Nonomho Te Keli Teke Risoi Mae Mak 2:14 - Buka Blahi Ka Cheke Holo

¹⁴ Kate ratha te tei na, mana ne filoni mae Livae thugna mae Alfius gnokro neu ka vido mala foli takis na naugna mana loku jare. Mae Jisas ne cheke eghu ka mana, “Ghema, mei leghu ghau iara, iagho mala nogu mae fanomho iara.” Mae Livae kegra haghe ne leghuni mae Jisas.

Nonomho Te Keli Teke Risoi Mae Mak 2:14 ပူးပေါင်းရင်းမြစ်များ

Luku 6:15

mae Matiu ghe mae Tomas; mae Jemes (thugna mae Alfius) ghe mae Simon, mae te kiloi Silote;

Nonomho Te Keli Teke Risoi Mae Mak 3:18

Mae Aduru, mae Filip, mae Batolomiu, mae Matiu, mae Tomas, mae Jemes thugna mae Alfius, mae Tadius, mae Simon mae ihei ka tothoghei te magnahaghei fajifladi mae Rom,

Mae Khuru 1:13

Kate thoke Jerusalem na, mare doglo ne tei kau chogho ke kligna kaisei suga te mala kapru teu mare. Eghuteuna jare mae Pita, mae Jone, mae Jemes, mae Aduru, mae Filip, mae Tomas, mae Batolomiu, mae Matiu, mae Jemes thugna mae Alfius, mae Simon mae te kiloi Silote, nei Judas thugna mae Jemes.

Matiu 8:22

Nu mae Jisas ne cheke eghu ka mana, “Gognarona iagho mei leghu ghau iara, lisa laodi naikno te tirodini nakarhagna God na mala giugiludi mare thedi naikno te lehere.”

Nonomho Te Keli Teke Risoi Mae Mak 2:15

Ke leghu, ka narane tuana mae Jisas ne ghamu ka sugagna mae Livae. Kmana mae te diꞌa mala salo takis nei keha mae te diꞌa langau te leghuni fabrahu mae Jisas, nei keha mae te diꞌa teu igre mei ne ghamu balugna mana, eghuteuna hatimare nogna mae fanomhore.