Ghagra pasa hamerane Sade, Meri gna Makidala jifla ne tei ka gluma aheva teke lilisei mare thinigna mae Jisas na. Kate thoke lao ka gluma na, naꞌa ne filoni thina biꞌo teke fofothogna gluma na la pili fadeleihi.
Mana lilisei thinigna mae Jisas na ka nogna gluma majaghani thegna teke jou mare ka thina biꞌo na. Aonu ke leghu, mae Josep ne pili kaisei thina biꞌo mala fofotho gluma na ne tei nogna.
Aonu, mare ne kafe tei ka gluma na ne famane bibilakhi famaku thina biꞌo teke fofothogna gluma na mala theome tangomana kaisei naikno te mei blau thinigna mae Jisas. Eghuteuna mare ne lilisei keha mae soldia mala reireghi fakeli gluma na.
Rehati ruma ka gluma na ne filoni kaisei mae majaghani te fahaghe phoko vegha gnokro neu ka gluma na. Mana gnokro neu fei nhetadi reꞌe. Rehati filoni mana ne mhaghu nodi fara.