghuteuna iagho famuanadi galo biꞌo te oa'ongha gre. Eghuteuna iagho tangomana te famuanadi iheire te fari fapholai.

Nodi Khoje Hatimare Mae Jiu 29:10

Lord na gnokro ka nogna sape nafnakno na mala funei fruni nhorora na fabrahu tifa e tifa.

Profet Jeremaea 5:22

Iara neke lilisei nusu mala fofotagna vido aheva te mala mei snoto thongna na. Neuba thongna na ne maraghata ba ne diꞌa rane, nu thongna na theome tangomana te mei salaꞌuni vido teke fofota mana igne. Naugna unha site theome mhaghu ghau iara nei theome mei bobolo teu ghotilo ke ulugu iara gnea?

Proveb 8:29

Iara neke kulu auhi neke au nga nohi te mala mei snotogna thongna gne mala thosei haghe salaꞌuni vido aheva teke chekeni mana kani neke horo famaku nauthoglu igne ka mala augna na.

Nodi Khoje Hatimare Mae Jiu 148:8

Ghotilo nakhafli, nakhete, khoveo nei nuri blahi teu te leghudi nogna cheke Lord ra, ghotilo kilo fnaknoni mana.

Thoutonu Eigna Mae Job 38:11

Iara neke cheke eghu ka khoꞌu na, ‘Iagho mei posa ka vido igne eghuteuna iagho snoto jare. Nou nolaghi iagho na tangomana te haghe posa ka vido igne eghuteuna hui.’

Eksodas 14:22

Eghuteuna mae Israel gre ne kasa kate khapra na, aonu khoꞌu na ne kegra jateula bara neu ka phei philere!

Nonomho Te Keli Teke Risoi Mae Mak 9:25

Mae Jisas ne filodi naiknore ne kafe thugha mei jare mala filoni unha te eni mae Jisas na. Aonu mae Jisas ne cheke eghu ka naitu na, “Iagho naitu te fameglini nei faꞌiho chekeni teu mae sitei igne, jifla mei ka mana. Eghuteuna, thosei ke ruma ka mana eghu!”

Eksodas 14:16

Eghuteuna atha nou khodo ana mala tusu lao ke kligna thongna, eghuteuna thongna gne ginau na fnota pea mala tei kasa mae Israel gre kate khapra fari hoteidi phei gringni khoꞌu te au ka phei philedi are.

Luku 4:39

Mae Jisas ne tei kegra rhegna sape naikno biꞌo na ne cheke faheta ka fogra na. Eghuteuna, fagrutu na ne gnafa ka naꞌa. Aonu naꞌa ghosei ne kegra haghe ne faghedi gano mare.

Profet Nahum 1:4

Kate cheke mana ka thongna na, thongna na ginauna moja. Mana jaola tangomana te cheke ranghidi khoꞌure mala moja. Nohi Besan, nei Thogele Kamel teu igre ginauna kafe moja, eghuteuna sisi te au ka Thogele Lebanon na igre ginauna kafe lehe.

Lamentations 3:31

Lord theome tangomana te thodo ghita fabrahu na.

Matiu 8:26

Ka vido tuana mae Jisas ne cheke eghu ka mare, “Thosei mhaghu, theo kaisei nafugna te mhaghu ghotilo na! Ghotilo theome biꞌo kolho nomi fatutuani na ka God.” Mana kegra haghe ne cheke eghu faheta ka nuri na, “Beata sagho!” Eghuteuna ke jaola ka galore mala sola. Ka vido tuana nhorora na ne lehe soru ne beata fara.

Nonomho Te Keli Teke Risoi Mae Mak 4:38

Nu mae Jisas ne thuru iho fara leghu ka mola na, ne thuru soru pha'u na ka kokhogu. Mae fanomhore tei ka mana ne fadofrani mana. Mare ne cheke eghu ka mana, “Mae velepuhi, naugna unha sagho te theome nanga nou gnea? Tahati gne na lehe!”

Luku 4:35

Mae Jisas ne cheke faheta eghu ka naitu na, “Megeu! Jifla mei sagho ka mana!” Naitu na ne koko soruni mana ke uludi mare, ne jifla ka mana, nu naitu na ne theome fadiꞌani mana.

Luku 8:24

Mae fanomhore mhaghu ne tei fadofrani mana, ne cheke eghu ka mana, “Mae funei, mae funei, tahati la namo lehe!” Aonu mae Jisas kegra haghe ne cheke faheta ka nuri na, nei ke jaola ka galore. Eghuteuna nuri na ghosei ne snoto, nei kholo na neke beata.