Nonomho Te Keli Teke Risoi Mae Mak 4:38 - Buka Blahi Ka Cheke Holo

³⁸ Nu mae Jisas ne thuru iho fara leghu ka mola na, ne thuru soru pha'u na ka kokhogu. Mae fanomhore tei ka mana ne fadofrani mana. Mare ne cheke eghu ka mana, “Mae velepuhi, naugna unha sagho te theome nanga nou gnea? Tahati gne na lehe!”

Nonomho Te Keli Teke Risoi Mae Mak 4:38 ပူးပေါင်းရင်းမြစ်များ

Ululahu Pita 5:7

Ghotilo lisa lao ka khamegna mana puhi biꞌo fateo te nanga nomidi ghotilo re, naugna mana tangomana te reireghi fakeli ghami ghotilo na.

Hibru 4:15

Noda mae pris biꞌo na lase ghita te nigra na. Ka teke au ka nauthoglu gne, mana neke thoke nila fariuriu ka nafnata puhi te kmana jateula tahati neku, nu mana neke theome eni kaisei najafra eghu.

Matiu 8:25

Mae fanomhore tei ka mana ne fadofrani mana, ne cheke eghu, “Lord, fakarhi ghita sagho, tahati gne na lodu knoho!”

Luku 8:24

Mae fanomhore mhaghu ne tei fadofrani mana, ne cheke eghu ka mana, “Mae funei, mae funei, tahati la namo lehe!” Aonu mae Jisas kegra haghe ne cheke faheta ka nuri na, nei ke jaola ka galore. Eghuteuna nuri na ghosei ne snoto, nei kholo na neke beata.

Profet Isaia 64:12

Lord, neuba iagho ginauna kokhoni ghami ghehati? Iagho ginauna na theome eni kaisei glepo ka ghehati? Papara te tusu mei iagho ka ghehati igne thono biꞌo fara salaꞌu ghami ghehati.

Hibru 2:17

Naugna igne, mae Jisas nabagna te karha mei naikno mala jateula tahati gnafa, mala tangomana mana te kaisei mae pris biꞌo mala loku ranghini God nei thofno leghuni chekegna mana na. Mana toghodi nei kokhonidi eghu nogna naikno God re ba tangomana te hata fadelei u nakhibodire.

Jone 4:6

Kaisei seu teke dokha mae Jekop na au ngala jare. Aonu mae Jisas lao ne gnokro soru rhegna seu tuana, naugna mana ne babaꞌo fara ka thei. Ka vido tuana jame tanhi nabotho phei fari hotei naublatha.

Profet Isaia 63:15

Lord, iagho king, iagho au ka namonomu te blahi kligna, eghuteuna siasiglamu nei nou nolaghi teu iagho na fodu ka namono igne. Nu iagho filo soru mala filo ghami. Naugna unha sagho te theome fakakhana nou nolaghi biꞌo na ka ghehati gnea? Iagho theome fakakhana nou kokhoni ghami nei namha teuna ka ghehati. Ba, iagho theome magnahaghei ghami ghehati sia?

Lamentations 3:8

Neuba iara ne eha ka mana, mana tirogna fanomho ka nogu tharai iara na.

Matiu 22:16

Mare kurudi keha nodi mae fanomho thedire, nei keha mae ka tothoghei te kiloi Herodias. Aonu mae igre mei ne cheke eghu ka mana, “Mae velepuhi, ghehati lase nigho iagho kaisei mae doglo fara. Ghehati lase nigho iagho kaisei mae te farirhiu unha te tutuani eigna puhigna God. Iagho theome mhaghudi unha te cheke eimu iagho naiknore. Naikno te kmanare kaisei nanaba ngala ka iagho.

Nonomho Te Keli Teke Risoi Mae Mak 4:37

Aonu kaisei nuri blahi ne funu mei faheta fara ka kholo na. Eghuteuna galo biꞌo re ne funu haghe ka phei philegna mola na ne namo lodu.

Nonomho Te Keli Teke Risoi Mae Mak 4:39

Mae Jisas kegra haghe ne cheke faheta eghu kau nuri blahi nei galo teure, “Megeu nei muana eghu!” Nuri na ne snoto, eghuteuna kholo na ne beata fara.