Nonomho Te Keli Teke Risoi Mae Mak 16:17 - Buka Blahi Ka Cheke Holo

¹⁷ Eghuteuna iheire te fatutuanire, God ginauna tusu ranghidi nolaghi, mala tangomana mare ei kofubobhoi. Mare ginauna tangomana te brue naitu ka nanghagu iara. Eghuteuna mare ginauna cheke ka keha nafnata cheke majaghani teke theome laseni mare tifa na.

Nonomho Te Keli Teke Risoi Mae Mak 16:17 ပူးပေါင်းရင်းမြစ်များ

Mae Khuru 5:16

Kmana kmana naikno mei funudi ka namono te kmana te au falithui Jerusalem. Mare hata ne mei naikno te fogra nei naikno te au tadi naitu. Naikno igre mei neke kafe keli fapulo.

Ululahu Korin 12:28

God neke lilisei soasopai naikno te mala edi soasopai gna gloku ka khiloau gne. Ulu lahu na, mana neu lilisei hatimare mae khuru, fapea na, hatimare mae profet. Fatilo na, hatimare mae velepuhi. Eghuteuna kehare mala eꞌei kofubobhoi, nei kehare mala fakelidi iheire te fogra, nei kehare mala totogho, nei kehare mala baubatu ka khiloau, nei kehare mala cheke ka keha nafnata cheke.

Ululahu Korin 12:10

Eghuteuna ka keha naikno na Tharunga te Blahi tusu ranghini nolaghi te mala eꞌei kofubobhoi. Ka keha naikno na nolaghi mala toutonuni chekegna God na jateula mae profet eghu. Eghuteuna ka keha naikno na nolaghi mala filo glanini nogna nafnata nolaghi naikno, jame te nogna God ba theo. Ka keha naikno na Tharunga te Blahi na tusu ranghini nolaghi te mala cheke ka keha nafnata cheke. Eghuteuna ka keha naikno na tusu ranghini nolaghi te mala rurutha gaoghathodi nafnata cheke tuare.

Mae Khuru 8:7

Kmana naiknodi Samaria ne au naitu tadi. Nu mae Filip ne brue fajifladi tadi. Eghuteuna naiture ne eha fabiꞌo ne jifla mei ka naiknore. Mae Filip jaola ne fakelidi naikno te lehe ghahedi nei blughu teu ka namono tuana.

Luku 10:17

Ka narane ke pulo meidi fitusalei phei mae igre ka mae Jisas na, mare ne gleale'a fara. Eghuteuna mare ne cheke eghu ka mae Jisas, “Lord, naiture ba, mare ne leghu ghami ghehati fara kate bruedi ghehati ka nanghamu iagho na.”

Mae Khuru 10:46

Naikno Jiu te fatutuani gre ne nomhidi te cheke mare ka keha nafnata cheke te nhogri nei cheke fakelini God. Mae Pita ne cheke eghu ka keha naikno khiloau re,

Jone 14:12

Tutuani fara te chekeni iara ka ghotilo na. Mae ihei te fatutuani ghau iara na, mana ginauna edila glepo te edi iara re. Mana ginauna na edi glepo ke kmanadi te edi iara igrei, naugna iara na tei kokoni nauthoglu igne mala tei au balugna mae Mama.

Mae Khuru 19:6

Aonu mae Pol ne taofidi mala hatini mare u Tharunga te Blahi na. Mare ne funu cheke ka keha chekei nei toutonuni la chekegna God na.

Ululahu Korin 14:2

Tutuani, ihei te chekeni chekegna God ka soasopai nafnata chekei na, mana theome cheke ka naikno, nu mana cheke ka God kolho. Theo kaisei naikno te tangomana te laseni nafnata cheke tuana, naugna Tharunga te Blahi na neke tusu ranghini mana u nolaghi te mala chekedi glepo te poru igre.

Ululahu Korin 12:30

ba mala fakelidi iheire te fogra, ba mala cheke ka keha nafnata cheke, ba mala rurutha gaoghathogna nafnata cheke tuana.

Ululahu Korin 13:1

Neuba iara ne tangomana te chekeni chekegna God na ka soasopai cheke ka nauthoglu igne ba chekegna kligna, nu jame te theome namhadi iara keha naiknore, iara jateula kaisei belo ba vido aean eghu te fiti taitanhia eghu kolho.

Mae Khuru 16:18

Naꞌa eni koba igne leuleghu narane. Mae Pol ne ghilei hongoni, aonu mana figri ne cheke eghu ka naitu na, “Ka nanghagna mae Jisas Kraes iara te cheke ari ka iagho mala jifla mei ka naꞌa!” Eghuteuna naitu na ghosei ne jifla mei ka gaꞌase na.

Nonomho Te Keli Teke Risoi Mae Mak 9:38

Mae Jone ne cheke eghu ka mae Jisas, “Velepuhi, ghehati neke filoni kaisei mae te brue naitu ka nanghamu iagho na. Ghehati chekeni mana mala thosei eni tuana naugna mana theome au ka noda tothoghei tahati gne.”

Mae Khuru 2:33

God neke hata hagheni mana kau sape nafnakno na mala gnokro rhegna thegna. Eghuteuna God mae Kmagna na neke tusu ranghini mana Tharunga te Blahi na, mala leghuni nogna nhaꞌa cheke na. Eghume unha te filoni nei nomhini teu ghotilo gognaro gne, glepo neke tusu meini God ka ghehati.