Nonomho Te Keli Teke Risoi Mae Mak 4:16 - Buka Blahi Ka Cheke Holo

¹⁶ Keha naiknore jateula sisi te soru ka glose ke kligna thina biꞌo ra eghu. Mare nomhini cheke na, eghuteuna ghosei me hatini balu gleale'a.

Nonomho Te Keli Teke Risoi Mae Mak 4:16 ပူးပေါင်းရင်းမြစ်များ

Luku 8:13

Eghuteuna sisi te soru ka glose te saesape ka thina igne, eidi iheire te nomhini cheke na eghuteuna hata balu gleale'a. Nu ruma lamna ka gaoghathodire kolho. Mare fatutuani katha vido kmoꞌei kolho, eghuteuna kate thoke mei vido te ninhigrana igre, mare ginauna na lisa lao kolho gobigna lepore.

Nonomho Te Keli Teke Risoi Mae Mak 6:20

Mae Herod mhaghu fara te faleheni mae Jone na, naugna mana laseni mae Jone gne kaisei mae keli nei mae blahi eghu. Eghume mae Herod ne famane reireghi fakelini mae Jone. Mae Herod keli tagna te fanomho ka nogna farirhiu mae Jone re neubane fadiꞌani kau cheke te edi mana re.

Jone 5:35

Mae Jone gne jateula kaisei juta te faghano phae te mala filo fakelini u nabrou te tei ka God ia eghu. Eghuteuna katha vido ikoi ghotilo neke nomhidi chekegna mana re neke gleale'a fara.

Mae Khuru 8:13

Mae Simon thegna na jaola ne fatutuani ne apublahi. Mana ne au fanamo fara rhegna mae Filip. Kate filodi mana u kofubobhoi nei glepo te nolaghi fara teu te edi mae Filip gre, mae Simon ne thono jaglo nogna fara.

Mae Khuru 26:28

Mae King Agripa ne cheke eghu ka mae Pol, “Ba, iagho fariuriu ghau iara ka vido kmoꞌei igne mala nogna naikno mae Kraes sia?!”

Matiu 13:5

Keha sisire ne soru ka glose te theome thuta, naugna ne au ke kligna thina biꞌo. Sisi igre ghosei ne kotu jare, naugna glose na ne theome tei pari.

Nonomho Te Keli Teke Risoi Mae Mak 4:15

Keha naiknore jateula igne eghu. Keha fata farirhiu na soru ka nagnafa naikno te jateula nabrou teuna. Eghuteuna mare nomhini chekegna God na, nu mae Satan ghosei mei hata fadelei cheke teke lilisei ke lamnadi.

Nonomho Te Keli Teke Risoi Mae Mak 4:17

Eghuteuna mare theome snakreni farirhiu na mala tei au ka nagnafadire. Mare tathaji ka katha vido kmoꞌei kolho. Kate mei puhi biꞌo nei naꞌau papara naugna u cheke na teuna, mare ginauna na ghosei lisa kokoni nodi fatutuani na.