Nonomho Te Keli Teke Risoi Mae Mak 2:27 - Buka Blahi Ka Cheke Holo

²⁷ Aonu, mae Jisas ne cheke eghu ka mae Farasi igre, “Narane Sabat gne, God neke eni mala toghodi naiknore. Nu mana neke theome eni narane Sabat na mala funei frunidi naiknore.

Nonomho Te Keli Teke Risoi Mae Mak 2:27 ပူးပေါင်းရင်းမြစ်များ

Kolose 2:16

Eghume, thosei snakreni kaisei naikno mala lilisei kaisei vetula ranghi ghami eidi gano nei khoꞌu ba narane Sabat ba gaghamu eigna glaba majaghani ba keha narane tuthuana teu are.

Luku 6:9

Mae Jisas ne ghusna eghu ka hatimare mae Farasi nei mae velepuhigna vetula nogna mae Moses, “Ba, unha gne te snakreni ka vetula na te mala eni tahati kau narane Sabat na? Snakre ghita tahati mala toghoni naikno, ba mala fadiꞌani naikno? Mala fakarhani naikno ba lisa laoni mala lehe naikno na?”

Diutronomi 5:14

Nu ka fafitu narane na, narane Sabat, narane mala cheke fakelini Lord, nomi God. Ka narane igne, ghotilo ginauna thosei loku tagna. Ghotilo, nei thumire, nei nomi mae gloku, nei gaꞌase gloku, nei nomi buluka nei dongki, nei nomi sipu, nei naikno phosa te au balumi. Ghotilo te gnafa na thosei loku ka narane igne. Ka puhi igne nomi naikno gloku ghotilo re jaola tangomana te gnafa jateula ghotilo eghu.

Profet Esikiel 20:12

Uve, iara jaola neke cheke ranghidi mala ghatho tahuni mare nogu narane Sabat na mala gnafa mare tagna, mare tangomana te leghuni, nei laseni eghu teke eni iara nhaꞌa cheke igne baludi mare. Eghuteuna mare mala jaola laseni te iara Lord, iara neke fablahidi mala nogu naikno blahi iara.

Profet Isaia 58:13

Lord ne cheke eghu, “Ghotilo thosei huhughuni vetula eigna narane Sabat. Eghuteuna ghotilo thosei eni kaisei glepo leghuni unha te ghathoni themi ka narane igne. Nu ghotilo ghatho ghau iara fabrahu leuleghu narane. Ghotilo glealeꞌa mala ghatho tahu ghau iara ka narane blahi igne. Eghume, ghotilo thosei tei fakhaba ka narane igne. Eghuteuna ghotilo thosei eni kaisei gloku ka narane igne. Eghuteuna ghotilo thosei toutonu faparini ihei ka narane igne. Iara ginauna fablahi ghami ghotilo.

Profet Esikiel 20:20

Ghotilo mala ghatho tahuni nogu narane Sabat iara igne. Narane igne mala ke ghatho fapuloni nhaꞌa cheke teke eni iara balumi ghotilo ia. Ghotilo mala gnafa ka narane igne, eghuteuna ghotilo ginauna laseni, iara ngala nomi Lord God ghotilo na.”

Eksodas 23:12

“Ke lamnagna kaisei wik na ghotilo mala loku namno narane kolho, nu ka fafitu narane na ghotilo gnafa ka gloku na. Eghume nomi buluka, dongki, mae gloku, gaꞌase gloku nei naiknodi delei eghu te mei au balumi ghotilo are eghu mala jaola gnafa fakeli ka nodi gloku re.

Jone 7:23

Te mala leghuni nogna vetula mae Moses na ghotilo tohi fagaglana sua nalhaꞌu na ka fahanagna narane na. Te khale kau narane Sabat fahanagna u narane na ghotilo ginauna eni tohi fagaglana na kau narane tuana. Naugna unha site diꞌatami ghotilo ka iara kate fakelini iara thinigna thongana kaisei mae kau narane Sabat gnea?

Fapea Korin 4:15

Gobigna lepo igre mala togho ghami ghotilo. Eghuteuna jateula igne teu te jifla te tei nogna khokofakasai God na ka naikno te kmanare, naiknore ginauna cheke fakelini God mala fodu salaꞌui nafnaknogna God na.

Diutronomi 5:12

Ghotilo tajini narane Sabat blahi, leghuni unha teke chekeni iara ka ghotilo tifa ia.

Nonomho Te Keli Teke Risoi Mae Mak 2:28

Eghume iara mae teke mei funu ka God gne ngala mae funei gna narane Sabat na.”