Nonomho Te Keli Teke Risoi Mae Mak 3:35 - Buka Blahi Ka Cheke Holo

³⁵ Ihei te eni unha te magnahagheni God na ngala te thofno thabusigu nei greghagu nei idogu teu iara na.”

Nonomho Te Keli Teke Risoi Mae Mak 3:35 ပူးပေါင်းရင်းမြစ်များ

Ululahu Jone 2:17

Nauthoglu igne na ginauna hui. Eghuteuna gobigna lepo te magnahaghedi naikno ka nauthoglu igne na hui. Nu ihei te eni unha te magnahagheni God na karha tifa tifa.

Matiu 7:21

“Naikno te cheke eghu, ‘Lord, Lord,’ teu ka iara igre ginauna na theome kafe naikno te funei frunidi God re. Nu naikno nate funei frunidi God igre ngala nate edi unha te magnahaghedi mae Kmagu iara te au kligna na.

Jone 7:17

Mae ihei te magnahaghei leghuni unha glepo te magnahaghedi God re, mae tuana ginauna lasedi unha te chekedi iara igre neke mei funudi ka God teuna. Mana ginauna laseni u farirhiu igre theome nogu iara thegu.

Jemes 1:25

Nu naikno te thofno gleale'a na ngala mae ihei te famane fifilo fakeli nei leghuni koba teu chekegna God na. Eghuteuna chekegna God te thofno keli tuana ngala tangomana te hata fadelei nakhibo na te mala snagla naiknore. Uve, mana fanomho fakeli nu mana theome ghatho ihodi unha te nomhidi mana re. Mae igne ngala te thofno gleale'a na.

Efesus 6:6

Theome keli te leghudi ghotilo mare kate filo teu kolho mare na, tuana puhi mala famaemahedi kolho mare. Nu te keli na ghotilo thofno leghudi mare ka gaoghathomi fateo mala eni unha te magnahagheni God na, naugna ghotilo thofno nogna mae sneka Kraes.

Hibru 10:36

Kegra famaku mala tangomana ghotilo te eni unha te magnahagheni God na. Eghuteuna kate eni ghotilo unha te magnahagheni mana na, ghotilo ginauna na hata unha teke nhaꞌa chekeni mana na.

Ululahu Pita 4:2

Eghume kani au teu ghotilo ka nauthoglu igne, ghotilo thosei leghudi glepo te diꞌa te magnahagheni fara thini na. Blahi. Ghotilo leghuni kolho unha te magnahagheni God na.