Nonomho Te Keli Teke Risoi Mae Mak 2:20 - Buka Blahi Ka Cheke Holo

²⁰ Nu narane te mala tei kokodi mae te tolaghi na mae kheragnare ginauna na mei. Aonu ame tangomana nga mare te dangna eghu. Jateula tuana eghu kate au teu iara agne baludi nogu mae fanomhore, mare ginauna na theome dangna eghu.

Nonomho Te Keli Teke Risoi Mae Mak 2:20 ပူးပေါင်းရင်းမြစ်များ

Luku 17:22

Mae Jisas ne cheke eghu ka nogna mae fanomhore, “Ghotilo ginauna na magnahaghei fara te filo ghau iara mae teke mei funu ka God, nu narane mala pulo meigu iara na theome ghosei mei.

Thakle 21:9

Aonu kaisei engel ne mei ka iara. Igne kaisei mae ka fitu engel teke hata fitu dis te fodu ka fitu papara leghu lahu ra. Mana ne cheke eghu ka iara, “Mei sagho mala falalase nigho iara gaꞌase khetogna Lam na.”

Thakle 19:7

Tahati keli tada nei gleale'a fara eghu, nei tahati pala hagheni nanghagna na. Naugna narane mala gaghamu tholaghi gna Lam na, nei khupi na la tarabanahi mare te mala tolaghi na.

Fapea Korin 11:27

Iara theome thuru ka gloku biꞌo nei nakmusa. Eghuteuna kmana fata iara rofo nei roi koꞌu. Kmana fata iara dangna nei reka nei theo pohe.

Fapea Korin 11:2

Uve, iara reireghi ghami ghotilo fara jateula God jaola te reireghi ghami ghotilo, naugna iara la nhaꞌa chekehi te mala snakre lao ghami ghotilo ka Kraes na. Ghotilo mala jateula khupi eghu ka narane tholaghi na, eghuteuna Kraes ngala khetomi ghotilo na.

Ululahu Korin 7:5

Nu repa jame kaisei nodi gaoghatho mala thosei thuru fodu katha vido, mala tangomana repa te snagla te mala tharai na. Nu ke leghu na repa ginauna funu thuru fodu nodi. Nu kaisei ka repa thosei thodo te snakreni thinigna na ka keha ikno na mala thuru balugna eghu. Te theo na mae Satan tangomana te fariuriuni kaisei ka repa te theome tangomana te nheta na.

Mae Khuru 14:23

Mae Pol ghe mae Banabas ne vavahi keha mae te fatutuani ni Lord te mala mae baubatu ka soasopaigna khiloau. Eghuteuna snakre laodi ka Lord ka dangna nei tharai.

Mae Khuru 3:21

Nu mae Jisas na mala au kligna ghilei thokeni narane God ginauna na teke edi teke famajaghanidi gobigna lepore. Naugna God neke kulu chekeni igne tifa ka nogna mae profet te blahire.

Mae Khuru 1:9

Ke leghugna te gnafa facheke mana igne, God ne hata hagheni mana kligna kate filo teu mare na. Aonu kaisei khoveo mei ne toku tafruni mana kau tathadi hatimare nogna mae khurure.

Jone 17:13

“Mama, iara theome raugha na ari ka iagho. Iara chekedi glepo igre ka iagho kani au nga iara kau nauthoglu igne, mala thofno gleale'a mare jateula te gleale'a fara iara gne eghu.

Jone 17:11

Iara theome raugha na ari ka iagho. Iara ginauna theome au ka nauthoglu igne, nu mae igre nga nate au teu ka nauthoglu igne. Mama te blahi, taji fakelidi ka nolaghi gna nanghamu, nangha teke famei iagho ka iara, mala kaisei mare jateula tapa te kaisei gne eghu.

Jone 16:28

Uve, iara neke mei funu ka mae Mama kau nauthoglu igne. Eghuteuna gognarona iara nake jifla kokoni nauthoglu igne mala ke pulo ka mae Mama.”

Jone 16:7

Nu tutuani fara te chekeni iara ka ghotilo na. Te mala kelimi ghotilo na iara ginauna tei koko ghami ghotilo, naugna jame te theome tei iara na, mae mala totogho, mae Tharunga te Blahi na theome mei ka ghotilo. Nu jame te tei iara na, iara ginauna kuru meini mana ka ghotilo.

Jone 13:33

“Uve, thuguro, iara ginauna theome au faraugha balumi ghotilo. Iara na jifla tei koko ghami ghotilo. Ghotilo ginauna hari ghau iara, nu ghotilo na theome filo ghau iara. Jateula teke chekeni iara tifei ka goro mae biꞌodi mae Jiura eghu, eghuteuna te chekeni iara gognarona, aheva te tei iara na ghotilo ginauna theome tangomana te mei na.

Jone 3:29

Ghathoi si ghotilo, mae te tolaghi na ngala te khotogna gaꞌase na. Eghuteuna iara gne jateula kheragna mae te tolaghi ia eghu mei ofo balu fanomho ka mana. Eghume kate mei mana te mala hata khetogna na iara gognaro thofno gleale'a fara te nomhi naoglagna mana na.

Matiu 26:31

Mae Jisas ne cheke eghu ka nogna mae fanomhore. “Ginau bongi na ghotilo na kafe tei koko ghau iara eigna unha nate eni mare ka iara na. Igne unha teke chekeni God ka grioriso te blahi na: “ ‘Iara ginauna faleheni mae greireghi sipu na, eghuteuna tothoghei sipu igne ginauna kafe rikiraka tafri.’

Profet Sekaraea 13:7

Lord mae ihei te au nolaghi fateote'o igne, mana ne cheke eghu, “Nogu naflahi mala magra iara! Iagho tarabana mala magra ka kheragu iara mae ihei te reireghi nogu sipu iara gre. Iagho faleheni mana, eghuteuna sipu igre ginauna tei tafri. Iara ginauna jaola magra ka nogu sipu ikodi iara gre.

Profet Isaia 62:5

Ghotilo ginauna atha nomi glose igne, jateula kaisei mae nalhaꞌu majaghani te atha kaisei gaꞌase majaghani te mala khetogna teura eghu. God ginauna na jateula tuana eghu na thofno kelitagna fara ka ghotilo.

Profet Isaia 54:5

Naugna iara jateula mae tholaghi eghu ka ghotilo, naugna iara neke vuavuha ghami ghotilo. Nanghagu iara na Lord, mae ihei te au nolaghi fateote'o. Eghuteuna iara nodi God te blahi mae Israel mae ihei te atha fasnagla ghami nei funei frunidi naikno te gnafa ka nauthoglu igne.

Famane Khoje 3:11

Mei, ghotilo goro gaꞌasemi ka Thogele Saion! Mei filoni King Solomon! Mana fahaghe nogna khepi nafnakno king teke nhaꞌa lao idogna na ka phaꞌugna mana na, ka narane teke tolaghi mana, igne kaisei narane glealeꞌa biꞌo fara ka nagnafa gna mana na.

Nodi Khoje Hatimare Mae Jiu 45:11

Te eghu iagho na, king ginauna filo nigho nei magnahaghei nigho eghu iagho, naugna iagho kaisei famane gaꞌase fara. Mana mala nou mae funei iagho, eghume iagho mala ghatho tahuni mana.

Fapea Korin 6:5

Mare puri ghami nei koko lao ghami ka suga sosolo. Naiknore diꞌa tadi ghami nei magri ghami. Ghehati loku heta, keha fatare ghehati theo kaisei vido mala thuru ba te mala ghamu na.

Jone 12:8

Naikno te kuma gre au fabrahu agne balumi ghotilo mala toghodi, eghuteuna iara gne theome au fabrahu agne balumi ghotilo.”

Matiu 9:15

Mae Jisas ne cheke eghu, “Kheragna mae te mei kau gaghamu tolaghi na mare theome tangomana te diꞌanagnafa na, naugna mae te tolaghi na au baludi ngala mare. Nu narane te mala tei kokodi mae te tolaghi na kheragnare ginauna mei. Aonu ame tangomana nga mare te dangna nei diꞌanagnafa teuna eghu. Jateula tuana eghu kate au teu iara agne baludi nogu mae fanomhore, mare ginauna na theome dangna nei diꞌanagnafa eghu.”

Nonomho Te Keli Teke Risoi Mae Mak 2:19

Mae Jisas ne cheke eghu ka mare, “Ba, keliu ngala naikno te au ka gaghamu tholaghi na te theome ghamu na? Theome tangomana! Kate au teu mae tholaghi na baludi mae kheragnare, mare theome tangomana te dangna na.

Nonomho Te Keli Teke Risoi Mae Mak 2:21

“Theome tangomana tahati te hata nabreku pohe majaghani na te susuki fodu ka pohe tiatifa tela korahi na. Te eghu tahati na, kate titihi na, nabreku pohe majaghani tuana ginauna rerheku ngala keha pohe tiatifa tuana. Eghuteuna khora tuana ginauna na biꞌo uluni tifa na.

Luku 5:35

Nu narane te mala tei kokodi mae te tolaghi na mae kheragnare ginauna na mei. Aonu ame tangomana nga mare te dangna na eghu. Jateula tuana eghu kate au teu iara agne baludi nogu mae fanomho gre, mare ginauna na theome dangna eghu.”