Nonomho Te Keli Teke Risoi Mae Mak 2:22 - Buka Blahi Ka Cheke Holo

²² Eghuteuna igne keha glepo na eghu, tahati theome tangomana te totoho waen majaghani na kau duku tiatifa teke hohoro kau guli buluka te mala tathaji na. Naugna kate raha waen majaghani na duku tiatifa te mala totoho waen tuana ginauna popoto nei breku, eghuteuna waen balugna duku na repa ginauna na kafe diꞌa. Eghume tahati totoho koba waen majaghani na kau duku majaghani.”

Nonomho Te Keli Teke Risoi Mae Mak 2:22 ပူးပေါင်းရင်းမြစ်များ

Matiu 9:17

Nu theome naba langau naikno na te totoho waen majaghani ka duku tiatifa teke horo kau guli buluka na. Naugna lao te raha waen na, guli tuana ginauna poha. Nu waen na ginauna thofa, eghuteuna guli te mala totoho waen na ginauna breku diꞌa. Nu te keli na, mana jame totoho waen majaghani na ka guli te majaghani na, mala phia glepo igre kafe au fakeli.”

Nodi Khoje Hatimare Mae Jiu 119:83

Neubane diꞌa fara ngau iara nakarhagu na, iara theome ghatho ihoni kolho nou vetula iagho na.

Nodi Khoje Hatimare Mae Jiu 119:80

Jame te keli na iara leghuni fara nou vetula iagho na mala theome tangomana iara te mamaja na.

Josua 9:13

Guli sipu te mala totoho waen igre neke majaghani neku, nu gognarona la brekuhi. Eghuteuna nomi sadol nei nomi pohe teu igre la jaola la thono diꞌa fara.”

Josua 9:4

mare ne ghaoghaho mala chaghini mana mala fakarhadi thedi. Aonu keha ka mare hata baeg tiatifa tela brekuhi, eghuteuna mare atha bret te khapra nei diꞌahi teu igre ne hohono ka baeg. Mare jaola ne hata keha botol teke horo ka guli sipu tela brekuhi, nu mare ne susuki ne fafodu ka waen. Mare ne lilisei gobigna lepo igre ka nodi dongkire. Eghuteuna mare ne pipichi ka pohe te breku nei jaola fahaghe sadol tiatifa.

Thoutonu Eigna Mae Job 32:19

Iara namo poha ka cheke gognarona, jateula waen majaghani te totoho ka guli nanigot te popoto te poha ra eghu.

Nonomho Te Keli Teke Risoi Mae Mak 2:21

“Theome tangomana tahati te hata nabreku pohe majaghani na te susuki fodu ka pohe tiatifa tela korahi na. Te eghu tahati na, kate titihi na, nabreku pohe majaghani tuana ginauna rerheku ngala keha pohe tiatifa tuana. Eghuteuna khora tuana ginauna na biꞌo uluni tifa na.

Nonomho Te Keli Teke Risoi Mae Mak 2:23

Kaisei narane Sabat mae Jisas ne tei sala'u kau nagare wit. Eghuteuna nogna mae fanomho mana re ne funu ukli keha wit.