Nonomho Te Keli Teke Risoi Mae Mak 3:21 - Buka Blahi Ka Cheke Holo

²¹ Kate nomhini thoutonu igne, keha thabusigna mae Jisas re ne mei mala tathaleini mana, naugna keha naiknore ne cheke eghu, “Mae Jisas na la ghilei noli tutuani.”

Nonomho Te Keli Teke Risoi Mae Mak 3:21 ပူးပေါင်းရင်းမြစ်များ

Mae Khuru 26:24

Kate chekedi teu mae Pol glepo igre te mala tafragna thegna na, mae Festas ne fnaja fabiꞌo, “Ghema Pol, iagho la meomekro! Iagho hiohiro fabrahu ka buka la ghilei meomekro hila!”

Jone 10:20

Kmana naikno ka mare ne cheke eghu, “Mae igne au kaisei naitu ke lamnagna la fanolini pha'ugna mana na! Ghotilo thosei lao fanomho ka mana!”

Nonomho Te Keli Teke Risoi Mae Mak 3:31

Aonu, idogna nei tahigna teu mae Jisas gre ne posa mei. Mare kegra kosi ne kurudi keha naikno ne tei lamna suga mala fachekeni mana jifla mei kosi.

Fapea Korin 5:13

Keha naiknore te chekeni na ghehati noli. Jame te eghu na, naugna ghehati ne loku heta malagna God. Nu tutuani gaoghatho te keli na au ka ghehati eghuteuna gaoghatho tuana mala togho ghami ghotilo.

Fapea Kings 9:11

Kate pulo mei mae Jehu ka keha mae komanda igre, mare ne ghusna eghu ka mana, “Ba, gobigna lepore keliu kolho? Unha eghu te chekeni mae te fameomekro ia ka iagho na?” Aonu mana ne cheke eghu, “Ghotilo lasedi nogna nafnata cheke mae igne ra.”

Profet Hosia 9:7

Ghotilo maemi Israel ra fanomho fakeli, naugna narane teke lilisei God te mala para ghami ghotilo na la namohi. Eghuteuna nafnata puhi te para ghami God igne thofno doglo fara, eghuteuna unha najafra teke eni ghotilo na ginauna thono biꞌo fara. Eghuteuna ghotilo jateula te tiromi ghatho tahuni eghu mana. Iara lase ghami ghotilo cheke eghu ka iara, “Mae profet igne au tagna tharunga gna God, nu mana kaisei mae fagoigoli kolho eghu.” Ghotilo naikno igre tiromi ghau iara, naugna nakhibomi ghotilore biꞌo fara.

Profet Jeremaea 29:26

‘Sefanaea, Lord na vahi nigho iagho mala tughuni mae Jehoeada mala mae pris ulu ka nogna Sugablahi Lord. Iagho tangomana te lokini kaisei mae fameomekro te loku jateula kaisei mae profet teu ana. Iagho loki khame gna nei ghahe gna teu manare fari hotei thaba, aonu fabaꞌo lao kaisei chen aean ka grara gna mana na.