Nonomho Te Keli Teke Risoi Mae Mak 4:12 - Buka Blahi Ka Cheke Holo

¹² Kate eni iara igne, ne horoghoto ka unha teke chekeni mae profet Isaia tifa ia, “ ‘Neubane hiro ne hiro mare, nu mare ginauna theome laseni kolho. Neubane fanomho ne fanomho mare, nu mare ginauna theome nomhi fakelini kolho. Eghume mare theome koko puhi te diꞌare eghuteuna naugna igne God theome hata fadelei nakhibodire.’ ”

Nonomho Te Keli Teke Risoi Mae Mak 4:12 ပူးပေါင်းရင်းမြစ်များ

Profet Isaia 44:18

Nafnata mae igne theome laseni unha te eni na. Naugna mae igne jateula mae te dofura eghu kolho, eghuteuna gaoghathogna mana na jaola romno fara theome laseni cheke te tutuani na.

Profet Jeremaea 5:21

Ghotilo fanomho fakeli ka nogu cheke iara igne! Ghotilo iheire te fameomekro nei theome laseni kaisei glepo teura. Ghotilo iheire te filo, nu theome filo glani kaisei glepo teura. Ghotilo iheire te fanomho, nu theome nomhi fakelini kaisei glepo teura.

Diutronomi 29:4

Nu mei te posa gognarogne, Lord theome tothora gaoghathomi ghotilo re mala lasedi ghotilo glepo teke edi mana re. Mana neke theome tothora tathami ghotilo re mala filo glanidi ghotilo glepo igre, eghuteuna mana jaola neke theome tothora khulimi ghotilo re mala nomhi glanidi ghotilo glepo tuare.

Luku 8:10

Mae Jisas ne cheke eghu ka mare, “God neke tusu ari ka ghotilo kolho glalase te mala lase fakelidi thofno glepo te au poru ka nakarha God te funei frunini. Nu iara cheke ranghidi keha naiknore ka cheke naba kolho. Kate eni iara igne ne horoghoto fara ka unha teke chekeni mae profet Isaia tifa ia, “ ‘Neubane hiro mare, mare na theome tangomana te filo glanini. Eghuteuna neubane fanomho mare, mare ginauna na theome tangomana te nomhi fakelini.’ ”

Fapea Timoti 2:25

Mana theome mala diꞌatagna kate farirhiudi iheire te theome kaisei gaoghatho ka mana re. Nu mana jame thoghei taegodi ka puhi te doglo, God glahula te tangomana te toghodi naikno tuare mala tughu nagnafa nei lase fakelini u thofno farirhiu te tutuani na.

Hibru 6:6

Eghuteuna jame te figri tagru nihi mare mae Kraes na, theome tangomana hila teke atha fapulodi teke mala tughu nakarha na. Naugna mare jateula fapea tupijuruni eghu Thugna God na ke kligna gaju fafatha, nei famamajani ke uludi keha naiknore.

Profet Esikiel 12:2

“Maegna ka nauthoglu. Iagho au farihoteidi naikno te theome magnahaghei ghau iara gre. Mare au tatha, nu tirodi kolho te fifilo na. Mare au khuli, nu mare tirodi fanomho, naugna mare theome magnahaghei ghau iara.

Mae Khuru 3:19

Eghume ghotilo hogri nagnafa, mala ke figri ka God, mala hata fadeleidi mana nakhibomire.

Profet Isaia 43:8

Lord neke cheke eghui, “Ghotilo hata mei nogu naikno iara ra mala fatedi iara agne. Mare au tatha, nu mare theome filo glani kaisei glepo teke eni iara na! Mare au khuli, nu mare theome nomhini kaisei glepo teke chekeni iara na!

Profet Jeremaea 36:3

Jame te fanomho maedi Juda igre ka nogu cheke iara igre te tughu nagnafa mare eidi puhi te diꞌa te edi mare igre na, iara ginauna atha fadelei puhi biꞌo teke ghathoni iara mala thokedi mare teku igne. Eghume iara ginauna jaola hata fadelei nakhibodi mare igre.”

Nonomho Te Keli Teke Risoi Mae Mak 8:18

Ghotilo au tathami, nu ghotilo theome raꞌe filoni. Ghotilo au khulimi nu ghotilo theome raꞌe nomhini. Ghathoni ghotilo teke eni iara tifa ia, kate ke theome naba gano ia?