Nonomho Te Keli Teke Risoi Mae Mak 4:15 - Buka Blahi Ka Cheke Holo

¹⁵ Keha naiknore jateula igne eghu. Keha fata farirhiu na soru ka nagnafa naikno te jateula nabrou teuna. Eghuteuna mare nomhini chekegna God na, nu mae Satan ghosei mei hata fadelei cheke teke lilisei ke lamnadi.

Nonomho Te Keli Teke Risoi Mae Mak 4:15 ပူးပေါင်းရင်းမြစ်များ

Ululahu Pita 5:8

Tarabana koba nei doadofra fakeli eghu! Naugna nomi naoka ghotilo mae Satan, mana tei tafri jateula kaisei lion te rofo eghu nguru tafri hironi ihei mala roꞌeni mana.

Matiu 13:19

Sisi te soru ka nabrou na igre eidi iheire te nomhini cheke eigna God te funei frunidi nogna naiknore, nu theome laseni kolho teu igre. Eghuteuna Satan mei hata koko sisi teke joꞌu ka nagnafagnadi re.

Fapea Korin 2:11

Ka puhi igne Satan ginauna theo nogna nolaghi te mala saosagro ke klignada, naugna tahati lasedihi nogna gaoghatho mana re.

Luku 8:12

Eghuteuna sisi te soru ka nabrou na igre eidi iheire te nomhini cheke na, nu mae Satan mei hata fadelei ka nagnafadire cheke igre mala theome fatutuani, nei theome hatani eghu mare thofno nakarha na.

Nonomho Te Keli Teke Risoi Mae Mak 4:4

Kate toatofa tafri mana sisire, keha sisire ne khoko soru ka nabrou na. Nanghajire mei ne ghamu fateo sisire.

Mae Khuru 5:3

Ke leghugna igne, mae Pita ne filoni mae Ananias ne cheke eghu ka mana, “Ghema Ananias, naugna unha sagho te snakreni mae Satan te batu fadiꞌani nagnafamu na te chaghini mae Tharunga te Blahi gnea? Naugna unha sagho te tathaji teu malamu themu keha vidogna sileni gnea?

Profet Isaia 53:1

Naiknore ne cheke eghu, “Ihei gne nate fatutuanini nomi cheke ghehati na? Ihei gne nate filo glani nogna nolaghi Lord na?

Thakle 20:10

Aonu mare ginauna koko laoni mae Satan ka kholo khaꞌaghi te ngire ka thina te ngaja fara. Satan, mae ihei te chaichaghidi naiknore, ginauna au baludi bosu ghe mae profet chaichaghi. Thilomare na au jare mala papara bongi narane tifa tifa.

Thakle 20:7

Kate sala'u kaisei thogha finogha igre, mare ginauna nake snakre fajiflani mae Satan ka sosolo.

Hibru 2:1

Eghume tahati famane leghu fakelidi nogna farirhiu mae Jisas Kraes Thugna God teke nomhidi tahati ra, mala thosei jateula mola te elo tafri ka nuri ia eghu noda fatutuani na.

Fapea Tesalonika 2:9

Mae mala huhughuni vetula igne ginau mei ka nogna nolaghi mae Satan, eghuteuna mana ginauna edi kmana kofubobhoi chaichaghi, fagaglana nei glepo biꞌo mala jaglo naiknore.

Matiu 22:5

“Nu naiknore tirodi fanomho fakeli ka mae glokure. Mare sopa tei ne edi nodi glokure. Kaisei mae tei loku ka nogna nagare na, keha na tei hiro nogna sileni.

Thakle 12:9

Mare ne koko soruni pholi biꞌo na baludi nogna engel re ka nauthoglu gne. Pholi biꞌo tuana ngala mogo gna tifa te kiloni tahati mae Satan, mae funeidi naitu te gnafare. Eigna mana ne baubatudi naikno te gnafa ka nauthoglu gne ka nabrou te jafra.

Matiu 4:10

Mae Jisas ne cheke eghu ka mana, “Tei delei, ghema Satan! Naugna te chekeni teu kau grioriso te blahi na, ‘Iagho pogho soru ranghini Lord nou God, eghuteuna loku ranghini kolho mana.’ ”

Profet Sekaraea 3:1

Iara neke filoni keha mifi te fakakhana Lord ka iara na. Ka mifi igne, iara filoni pris biꞌo Josua kegra ke ulugna nogna engel Lord. Eghuteuna Satan jaola kegra jare, fei nhetagna pris biꞌo, eghuteuna Satan tarabana keha nogna gaoghatho mala cheke faparini Josua.

Jenesis 19:14

Aonu mae Lot jifla ne tei cheke eghu ka phei mae te magnahaghei tolaghi teu ka phei thugna gaꞌase mana re, “Faghose, jifla kokoni namono igne! Lord ginauna na roꞌeni namono igne.” Nu phei mae igre gaoghathodi na ne cheke fagauglahu kolho mana eghu.

Hibru 12:16

Thosei snakreni kaisei naikno te mala eni tafri puhi te diꞌa na ba mala jateu mae Iso teke theome ghathoni God tifa ia eghu. Mae Iso gne neke kulu karha mala khotodi nogna glepo mae kmagna re. Nu mana neke kafe fofoli fahui malagna kaisei vido gano kolho ka mae tahigna na.

Mae Khuru 17:32

Kate nomhini naiknore ka mae Pol eigna God teke fakarha fapuloni kaisei mae kau glehe na, keha naiknore ne maꞌe ka mae Pol. Nu keha mae ne cheke eghu, “Ghehati magnahaghe nigho iagho mala ke toutonu eigna igne thogheiro.”

Nonomho Te Keli Teke Risoi Mae Mak 4:14

Uve, mae te joꞌu sisi igne jateula kaisei mae te joꞌu chekegna God ka naiknora eghu.

Nonomho Te Keli Teke Risoi Mae Mak 4:16

Keha naiknore jateula sisi te soru ka glose ke kligna thina biꞌo ra eghu. Mare nomhini cheke na, eghuteuna ghosei me hatini balu gleale'a.