Nonomho Te Keli Teke Risoi Mae Mak 3:29 - Buka Blahi Ka Cheke Holo

²⁹ Nu ihei te cheke faparini mae Tharunga te Blahi na, God ginauna na theome hata fadelei nakhibogna mana re, nu nakhibo tuare na au fabrahu ka mana tifa tifa.”

Nonomho Te Keli Teke Risoi Mae Mak 3:29 ပူးပေါင်းရင်းမြစ်များ

Luku 12:10

Eghuteuna ihei te cheke fapari ghau iara mae teke mei funu ka God, God tangomana te hata fadeleidi nakhibogna mana re. Nu ihei te cheke fadiꞌani nogna gloku Tharunga te Blahi na, God ginauna theome hata fadeleidi nakhibogna mana re.

Fapea Tesalonika 1:9

God ginauna paradi fabrahu naikno tuare. Mana ginauna theome snakredi iheire te theome laseni God nei iheire te theome magnahagheni thofno karha te mala au balugna Lord, nei lisei fadeleidi ka nogna nolaghi te biꞌo.

Letas Teke Rioriso Mae Jud 1:13

Nafnata naikno igre tahati filodi koba puhidi te diꞌare. Naikno tuare jateula galo te pulei mei kmana chara ka glilihi ia eghu, ba jateula nathunu te tei kokodi vido mala audira eghu kolho. God la kulu tarabanahi namono te romno fara na mala audire, mare naꞌau papara fabrahu jare tifa tifa.

Nonomho Te Keli Teke Risoi Mae Mak 12:40

Nu mare fakokhoanadi nei blaudi eghu koba nodi gobigna lepo goro naikno biꞌo te lehe khetodire. Eghuteuna mare tarai brahu koba mala ne mae blahi eghudi naiknore kolho. Filo si ghotilo, God ginauna paradi fara mae tuare!”

Matiu 25:46

“Naikno igre ginauna tei au ka vido mala au papara na bongi narane. Eghuteuna, naikno te doglo ke ulugna God igre ginauna au ka nakarha te theo ka huigna.”

Letas Teke Rioriso Mae Jud 1:7

Ghotilo jaola ke ghatho fapulodi phei namono biꞌo Sodom ghe Gomora nei keha namono te au faligohodi phei namono biꞌo tuare. Naiknodi namono igre neke jafra jateula engel te jafra teke theome leghuni God igre neku. Naugna namono igre fodu ka gnognoro, eghuteuna mae nalha'udire neke gnognoro fari thedi. Aonu mare neke au papara ka khaꞌaghi te theo ka glehegna na. Eghume mae igre kaisei fagaglana mala filoni tahati hui.

Matiu 9:3

Keha mae ka hatimare mae velepuhigna vetula nogna mae Moses igre, mare ne cheke eghu fari thedi, “Tore, mae igne te chekeni na ne God thegna eghu! Cheke tuana cheke faparini God!”

Nonomho Te Keli Teke Risoi Mae Mak 3:30

Mae Jisas ne chekeni igne, naugna keha mae velepuhigna vetula nogna mae Moses gre neke cheke eghu, “Kaisei naitu au ka mana.”