Nonomho Te Keli Teke Risoi Mae Mak 3:7 - Buka Blahi Ka Cheke Holo

^7-8 Aonu, mae Jisas jifla baludi nogna mae fanomhore ne tei ka Kholo Galili. Eghuteuna kmana naikno ne tei balugna mana. Naikno igre neke mei funudi Galili, Judia, Jerusalem, Idumia nei ka namono te au ka keha phile Kho'u Jordan, nei funudi ka nohi Taea nei Saedon. Naikno igre mei ka mae Jisas naugna mare nomhidihi thoutonu eidi gobigna lepo teke edi mana re.

Nonomho Te Keli Teke Risoi Mae Mak 3:7 ပူးပေါင်းရင်းမြစ်များ

Luku 6:17

Mae Jisas neke soru baludi nogna mae khurure funu ka thogele na. Mana soru ne kegra ka sare na baludi mae fanomho te kmanare. Eghuteuna kmana naikno ne mei funudi ka namono te iko tongana Judia, Jerusalem, nei ka namono te au ke tongna rhedi phei namono biꞌo Taea ghe Sidon.

Matiu 4:25

Kmana naikno mei funudi ka Provins Galili, nohi Dikapolis, ka namono biꞌo Jerusalem, ka Provins Judia nei ka keha phile Kho'u Jordan ne tei leghuni mae Jisas.

Matiu 12:15

Kate laseni mae Jisas te magnahaghei faleheni mare na, mana ne jifla kokoni vido tuana. Eghuteuna kmana naikno ne tei balugna mana, nu mana kafe fakelidi ne hui naikno te fogra re.

Luku 23:5

Naiknore ne cheke faheta fara ka mae Paelat, “Nu mae igne edi kmana puhi biꞌo ka nogna farirhiu te edi mana heva heva agne Judia ke lamnadi naiknore. Fufunu ka Provins Galili ghilei thoke agne Jerusalem.”

Luku 6:12

Kaisei narane ke leghugna igne, mae Jisas ne haghe ka kaisei thogele ne tarai fabrahu ka God. Mana au jare fabrahu bongi tuana.

Nonomho Te Keli Teke Risoi Mae Mak 1:39

Aonu, mae Jisas tei tongana Galili ne farirhiu ka nodi suga tharai mae Jiu ne brue fajifladi naitu te au ka naiknore.

Matiu 10:23

Kate para ghami naiknogna kaisei namono na, rikha tei ka keha namono na. Tutuani fara te chekeni iara ka ghotilo na, ame gnafa nga ghotilo nomi gloku na ka namono te kmana Israel igre teuna, iara mae teke mei funu ka God na nake pulo mei.

Josua 21:32

Eghuteuna ke lamnagna nogna vido Naftali, mare khotodi thilo namono baludi glose te au faligoho ka mala lilisei buluka, nei sipu nei nanigot. Nanghadi thilo namono igre: Hamot-Doa, nei Katan, nei Kedes jare Galili. Kedes gne kaisei ka namono te mala poru igre.

Josua 20:7

Aonu naiknodi Israel igre ne vahidi thilo namono mala poru ke mosu Khoꞌu biꞌo Jordan. Nanghadi re Kedes jare Galili te au ka thogele ka nogna rijon Naftali, nei Sekem te au ka thogele ka nogna rijon Efrem, eghuteuna Hebron te au ka thogele ka nohi Juda.

Mae Khuru 17:14

Aonu naikno khiloau re ghosei ne kuru teini mae Pol na tongna. Nu mae Silas ghe mae Timoti au neu Berea.

Mae Khuru 17:10

Naikno khiloau Tesalonika re ghosei ne kuru teidi mae Pol ghe mae Silas Berea ka bongi tuana. Kate thoke jare na, mae Pol ghe mae Silas gre ne tei ka nodi suga tharai mae Jiure.

Jone 7:52

Hatimare ne cheke eghu ka mae Nikodimas, “Ba, iagho mae funumu Galili la sia? Hiro fakelidi sagho grioriso te blahi igre, iagho ginauna theome filoni kaisei mae profet te mei funu Galili na.”

Jone 7:41

Aonu, keha naiknore ne cheke eghu, “Mae igne ngala mae Kraes na.” Nu keha naiknore ne cheke eghu, “Theo, mae Kraes na theome mala mei funugna ka Provins Galili.

Matiu 12:16

Aonu mae Jisas ne cheke faheta ka naiknore mala thosei toutonu eigna mana.

Nonomho Te Keli Teke Risoi Mae Mak 1:45

Nu mae igne tei ne toutonu tafri eigna thoutonu igne ka naikno te kmanare. Naugna igne mae Jisas ne theome tei tafri ka keha namonore. Mana tei ne au ka vido aheva te theome tangomana kaisei naikno te au tagna na. Neuba, naiknore mei ka mana funudi heva heva ka namono te kmanare.

Nonomho Te Keli Teke Risoi Mae Mak 3:20

Mae Jisas neke pulo mei ka nogna suga na. Ka vido tuana kmana naikno fara ne khapru mei ka mana. Aonu mae Jisas baludi nogna mae fanomhore ne theo kaisei vido narane te snagla te mala ima na.

Nonomho Te Keli Teke Risoi Mae Mak 4:1

Keha fata na mae Jisas ne farirhiudi naiknore ka geri Kholo Galili. Kau narane tuana kmana naikno mei ne khapru faligohoni mana. Aonu mana saghe ka mola sobo teu ka kholo na. Eghuteuna naiknore kegra neu mata ka gratha na.