Nonomho Te Keli Teke Risoi Mae Mak 4:26 - Buka Blahi Ka Cheke Holo

²⁶ Mae Jisas neke cheke eghu, “U narane God te funei frunidi nogna naiknore jateula kaisei mae te joꞌu sisi ka nagare ia eghu.

Nonomho Te Keli Teke Risoi Mae Mak 4:26 ပူးပေါင်းရင်းမြစ်များ

Matiu 13:24

Mae Jisas ne toutonu ranghidi naiknore keha cheke naba. Mana ne cheke eghu, “Narane God te funei frunidi nogna naiknore jateula kaisei mae te joꞌu sisi te keli te kiloi wit ka nagare naia eghu.

Luku 8:11

Mae Jisas ne cheke eghu ka nogna mae fanomhore, “Gaoghathogna cheke naba igne. Sisi igne chekegna God.

Luku 8:5

“Kaisei mae tei ne joꞌu kmana sisi ka nogna nagare na. Kate toatofa mana sisire, keha sisire ne soru ka nabrou. Eghuteuna naiknore mei ka nabrou na ne tapla ke klignadi, eghuteuna nanghajire mei ne ghamu fateo.

Jemes 3:18

Mae ihei te au nogna gaoghatho te keli na mana tangomana te fadoglidi phei mae te magra farihoteidi thedi na. Eghuteuna mae igne ne doglo ke ulugna God, naugna mana ne toghodi phei mae igre mala au fakeli. Igne jateula kaisei mae te hata gano ka nagare ia eghu naugna tifeiro na mana neke joꞌu sisi.

Jone 12:24

Tutuani fara te chekeni iara ka ghotilo na. Jame kaisei sisi sopho koko soru ka glose na eghuteuna lehe, sisi tuana ginauna kotu haghe, eghuteuna ginauna ure sisi kmana. Nu jame te theome koko soru sisi tuana ka glose te lehe na, sisi tuana ginauna na kaisei fabrahu kolho.

Profet Isaia 32:20

nu nogu naikno iara re ginauna snori nodi kolho. Naugna Lord na fablahidi nodi nagare te au ka geri khoꞌu biꞌo. Nodi buluka nei nodi dongki teure ginauna au ghedi kmana gano te keli te mala ghamu na. Eghuteuna reꞌe ginauna nolo tafri kolho ka vido igne.

Eklesiasti 11:6

Iagho mala joꞌu gano ka nagare hamerane boibongi, eghuteuna keha fei grafi. Iagho theome laseni unha nafnata gloku nate keli na. Glahu te joꞌu iagho hamerane igre te au ganodi re, ba te fei grafi igre, ba phei igre kafe keli hui.

Eklesiasti 11:4

Jame te nanga nou iagho ka nuri na, iagho ginauna theome joꞌu nou nagare na. Eghuteuna jame te nanga nou iagho ka khoveo nakhete na, iagho ginauna theome hata gano ka nagare.

Proveb 11:18

Jame te eni iagho unha te diꞌa na, iagho ginauna hata taba te diꞌa. Nu te eni iagho unha te doglo na, naiknore ginauna tusu ranghi nigho glepo te keli.

Luku 13:18

Mae Jisas ne cheke eghu ka naiknore, “Nakarha God te funei frunini igne jateula unha eghu? Unha nafnata glepo te tangomana te fananaba iara tagna na?

Matiu 13:33

Mae Jisas neke toutonu ranghidi keha cheke naba na. Mana ne cheke eghu, “Nakarha God te funei frunidi nogna naiknore jateula isi te ngigno kaisei naikno biꞌo balu varadaki glimai kilo flaoa ia eghu. Isi igne na faboboni flaoa na.”

Matiu 13:31

Mae Jisas ne toutonu ranghidi keha cheke naba na. Mana ne cheke eghu, “Narane God te funei frunidi nogna naiknore jateula sisi gaju mastad ia eghu. Kaisei mae neke joꞌu sisi kau nagare na.

Matiu 13:11

Mae Jisas ne cheke eghu ka mare, “Te eni iara igne, naugna God neke tusu ari kolho ka ghotilo glalase te mala lase fakelidi thofno glepo te au poru ka nakarha God te funei frunini. Nu iara cheke ranghidi keha naiknore ka cheke naba kolho.

Matiu 13:3

Mae Jisas ne farirhiudi kmana glepo kau cheke naba. Mana ne cheke eghu ka naiknore, “Igne thoutonu gna kaisei mae te joꞌu sisi na. Kaisei fata, mana tei ne joꞌu sisire ne toatofa tafri kau nagare na.

Matiu 4:17

Funu ka narane igne mae Jisas ne funu toutonuni Nonomho te Keli na ka naiknore ne cheke eghu, “Ghotilo lilisei puhimi te diꞌare, naugna narane God te funei frunidi nogna naiknore la namo meihi.”

Matiu 3:2

Mana ne cheke eghu ka naikno te fanomho ka mana re, “Ghotilo lilisei puhimi te diꞌare, naugna narane God nate funei frunidi nogna naiknore la namo meihi!”

Nonomho Te Keli Teke Risoi Mae Mak 4:25

Mae ihei te au nogna glepo na, God ginauna nake tusu ranghini mana keha glepo. Nu mae ihei te theo nogna glepo na, neubane katha ikoi kolho te au ka mana na, God ginauna nake hata fadelei ka mana.”

Nonomho Te Keli Teke Risoi Mae Mak 4:27

Bongi, mana thuru eghuteuna hamerane teuna ke dofra haghe leuleghu fata na mana eghu koba, nu sisire funu sublo haghe ne kotu. Eghuteuna mana theome laseni ne faꞌunha ne kotu teuna.