Nonomho Te Keli Teke Risoi Mae Mak 16:16 - Buka Blahi Ka Cheke Holo

¹⁶ Ihei te fatutuani ni Nonomho te Keli na, eghuteuna apublahi teuna ginauna na hatini karha fei tifa na. Nu ihei te theome fatutuani na, God ginauna na fate faleheni mana.

Nonomho Te Keli Teke Risoi Mae Mak 16:16 ပူးပေါင်းရင်းမြစ်များ

Jone 3:36

Ihei te fatutuani ni mae Thugna God na, mana na athini u karha te theo ka huigna na. Nu mae ihei te theome fatutuani ni mae Thugna God na mana na theome athini u karha tuana. Eghuteuna God ginauna diꞌatagna fabrahu ka mana.

Mae Khuru 2:38

Mae Pita ne cheke eghu ka mare, “Tughu nagnafa, nei kafe apublahi ka nanghagna mae Jisas Kraes, aonu God ginauna hata fadelei u nakhibomire nei tusu ranghi ghami u Tharunga te Blahi na.

Jone 5:24

Mae Jisas ne cheke eghu ka mare, “Tutuani fara te chekeni iara ka ghotilo na. Mae ihei te nomhidi nei leghudi teu u nogu cheke iara re, nei fatutuani ni Mama mae ihei teke kuru mei ghau iara na teuna, mana na athini u karha te theo ka huigna na. Mae tuana iara na theome fate faleheni mana, naugna mana jateula mae ihei teke lehehi nu ke karha fapulo teu ia eghu.

Jone 8:24

Naugna igne te chekeni iara ka ghotilo na, ‘Ghotilo ginauna lehe baludi nakhibomi are’. Te theome fatutuani ghau iara ghotilo, iara kaisei mae teke karha mei jateula kaisei mae biꞌo teuna, ghotilo ginauna na lehe kau nakhibomire!”

Jone 6:29

Mana ne cheke eghu ka mare, “U gloku te magnahagheni God te mala eni ghotilo na igne, fatutuani ghau iara, mae ihei teke kuru mei mana gne.”

Jone 3:5

Aonu, mae Jisas ne cheke eghu ka mae Nikodimas, “Tutuani fara te chekeni iara ka iagho na. Te theome karha mana kau khoꞌu nei Tharunga te Blahi teuna mana theome nabagna te au baludi naikno te funei frunidi God.

Mae Khuru 10:43

Hatimare mae profet te gnafare neke toutonu eigna la mana, neke cheke eghu, ‘Ihei te fatutuani ni mae Jisas na, God ginauna na hata fadelei nakhibodire ka nanghagna mae Jisas.’ ”

Jone 20:31

Eghuteuna, glepo igre iara neke riso soru mala iu'ijudi ghotilo nu fatutuani ni mae Jisas gne mae Kraes, Thugna God. Te fatutuani ni mana ghotilo na, ghotilo ginauna tangomana te athani thofno nakarha na ka nanghagna mana.

Thakle 20:15

Eghuteuna ihei te theome rioriso soru nanghagna na ke lamnagna nogna buka God na, mala koko lao ke lamnagna kholo te deudeplu ka khaꞌaghi na.

Jone 6:35

Mae Jisas ne cheke eghu ka mare, “Iara jateula u gano eghu mala tusu lao u karha na ka naiknore. Mae ihei te mei ka iara na mana ginauna theome rofo. Mae ihei te fatutuani ghau iara na mana ginauna theome roi koꞌu.

Ululahu Pita 3:21

Eghuteuna khoꞌu igne kaisei fagaglana ranghi ghita eigna apublahi. God gognaro na fakarha ghami ghotilo ka khoꞌu naugna mae Jisas Kraes na kela karha fapulohi. Jaola, apublahi gne theome mala tihi koko thona ka thinimi ghotilo re, nu mala eni ghotilo kaisei nhaꞌa cheke ka God ka thofno gaoghatho te tutuani.

Nonomho Te Keli Teke Risoi Mae Mak 1:15

Mana ne cheke eghu, “Thofno narane teke vahini God na la thokei meihi gognarona, eghuteuna narane God nate funei frunidi nogna naiknore la namo meihi. Eghume lilisei puhi te diꞌare nei fatutuani ni ngala Nonomho te Keli gne!”

Mae Khuru 22:16

Eghume ofo unha sagho ia? Kegra haghe, kiloni nanghagna Lord nei apublahi eghu mala tihi kokodi God nakhibomure. Kate eni igne, fatutuani ni mana nate fakarhi nigho na.’

Jone 6:40

Naugna mae Kmagu iara na magnahagheidi naiknore te kafe filo glani ghau iara mae Thugna na nei fatutuani ghau iara teuna mala athini u karha fei tifa na. Eghuteuna iara na fakarha fapulodi kau narane leghu lahu na.”

Ululahu Pita 1:21

Naugna igne, ghotilo fatutuani ni God mae ihei teke fakegra fapuloni mae Kraes ka glehe nei tusu ranghini nafnakno biꞌo. Eghume gognaro na nomi fatutuani nei grouronu teu ghotilo na biꞌo fara ka God.

Mae Khuru 2:41

Iheire naikno te fatutuanidi nogna cheke mae Pita re ne apublahi, naba thilo thogha naikno te ruma haghe ka tothoghei mae khiloau kau narane tuana.

Luku 8:12

Eghuteuna sisi te soru ka nabrou na igre eidi iheire te nomhini cheke na, nu mae Satan mei hata fadelei ka nagnafadire cheke igre mala theome fatutuani, nei theome hatani eghu mare thofno nakarha na.

Matiu 28:19

Eghume, ghotilo tei mala farirhiudi naikno ka namono te gnafa ka nauthoglu igne mala nogu mae fanomho iara. Faꞌapublahidi ka nanghagna Mama nei Thugna nei Tharunga te Blahi.

Thakle 21:8

Nu naikno te diꞌa te gnafare ginauna tei au ka kholo khaꞌaghi. Tutuani, iheire te tirodi leghu ghau iara igre, naugna mare ne mhaghuni u glehe, nei iheire te theome fatutuani, nei iheire te edi puhi te diꞌa, nei iheire te falehe naikno, nei iheire te gnognoro, nei iheire te au khoraphaꞌu, nei iheire te pogho soru ka mumuju, nei iheire te chaichaghi fara teu igre, ginauna thokedi kholo biꞌo te dudulu ka khaꞌaghi te ngire ka thina ngaja na. Kholo khaꞌaghi igne jaola kiloni fapea glehe na.”

Letas Teke Riso Tei Mae Pol Ka Khiloau Rom 4:24

Theo, jaola cheke eida tahati naikno te fatutuani ni God te au mei ke leghugna mana re. Tutuani fara, God na au nolaghi neke fakarha fapuloni noda Lord Jisas Kraes kau glehe. Tahati fatutuani ni mana, eghuteuna mana ginauna jaola filo ghita jateula naikno te doglo eghu.

Fapea Tesalonika 2:12

Eghuteuna God ginauna fate falehedi gnafa, eigna mare ne tirodi fatutuani cheke te tutuani na, eghuteuna mare ne keli tadi te edi fabrahu glepo te diꞌare.

Fapea Tesalonika 1:8

Mana ginau mei funu kligna balu khaꞌaghi ngaja mala fatedi iheire te theome laseni God, nei iheire te tirodi leghuni u Nonomho te Keli eigna noda Lord Jisas Kraes.

Mae Khuru 13:46

Nu mae Pol ghe mae Banabas ne theome mhaghu ne cheke eghu, “Ghepa magnahaghei te kulu toutonuni ka ghotilo mae Jiu chekegna God gne. Nu ghotilo tiromi fanomho, eghuteuna ghotilo vahi ghami themi te theome nabami te hatini u karha fei tifa na. Eghume ghehati gognaro na tei ka keha naikno te theome Jiu.

Letas Teke Riso Tei Mae Pol Ka Khiloau Rom 3:6

Nu igne theome tutuani. Naugna jame te theome doglo God na, faꞌunha eghu mana fatedi naikno te gnafa ka nauthoglu gne?