Nonomho Te Keli Teke Risoi Mae Mak 2:5 - Buka Blahi Ka Cheke Holo

⁵ Kate filo glanini mae Jisas nodi fatutuani biꞌo mare na, mana ne cheke eghu ka mae te blughu na, “Ghema kheraguo, iara la hata fadeleihi nakhibomu iagho re.”

Nonomho Te Keli Teke Risoi Mae Mak 2:5 ပူးပေါင်းရင်းမြစ်များ

Matiu 9:2

Keha naiknore pala ne mei ka mana kaisei mae te blughu ka sape na. Kate laseni mae Jisas nodi fatutuani mare na, mana ne cheke eghu ka mae te blughu na, “Ghema kheraguo, thosei nanga nou, iara la hata fadeleihi nakhibomure.”

Jemes 5:15

Te tarai ghotilo balu fatutuani na God ginauna na fakelini naikno te fogra tuana nei mana hata fadelei nakhibo jame teke edi mana re.

Matiu 9:22

Nu mae Jisas figri lao ne cheke eghu ka naꞌa, “Naikno biꞌo, thosei nanga nou! Iagho kela keli fapulo naugna iagho ne fatutuani.” Funu ka vido narane tuana naꞌa ghosei neke keli fapulo nogna.

Efesus 2:8

Ka narane teke fatutuani ghotilo na, God neke fakarhi ghami. Ghotilo theome tangomana te fahaehaghe ghami themi neke hatini thofno nakarha na naugna gloku teke edi themire teuna. Theo. Ghotilo neke hatini thofno nakarha igne ka nogna khokofakasai God.

Mae Khuru 5:31

Eghuteuna God neke hata hagheni mana mala gnokro fei nhetagna kau sape nafnakno mala funei fruni ghita nei mala fakarhi ghita. Mana neke eni igne mala tangomana naikno Israel gre te tughu nagnafa nei nakarha nei koko nakhibo.

Jone 5:14

Kaisei fata ke leghugna igne, mae Jisas neke filoni mae igne ka Sugablahi na. Mae Jisas ne cheke eghu ka mana, “Filo sagho, iagho gognaro na kela kelihi. Eghume iagho gognaro na thosei ke eni kaisei glepo te diꞌa, na eghunu ke thoke nigho iagho kaisei glepo ke diꞌagna ignei eghu.”

Luku 5:20

Mae Jisas filoni nodi fatutuani mare na, ne cheke eghu ka mae te blughu na, “Ghema kheraguo, nakhibomu iagho re la hata fadeleihi iara.”

Kolose 3:13

Eghuteuna kate au nogna puhi fadiadiꞌa kaisei naikno ka ghotilo ranghini kheragna fofodu na, te keli na phiamare thosei magra, nu hata koko nakhibo fari thedi. Naugna Lord neke hata kokodi nakhibomi ghotilo re, jateula tuana eghu ghotilo mala hata koko nakhibo fari themi.

Fapea Korin 2:10

Ihei te hata fadeleidi ghotilo nakhibognare, iara jaola hata fadeleidi nakhibo tuare ka mana, eghu te edi mana unha te naba iara te hata fadeleidi ka mana re. Iara hata fadeleidi nakhibogna mana re ke ulugna Kraes, naugna iara magnahagheni te togho ghami ghotilo.

Ululahu Korin 11:30

Naugna igne, kmana ka ghotilo nigra nei fogra nei kehare la lehehi.

Mae Khuru 14:9

Mae igne gnokro fanomho neu ka mae Pol. Mae Pol ne filo lao ka mana ne glanini mae igne mana fatutuani ni God te tangomana te mala fakelini na.

Mae Khuru 11:23

Mae Banabas gne kaisei mae keli nei Tharunga te Blahi na au balugna mana, eghuteuna mana ne biꞌo nogna fatutuani na. Kate posa mana ka namono na, mana ne gleale'a fara, naugna mana laseni God na la kulu fablahidihi naiknore. Mana ne cheke faheta ka naikno khiloaudi Antiok re mala thofno leghuni noda Lord. Eghuteuna ka narane tuana kmana naikno ne funu fatutuani ni Lord.

Jone 2:25

Neubane theo kaisei naikno te cheke fajiflani kaisei glepo ka mana eidi naiknore, mana kulu lasedihi unha te au ka gaoghathodi naiknore.

Luku 8:48

Mae Jisas ne cheke eghu ka naꞌa, “Naikno biꞌo, iagho kela keli fapulo naugna iagho ne fatutuani. Iagho tangomana te tei na, eghuteuna thosei nanga nou eghu.”

Nonomho Te Keli Teke Risoi Mae Mak 5:34

Mae Jisas ne cheke eghu ka naꞌa, “Naikno biꞌo, iagho kela keli fapulo naugna iagho ne fatutuani. Iagho tangomana te tei na, eghuteuna thosei nanga nou naugna iagho ginauna nake theome au papara.”

Profet Isaia 53:11

Ke leghugna te au papara na, mana ginauna nake gleale'au, naugna mana laseni la mana theome fiti au papara kolho. Puhigna nogu mae gloku iara igne thofno doglo fara, mana ginauna toghodi kmana naikno mala jaola doglo, eghuteuna mana au papara eidi nakhibodi naiknore.

Profet Isaia 38:17

Iara nabagu te au papara na, mala filo glani iara nou namha biꞌo iagho, te fakarhi ghau iara ka hoholo biꞌo igne. Eghuteuna iagho la hata kokohi nakhibogu iara re, la koko faleghuhi ke leghumu, la ghatho iho noudihi.

Nodi Khoje Hatimare Mae Jiu 103:3

Mana hata kokodi nakhibogu iara re, eghuteuna fagaota fapulodi khabrugu iara re.

Jenesis 22:12

Engel na ne cheke eghu, “Thosei faleheni mae thumu na, ba eni kaisei glepo ka mana. Iagho kaisei mae thumu kolho, eghuteuna iagho neke theome lhotini mae thumu na ka God. Thono theo fara. Iagho neke tarabana neke snakreni ka God. Eghume gognaro na iara lase nigho iagho kaisei mae te ghatho branani God.”

Matiu 9:5

Thono bligi fara te cheke eghu na, ‘Thuguo, iara la hata fadeleihi nakhibomu iagho re teuna’, naugna theo kaisei naikno tangomana te filoni te au nolaghi iara te mala eni gloku igne. Nu ninhigrana fara te cheke eghu na, ‘Kegra haghe, hata nou sape na tei teuna,’ naugna naikno na tangomana te filoni jame te au nolaghi iara te mala eni tuana.

Nonomho Te Keli Teke Risoi Mae Mak 2:6

Aonu ka vido tuana keha mae velepuhigna vetula nogna mae Moses te kegra la teu jare ne ghaoghatho eghu ka nagnafadi thedire,